完整藏文原文 · 德格版页 当前仅加载第 4 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ངུ་བ་ལ་ཞུགས་སོ། །ཡུལ་སྣ་ཚོགས་ནས་ལྷགས་པའི་སྐྱེ་བོའི་ཚོགས་ཀྱིས་ཀྱང་འཕྱ་བར་བརྩམས་ཏེ་མི་ཕལ་པ་གཅིག་གི་ཕྱིར་འདི་སྙེད་ཀྱི་སེམས་ཅན་འདོར་བ་ལྟ་ཅི་ཐ་ཚིག་ཅེས་གླེང་ངོ་། །དེ་ནས་རྒྱལ་པོས་སྐྱེ་བོའི་ཚོགས་དེ་དབུགས་ཕྱུང་ནས་ཐབས་དེས་
D1.004.0186a01.01ཟླ་བ་དྲུག་ཏུ་ལུས་ཀྱི་ཡན་ལག་ལྔའི་རྩ་གཏར་ཏེ། གཏར་ནས་ནས་ཐུག་བླུད་དོ། །རྒྱལ་པོ་ཤི་བིའི་ལུས་དེ་ཚགས་འདྲ་བར་གྱུར་ནས་གཟི་བྱིན་ཡོངས་སུ་ཉམས་སོ། །གནས་གཙང་མའི་རིས་ཀྱི་ལྷ་རྣམས་ཀྱིས་བསམས་པ། འདི་ནི་བསྐལ་པ་བཟང་པོའི་བྱང་ཆུབ་སེམས་དཔའ་
D1.004.0186a02.01ཡིན་ཏེ། གལ་ཏེ་ཡོངས་སུ་ཉམས་ནམ་ལེགས་སོ་སྙམ་ནས་དེ་རྣམས་དེ་ལ་ཉི་མ་རེ་རེ་ཞིང་གཟི་བྱིན་སྒྲུབ་པར་བྱེད་དེ་དེས་དེ་འཚོའོ། །གང་གི་ཚེ་མི་དེའི་ནད་དེ་ཞི་བར་གྱུར་པ་དེའི་ཚེ་རྒྱལ་པོ་ཤི་བིས་གྲོང་རྡལ་མཆོག་ལྔ་བྱིན་ནས་བཱ་རཱ་ཎ་སཱི་ན་གཙོ་བོར་བཀུར་བར་གྱུར་ཏོ། །མཐའ་དག་ཏུ་
D1.004.0186a03.01སྒྲ་གྲགས་པ་རྒྱལ་པོ་ཤི་བིའི་ལུས་ཀྱི་ཡན་ལག་ལྔའི་རྩ་གཏུབས་པའི་ཁྲག་གིས་ནད་པའི་རིམ་གྲོ་དུས་འདི་སྲིད་ཅིག་བྱས་པས་དེ་ཡང་སོས་པར་གྱུར་ཏོ། །གང་ཡང་ཡ་མཚན་སྐྱེས་པའི་སེམས་ཅན་རྣམས་ལྷགས་ནས་མི་དེ་ལ་དྲིས་པ། ཀྱེ་ནང་རྗེ་ཁྱོད་ལ་རྒྱལ་པོ་ཤི་བིས་དུས་འདི་སྲིད་
D1.004.0186a04.01ཅིག་རིམ་གྲོ་བྱས་སོ་ཞེས་གྲག་ན་བདེན་ནམ། དེས་སྨྲས་པ། བདག་ལ་དེས་ཅི་ཞིག་བྱས། ངན་ཁྲག་ལྟ་ཞིག་ས་ལ་ཕོ་འམ་གཞན་ལ་བྱིན་ཡང་རུང་སྟེ་ངོ་མཚར་ཅི་ཞིག་ཆེ། དེ་སྐད་ཅེས་སྨྲས་མ་ཐག་ཁོ་ནར་དེའི་ཁྱིམ་དུ་མེ་བྱུང་ནས་དེས་དེའི་ཁྱིམ་དང་ནོར་ཐམས་ཅད་ཚིག་པར་གྱུར་ཏོ། །
D1.004.0186a05.01དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་རྒྱལ་པོ་ཤི་བི་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་བྱས་པ་ཆུད་གཟོན་པའི་མི་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ། །ད་ལྟར་ཡང་འདི་བྱས་པ་མི་གཟོ་
D1.004.0186a06.01བ་དང་བྱས་པ་མི་ཚོར་བ་ཡིན་ནོ། །གཞན་ཡང་ཇི་ལྟར་འདི་བྱས་པ་མི་གཟོ་བ་དང་བྱས་པ་མི་ཚོར་བ་དེ་ཉོན་ཅིག །དགེ་སློང་དག་སྔོན་བྱུང་བ་རྒྱལ་པོའི་ཕོ་བྲང་ཞིག་ན་རྒྱལ་པོ་ཞིག་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ། སྐྱེ་བོ་དང་མི་མང་པོས་རབ་ཏུ་གང་བ་ན་རྒྱལ་སྲིད་
D1.004.0186a07.01