完整藏文原文 · 德格版页 当前仅加载第 4 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
ཚེགས་ཆུང་ངུས་སྐྱེ་བོའི་ཚོགས་ཆེན་པོ་དབང་དུ་འགྱུར་བ་སུ་ཞིག་ཡོད་སྙམ་མོ། །དེའི་ཚེ་ལྟེང་རྒྱས་འོད་སྲུང་རལ་པ་ཅན་བཙས་ནས་ལོ་བརྒྱ་ཉི་ཤུ་ལོན་པ་རྒས་འཁོགས་གཏུགས་པ་ཞིག་ཡོད་པ་དེ་མ་ག་དྷཱའི་མི་རྣམས་ཀྱིས་བཀུར་སྟི་བྱ་བ་དང་། བླ་མར་བྱ་བ་དང་། རྗེད་པར་
D1.004.0056a01.01བྱ་བ་དང་། མཆོད་པར་བྱ་བས་དགྲ་བཅོམ་པར་བཀུར་ཅིང་འཁོར་ལྔ་བརྒྱ་དང་ནཻ་རཉྫ་ནའི་ཀླུང་གི་འགྲམ་གྱི་བསྟི་གནས་ན་དཀའ་ཐུབ་སྤྱོད་དོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ལྟེང་རྒྱས་འོད་སྲུང་རལ་པ་ཅན་བཙས་ནས་ལོ་བརྒྱ་ཉི་ཤུ་ལོན་པ་རྒས་འཁོགས་གཏུགས་པ་འདི་
D1.004.0056a02.01མ་ག་དྷཱའི་མི་རྣམས་ཀྱིས་ཞེས་བྱ་བ་ནས་དཀའ་ཐུབ་སྤྱོད་དོ་ཞེས་བྱ་བའི་བར་གོང་མ་བཞིན་དུ་སྟེ། མ་ལ་ངས་ལྟེང་རྒྱས་འོད་སྲུང་རལ་པ་ཅན་དབང་དུ་བྱས་ཏེ། འདི་དབང་དུ་གྱུར་ན་ཚེགས་ཆུང་ངུས་སྐྱེ་བོའི་ཚོགས་ཆེན་པོ་དབང་དུ་འགྱུར་རོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་
D1.004.0056a03.01འོད་སྲུང་རལ་པ་ཅན་གྱི་བསྟི་གནས་གང་ན་བ་དེར་གཤེགས་སོ། །ལྟེང་རྒྱས་འོད་སྲུང་རལ་པ་ཅན་གྱིས་བཅོམ་ལྡན་འདས་རྒྱང་རིང་པོ་ནས་མཐོང་ངོ་། །མཐོང་ནས་ཀྱང་བཅོམ་ལྡན་འདས་ཀྱི་ཆེད་དུ་གདན་བཤམས་ནས་འདི་སྐད་ཅེས་ཀྱང་གསོལ་ཏོ། །དགེ་སྦྱོང་ཆེན་པོ་ཚུར་སྤྱོན།
D1.004.0056a04.01དགེ་སྦྱོང་ཆེན་པོ་བྱོན་པ་ལེགས་སོ། །དགེ་སྦྱོང་ཆེན་པོ་ཡུན་རིང་པོ་ཞིག་ལགས་ན་གང་ནས་འཁོར་ཏེ་འདིར་བྱོན། དགེ་སྦྱོང་ཆེན་པོ་གདན་བཤམས་པ་ཉིད་ལ་བཞུགས་ཤིག་ཅེས་གསོལ་ཏོ། །བཅོམ་ལྡན་འདས་ཀྱིས་གདན་བཤམས་པ་ཉིད་ལ་བཞུགས་སོ། །དེ་ནས་ལྟེང་རྒྱས་
D1.004.0056a05.01འོད་སྲུང་རལ་པ་ཅན་དང་། བཅོམ་ལྡན་འདས་ལྷན་ཅིག་མངོན་དུ་ཡང་དག་པར་དགའ་བར་འགྱུར་བ་དང་། མགུ་བར་འགྱུར་བའི་གཏམ་རྣམ་པ་སྣ་ཚོགས་མཛད་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་པ་དང་བཅོམ་ལྡན་འདས་ཀྱིས་ལྟེང་རྒྱས་འོད་སྲུང་རལ་པ་ཅན་
D1.004.0056a06.01ལ་འདི་སྐད་ཅེས་བཀའ་སྩལ་ཏོ། །འོད་སྲུང་གལ་ཏེ་ཁྱོད་ལ་མི་བདེ་བ་མེད་ན། ཁྱོད་ཀྱི་མེ་ཁང་དུ་བདག་ཞག་གཅིག་འདུག་གོ། །དགེ་སྦྱོང་ཆེན་པོ་བདག་ལ་ནི་མི་བདེ་བ་མ་མཆིས་ན། འོན་ཀྱང་དེ་ན་ཀླུ་གདུག་པ་ཞིག་གནས་ཏེ། དེས་ཁྱོད་ཐོ་བཙམས་པར་འགྱུར་དུ་མཆིའོ། །འོད་སྲུང་
D1.004.0056a07.01