完整藏文原文 · 德格版页 当前仅加载第 4 函德格 11a 版页；藏文 NFD、目录标记与异常页序保留在来源切片中，重复版页行以稳定序号区分。
ཙམ་ན་འདུན་པ་གཉིད་སྟུག་པོས་ནོན་པར་གཟིགས་ནས་བྱང་ཆུབ་སེམས་དཔས་བསྒྲིམས་ཏེ་བསླང་ནས་ཚིགས་སུ་བཅད་པའི་དབྱངས་ཀྱིས་གསུངས་པ། འདུན་པ་ལོངས་ཀྱེ་ཁྱིམ་ནས་མྱུར་དུ་ནི། །ང་ཡི་རྟ་ཕོ་རིན་ཆེན་བསྔགས་ལྡན་ལོང་། །སྔོན་གྱི་རྒྱལ་བས་
D1.004.0011a01.01ལོངས་སྤྱོད་དཀའ་ཐུབ་ཚལ། །ཐུབ་རྣམས་དགྱེས་པར་མཛད་པར་ངག་གཤེགས་སོ། །འདུན་པ་གཉིད་ལོག་པའི་མིག་ཕྱེ་ནས་སྨྲས་པ། ལྷ་ཁྱོད་སྐྱེད་མོས་ཚལ་གྱི་དུས་མ་བབ། །དེས་པ་ཁྱོད་དང་འགའ་ཡང་ཁོ་ན་མ་མཆིས། །ཁྱོད་ལ་དགྲ་བོ་སུ་ཡང་མ་མཆིས་ན། །དགུང་ཕྱེད་ཁྱོད་ལ་
D1.004.0011a02.01བཅིབས་པས་ཅི་ཞིག་བགྱིད། །བྱང་ཆུབ་སེམས་དཔས་བཀའ་སྩལ་པ། འདུན་པ་ཁྱོད་ཀྱིས་ལན་འགའ་ཡང་། །ང་ཡི་ཚིག་ནི་མ་བཅག་ན། །ང་ཡི་དེང་དུས་ཐ་མ་ལ། །ང་ཡི་ཚིག་འདི་མ་གཅག་ཅིག །འདུན་པས་གསོལ་པ། གཞོན་ནུ་མཚན་མོ་འདི་ནི་འཇིགས་པ་དང་
D1.004.0011a03.01འཇིགས་སུ་རུང་བ་མཆིས་པས་བདག་བཅིབས་པ་མི་ལེན་ནོ། །བྱང་ཆུབ་སེམས་དཔས་དགོངས་པ། ལན་དང་ཡང་ལན་གྱིས་གདོན་མི་ཟ་བར་སྐྱེ་བོ་སད་པར་འགྱུར་གྱིས་བདག་ཉིད་སོང་ལ་རྟའི་རྒྱལ་པོ་བསྔགས་ལྡན་སྟ་གོན་བྱའོ་སྙམ་ན། དེ་ནས་ཉིད་ཀྱིས་ཕོ་བྲང་གི་སྒོ་ཕྱེ་ནས་རྟའི་རྒྱལ་པོ་
D1.004.0011a04.01བསྔགས་ལྡན་བཟུང་བར་བརྩམས་པ་ན་དེ་ཁྲོས་པའི་མེ་རབ་ཏུ་འབར་བས་རྐང་པ་འཕྲ། འཇིང་ཀྱོག་བྱེད་ལ་ཕར་བྲོས་ཚུར་བྲོས་ཤིང་འདུག་ཏུ་མི་བཏུབ་བོ། །དེ་ནས་བྱང་ཆུབ་སེམས་དཔའི་ཕྱག་བསོད་ནམས་བརྒྱ་ཕྲག་དུ་མས་བསྐྱེད་པ། འཁོར་ལོ་དང་བཀྲ་ཤིས་དང་། གཡུང་དྲུང་འཁྱིལ་
D1.004.0011a05.01པ་མངའ་བ། སྐྲག་པ་རྣམས་ལ་དབུགས་འབྱིན་པར་མཛད་པས་མགོ་ལ་བྱུགས་ནས་གསུངས་པ། བསྔགས་ལྡན་ཐ་མ་ཡི་ནི་ཁུར་ལོང་སྟེ། །དཀའ་ཐུབ་ནགས་སུ་མ་ཐོགས་ང་སྐྱོལ་ཅིག །བྱང་ཆུབ་ཐོབ་ནས་མྱུར་དུ་འགྲོ་བ་ཀུན། །བསམ་གཏན་རྣམ་ཐར་ཆར་གྱིས་ཚིམ་པར་བྱ། །
D1.004.0011a06.01ཆོས་ཉིད་ཀྱིས་དུད་འགྲོ་ཡང་གདམས་ན་ཕྱི་ལང་མི་བྱེད་པས་རྟའི་རྒྱལ་པོ་བསྔགས་ལྡན་མི་གཡོ་བར་འདུག་གོ། །དེ་ནས་བྱང་ཆུབ་སེམས་དཔའ་ཐུགས་དགྱེས་པ་སྐྱེས་ཏེ་རྟའི་རྒྱལ་པོ་བསྔགས་ལྡན་བསྟད་ནས་བཞེས་སོ། །བརྒྱ་བྱིན་དང་ཚངས་པ་ལ་སོགས་པ་ལྷ་རྣམས་ཀྱིས་བྱང་ཆུབ་
D1.004.0011a07.01