完整藏文原文 · 德格版页 当前仅加载第 4 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷ་སྦྱིན་གྱིས་དགེ་སློང་མ་ཨུཏྤ་ལའི་མདོག་སྙིང་རྗེ་རྗེ་སྐད་དུ་སྨྲེས་བཞིན་དུ་ཁུ་ཚུར་གྱིས་བསྣུན་ཏེ་བཀུམ་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ།
D1.004.0287a01.01དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ་ཇི་ལྟར་འདས་པའི་དུས་ན་ཡང་འདིས་འདི་སྙིང་རྗེ་རྗེ་སྐད་དུ་སྨྲེ་སྔགས་འདོན་བཞིན་དུ་བསད་དེ་ཤ་ཟོས་པ་དེ་ཉོན་ཅིག །དགེ་སློང་དག་སྔོན་བྱུང་བ་རི་འོར་ཞིག་ན་ཁྱིམ་བདག་ཅིག་གནས་ཏེ། དེའི་ལུག་རྫིས་ལུག་གི་ཁྱུ་
D1.004.0287a02.01དེ་བསྐྱང་བའི་ཕྱིར་གྲོང་ཁྱེར་ནས་ཕྱི་རོལ་དུ་བྱུང་ངོ་། །དེ་ནས་བསྐྱངས་ནས་ཉི་མ་ནུབ་པའི་དུས་ཀྱི་ཚེ་རི་འོར་དུ་འདའ་བར་བརྩམས་པ་དང་། དེ་ན་ལུག་མ་རྒན་ཞིག་ཕྱི་ནས་འབྲང་ཞིང་སོང་བ་དེ་སྤྱང་ཀིས་བཟུང་བ་དང་སྨྲས་པ། ཞང་ཞང་ཅིག་ཁྱོད་བདེའམ། །ཞང་
D1.004.0287a03.01ཞང་རེ་ལྟ་བདེར་གྱུར་ཏམ། །ཞང་ཞང་ཉག་གཅིག་དགོན་པ་ན། །ཇི་ག་བདེ་བ་བལྟར་ལགས་སམ། །དེས་ཀྱང་སྨྲས་པ། ཁོ་བོའི་མཇུག་མ་བརྫིས་ནས་སུ། །མཇུག་མའི་སྤུ་ཡང་བྱི་ནས་ནི། །ཞང་པོ་ཞེས་པའི་ཚིག་སྨྲས་པ། །ལུག་ཁྱོད་ཐར་
D1.004.0287a04.01བར་རེའམ་ཅི། །ལུག་མ་མོས་ཡང་སྨྲས་པ། ཁྱོད་ཀྱི་མཇུག་མ་ཕོངས་ན་ཡོད། །བདག་གི་མདུན་ནས་འོངས་གྱུར་ན། །ཇི་ལྟ་བུ་ཡི་ཐབས་ཤིག་གིས། །བདག་གིས་མཇུག་མ་བརྫིས་པར་འགྱུར། །སྤྱང་ཀིས་ཡང་སྨྲས་པ། གླིང་བཞི་པ་འདི་རྒྱ་
D1.004.0287a05.01མཚོར་བཅས། །རི་བོར་བཅས་པ་ཐམས་ཅད་ན། །བདག་གི་མཇུག་མ་ཡོད་ཡིན་ན། །ཁྱོད་ནི་གང་ནས་འོངས་པ་ཞིག །ལུག་མ་མོས་སྨྲས་པ། བཟང་པོ་ཁྱོད་ཀྱི་མཇུག་མ་ནི། །ཐམས་ཅད་ན་ནི་མཆིས་སོ་ཞེས། །བདག་གིས་གཉེན་ལས་སྔོན་ཐོས་
D1.004.0287a06.01ནས། །ནམ་མཁའ་ལས་ནི་མཆིས་ལགས་སོ། །སྤྱང་ཀིས་སྨྲས་པ། མ་རྒན་ཁྱོད་ཉིད་དེ་རིང་ནི། །ནམ་མཁའ་ལས་ནི་འོངས་ནས་སུ། །བདག་གི་བཟའ་སྐལ་གང་ཡིན་པའི། །བདག་གི་{རི་དགས་,རི་དྭགས་}ཚོགས་དེ་བསྐྲོགས། །དེ་ནི་དེ་སྐད་སྨྲ་བཞིན་དུ། །
D1.004.0287a07.01