完整藏文原文 · 德格版页 当前仅加载第 4 函德格 23b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ཞིག་ཆུ་ནས་ཕྱུང་སྟེ་ཉེ་བར་སྐམ་ལ་བཞག་པ་དང་། དེ་ནས་མི་མེ་དོན་དུ་གཉེར་བ་མེ་ཚོལ་བ་ཞིག་དེར་འོངས་ནས་དེས་དེ་ལ་གཙུབ་སྟན་བྱས་ཏེ་གཙུབ་ཤིང་བཞག་ནས་གཙུབས་ན་འདི་ལྟར་ཤིང་དེ་རློན་པ་ཆུ་ཅན་ཡིན་པའི་ཕྱིར་མེ་འབྱུང་བ་དང་། འབར་དུ་མི་བཏུབ་པ་དེ་བཞིན་དུ་དགེ་
D1.004.0023b01.01སྦྱོང་ངམ་བྲམ་ཟེ་ཁ་ཅིག་འདོད་པ་རྣམས་ལ་ལུས་དང་སེམས་ཀྱིས་ཐག་སྲིང་བར་མི་གནས་ཀྱི། དེ་རྣམས་ཀྱི་འདོད་པ་རྣམས་ལ་འདུན་པ་དང་། འདོད་པ་ལ་ཆགས་པ་དང་། འདོད་པ་ལ་དགའ་བ་དང་། འདོད་པ་ལ་ཞེན་པ་དང་། འདོད་པ་ལ་འཆུམས་པ་དང་། འདོད་པ་ལ་ལྷག་
D1.004.0023b02.01པར་ཞེན་པ་གང་ཡིན་པ་དེ་ནི་དེ་རྣམས་ཀྱི་སེམས་ཡོངས་སུ་གཏུགས་ཏེ། གནས་པ་ཡིན་པས་ལུས་དང་སེམས་ཀྱིས་ཐག་སྲིང་བར་མི་གནས་པ་རྣམས་ཀྱི་ནི་དེ་དང་འདྲའོ། །དེ་རྣམས་བདག་ཉིད་གནོན་པའི་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་བའི་ཚོར་བ་དེ་ལྟ་བུ་
D1.004.0023b03.01ཉམས་སུ་མྱོང་མོད་ཀྱི། འོན་ཀྱང་དེ་རྣམས་ཀྱིས་ཤེས་པར་ནུས་པ་མ་ཡིན། མཐོང་བར་ནུས་པ་མ་ཡིན། བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་ནུས་པ་མ་ཡིན་ཏེ། དེ་ལ་འདི་ནི་དེའི་ཚེ་བྱང་ཆུབ་སེམས་དཔའ་ལ་སྔོན་མ་གསན་པའི་དཔེ་སྣང་བ་དང་པོ་ཡིན་ནོ། །
D1.004.0023b04.01དཔེར་ན་ཤིང་རློན་པ་ཆུ་ཅན་ཞིག་ཆུ་ནས་ཕྱུང་སྟེ། ཉེ་བར་སྐམ་ལ་བཞག་པ་དང་། དེ་ནས་མི་མེ་དོན་དུ་གཉེར་བ་མེ་ཚོལ་བ་ཞིག་འོངས་ནས་དེས་དེ་ལ་གཙུབ་སྟན་བྱས་ཏེ། གཙུབ་ཤིང་བཞག་ནས་གཙུབས་ན་འདི་ལྟར་ཤིང་དེ་རློན་པ་ཆུ་ཅན་ཡིན་པའི་ཕྱིར་མེ་འབྱུང་བ་དང་
D1.004.0023b05.01འབར་དུ་མི་བཏུབ་པ་དེ་བཞིན་དུ་དགེ་སྦྱོང་ངམ་བྲམ་ཟེ་ཁ་ཅིག་འདོད་པ་རྣམས་ལ་ལུས་ཀྱིས་སྤོང་བར་གནས་ཀྱི་སེམས་ཀྱིས་མ་ཡིན་པ་དེ་རྣམས་ཀྱི་འདོད་པ་རྣམས་ལ་འདོད་པ་ལ་འདུན་པ་དང་། འདོད་པ་ལ་ཆགས་པ་དང་། འདོད་པ་ལ་དགའ་བ་དང་། འདོད་པ་ལ་ཞེན་པ་
D1.004.0023b06.01དང་། འདོད་པ་ལ་འཆུམས་པ་དང་། འདོད་པ་ལ་ལྷག་པར་ཞེན་པ་གང་ཡིན་པ་དེ་ནི་དེ་རྣམས་ཀྱི་སེམས་ཡོངས་སུ་གཏུགས་ཏེ་གནས་པ་ཡིན་ནོ། །དེ་རྣམས་བདག་ཉིད་གནོད་པའི་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་བའི་ཚོར་བ་དེ་ལྟ་བུ་ཉམས་སུ་མྱོང་མོད་
D1.004.0023b07.01