完整藏文原文 · 德格版页 当前仅加载第 4 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོར་གྱུར་ནས་ཡིག་འབྲུ་དང་བཀླག་པ་བསླབས་ཏེ། སྙན་དངགས་བྱ་བར་བརྩམས་ནས་དེའི་མིང་ཉ་པའི་ཁྱེའུ་སྙན་དངགས་མཁན་ཉ་པའི་ཁྱེའུ་སྙན་དངགས་མཁན་ཞེས་བྱ་བར་གྱུར་ཏོ། །ཕྱུགས་འདུག་གིས་ཆོས་ལྡན་མ་ལ་སྨྲས་པ། ཁྱོད་ལ་ནི་ཁྱེའུ་སྙན་དངགས་མཁན་ཞིག་
D1.004.0234b01.01བཙས་པར་གྱུར་ཏོ། །དེ་ཅི་འདྲ་བ་ཞིག་ཡིན་རེ་ཞིག་བལྟའོ། །དེས་སྨྲས་པ། དེ་བལྟ་ཅི་དགོས་ཞོག་ཤིག །དེ་བུ་ལ་མངོན་པར་དགའ་ཞིང་བལྟ་འདོད་པས་འདུག་ཏུ་མི་བཏུབ་བོ། །ཕྱུགས་འདུག་གིས་ངེས་པར་གལ་གྱིས་འཆུ་བར་ཤེས་ནས་ཐབས་ཤིག་བཤམས་ཏེ། ཉ་ཞིག་
D1.004.0234b02.01བསྐུར་ནས་བཏང་ངོ་། །དེ་ནང་དུ་ཞུགས་པ་དེ་ཁོ་ན་ན་མཚན་མཁན་རྣམས་ཀྱིས་ཉ་པའི་ཁྱེའུ་སྙན་དངགས་མཁན་འདི་ནི་རྒྱལ་པོ་སྲོག་དང་ཕྲལ་ཏེ་རང་ཉིད་ཅོད་པན་བཅིངས་ནས་རྒྱལ་སྲིད་བྱེད་པར་འགྱུར་རོ་ཞེས་ལུང་བསྟན་པ་རྒྱལ་པོས་ཐོས་ནས་དེ་བློན་པོ་རྣམས་ལ་བསྒོ་བ། ཅི་ནས་
D1.004.0234b03.01ཀྱང་དེ་མ་ཤོར་བར་ཟུང་ཤིག །དེས་གཅིག་ནས་གཅིག་ཏུ་བརྒྱུད་པ་ལས་ཐོས་ནས་དེ་ཕན་ཚུན་བྲོས་པ་ལས་རྒན་མོ་ཞིག་གི་ཁྱིམ་དུ་ཞུགས་པ་དང་དེས་དེ་སྦས་ཏེ། དེ་ནས་ཡུང་དང་འབྲུ་མར་གྱིས་ལུས་བསྐུས་ནས་ཁྱོགས་ཀྱི་སྟེང་དུ་བཞག་སྟེ་རོ་ལྟ་བུར་བཅོས་ནས་ཕྱུང་སྟེ་དུར་ཁྲོད་དུ་བོར་
D1.004.0234b04.01བ་དང་ལངས་ཏེ་བྲོས་པ་ཕྱོགས་དེ་ན་མི་ཞིག་མེ་ཏོག་དང་འབྲས་བུ་ཚོལ་བ་དེས་དེ་བྲོས་པ་མཐོང་ངོ་། །དེའི་ཕྱི་བཞིན་སྙེགས་ཤིང་རྒྱུགས་པའི་མི་རྣམས་ཀྱིས་མི་དེ་ལ་དྲིས་པ་ཀྱེ་ནང་རྗེ་བོང་ཚོད་དང་ཁ་དོག་འདི་འདྲ་བའི་མི་འགའ་ཞིག་ལམ་འདི་ནས་འགྲོ་བ་ཁྱོད་ཀྱིས་མ་མཐོང་ངམ། དེས་སྨྲས་པ།
D1.004.0234b05.01མཐོང་སྟེ་ལམ་འདི་ནས་སོང་ངོ་། །དེ་རྣམས་དེའི་རྗེས་བཞིན་དུ་དོང་ངོ་། །དེ་ཡང་རི་འོར་དེར་བཙོ་བླག་མཁན་ཞིག་གི་ཁྱིམ་དུ་ཞུགས་ནས་དེ་ལ་ཇི་ལྟར་གྱུར་པ་སྨྲས་པ་དང་། སྙེགས་མའི་མི་རྣམས་ཀྱིས་རི་འོར་བཙལ་བར་བརྩམས་པ་ན་བཙོ་བླག་མཁན་གྱིས་གོས་ཀྱི་ཐུམ་པོའི་ནང་དུ་བཅུག་ནས་
D1.004.0234b06.01བོང་བུ་ལ་བཀལ་ཏེ་རི་འོར་ནས་ཕྱིར་བྱུང་སྟེ་ཁྲུས་བྱེད་པའི་སར་ཁྱེར་ནས་བཏང་བ་དང་ལངས་ཏེ་ཕྱོགས་བཞིར་བལྟས་ཏེ་བྲོས་སོ། །དེར་ཡང་མི་གཞན་ཞིག་གིས་མཐོང་ནས། དེས་སྙེགས་མའི་མི་རྣམས་ལ་སྨྲས་པ། ཤེས་ལྡན་དག་ཁྱེད་གང་གི་དོན་དུ་རི་འོར་ན་ཚོལ་བའི་མི་དེ་ནི་ལམ་འདི་
D1.004.0234b07.01