完整藏文原文 · 德格版页 当前仅加载第 4 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཀུན་དགའ་བོས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་ཀོ་ས་ལའི་རྒྱལ་པོ་གསལ་རྒྱལ་གྱིས་ཚེ་དང་ལྡན་པ་ཀུན་དགའ་བོ་ལ་རང་ཉིད་ཀྱིས་རྩིབས་བརྒྱ་མཆིས་པའི་གདུགས་བཟུང་ཞིང་རང་ཉིད་
D1.004.0151a01.01ཀྱིས་ཅོད་པན་དཀར་པོས་བཅིངས་ཏེ་བསྙེན་བཀུར་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་ཀུན་དགའ་བོ་འདི་ཉིད་ཀྱིས་སྔོན་གྱི་ཚེ་རབས་གཞན་དག་ཏུ་ལས་བྱས་ཤིང་བསགས་པ་དག་ནི་ཞེས་བྱ་བ་ནས། ལུས་ཅན་དག་ལ་འབྲས་བུར་
D1.004.0151a02.01འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་བཱ་རཱ་ཎ་སཱི་ན་སྨན་པ་ཞིག་གནས་པའི་དྲུང་དུ་རང་སངས་རྒྱས་ནད་པ་ཞིག་སོང་བ་དང་། དེས་དེ་ལ་ཡོ་བྱད་ཐམས་ཅད་ཀྱིས་བསྟབས་ཏེ་རང་ཉིད་ཀྱིས་སྨན་དཔྱད་དང་བཀུར་སྟི་བྱས་སོ། །དགེ་སློང་དག་ཇི་
D1.004.0151a03.01སྙམ་དུ་སེམས། དེའི་ཚེ་དེའི་དུས་ཀྱི་སྨན་པ་གང་ཡིན་པ་དེ་ནི་དགེ་སློང་ཀུན་དགའ་བོ་འདི་ཉིད་ཡིན་ཏེ། དེ་ན་འདིས་རང་སངས་རྒྱས་ལ་བྱ་བ་བྱས་ནས་སྨོན་ལམ་བཏབ་པ་དེའི་ལས་ཀྱི་རྣམ་པར་སྨིན་པས་ལོ་བརྒྱ་ཕྲག་དུ་མ་དང་། ལོ་སྟོང་ཕྲག་དུ་མར་རྒྱལ་པོ་དང་། བློན་པོ་དང་། བྲམ་ཟེ་
D1.004.0151a04.01དང་། ཁྱིམ་བདག་རྣམས་ཀྱིས་འདི་ལ་བསྙེན་བཀུར་བྱས་སོ། །ཇི་ལྟར་ད་ལྟར་ཀྱང་འདི་ལ་ཀོ་ས་ལའི་རྒྱལ་པོ་གསལ་རྒྱལ་གྱིས་རྩིབས་བརྒྱ་ཡོད་པའི་གདུགས་སྤྱི་བོར་བཟུང་ཞིང་རང་ཉིད་ཀྱིས་བསྙེན་བཀུར་བྱས་སོ། །དེ་ནས་བཅོམ་ལྡན་འདས་མཉན་ཡོད་ན་ཇི་ཙམ་བཞེད་ཀྱི་བར་དུ་
D1.004.0151a05.01བཞུགས་ནས་ཤིང་སཱ་ལ་ཅན་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་དང་སཱ་ལ་ཅན་དུ་བྱོན་ནས་སཱ་ལ་ཅན་གྱི་བྲམ་ཟེའི་གྲོང་ཁྱེར་ན་བཞུགས་སོ། །དེའི་ཚེ་འདི་ལྟ་བུའི་ཉན་ཐོས་ཆེན་པོ་གནས་བརྟན་གནས་བརྟན་རྣམས་བཅོམ་ལྡན་འདས་ཀྱི་ཉེ་འཁོར་ན་ཉེ་བར་བརྟེན་
D1.004.0151a06.01ཅིང་འདུག་པ་འདི་ལྟ་སྟེ། ཚེ་དང་ལྡན་པ་ཀུན་ཤེས་ཀཽཎྜི་ནྱ་དང་། ཚེ་དང་ལྡན་པ་རྟ་ཐུལ་དང་། བཟང་ལྡན་དང་། རླངས་པ་དང་། མིང་ཆེན་དང་། གྲགས་པ་དང་། གང་པོ་དང་། དྲི་མ་མེད་པ་དང་། བ་ལང་བདག་དང་། ལག་{བཟངས་,བཟང་}དང་། ཚེ་དང་ལྡན་པ་ཤཱ་རིའི་བུ་དང་། ཚེ་
D1.004.0151a07.01