完整藏文原文 · 德格版页 当前仅加载第 4 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ད་ལྟར་ཡང་ངའི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་བདེ་ལེགས་སུ་འཁོར་བའི་རྒྱ་མཚོ་ཆེན་པོ་ལས་རྒལ་ཏོ། །ལྷ་སྦྱིན་གྱི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་
D1.004.0247b01.01དེ་དག་ནི་ཚུལ་མ་ཡིན་པས་མ་རུངས་པར་གྱུར་ཏོ། །གང་གི་ཚེ་ལྷ་སྦྱིན་གྱིས་བཅོམ་ལྡན་འདས་ལ་བགྲོངས་པའི་ཕྱིར་རྡོ་འཕངས་པ་དེའི་ཚེ་བྲམ་ཟེ་དང་ཁྱིམ་བདག་རྣམས་འཁྲུགས་ནས་ལྷ་སྦྱིན་བསད་ཀྱིས་འདོང་ངོ་ཞེས་བྱས་པ་དང་། འཇིག་རྟེན་ནི་མཛའ་བ་དང་། མི་མཛའ་བ་དང་། བར་མ་
D1.004.0247b02.01དག་ཡོད་པས་གཞན་ཞིག་ལྷ་སྦྱིན་ལ་སྦྲན་ནས་དེ་སྐྲག་ནས་ཤིང་དྲུང་ཞིག་ཏུ་བརྟེན་ཏེ་སྤྱོད་ལམ་ཞི་བས་འདུག་གོ། །དེ་རྣམས་ཀྱིས་དེ་ལྟར་སྤྱོད་ལམ་ཞི་བ་མཐོང་ནས་དེ་རྣམས་ཀྱིས་སྨྲས་པ། ཤེས་ལྡན་དག་ལྷ་སྦྱིན་བདག་ཉིད་ཆེན་པོ་འདི་བཅོམ་ལྡན་འདས་བགྲོངས་པར་ག་ལ་འགྱུར། ཁ་ཅིག་གིས་
D1.004.0247b03.01བདག་ཅག་བསླུས་ཀྱིས་ཚུར་འདོང་ངོ་ཞེས་དེ་རྣམས་དོང་ངོ་། །དགེ་སློང་རྣམས་ཀྱིས་ལྷ་སྦྱིན་དེ་ལྟ་བུའི་སྤྱོད་ལམ་གྱིས་གནས་པས་དེས་ན་གྲོང་མི་འཁྲུགས་ཀྱང་མ་བསད་དོ། །ཞེས་ཐོས་ནས་དེ་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་
D1.004.0247b04.01པ་ལྷ་སྦྱིན་གྱི་ཆོས་ལྟ་བུའི་སྒོ་ནས་འཇིག་རྟེན་བསླུས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་འདི་ཆོས་ལྟ་བུའི་སྒོ་ནས་བྱི་བ་རྣམས་བྲིད་པ་དེ་ཉོན་ཅིག །དགེ་སློང་དག་སྔོན་བྱུང་བ་
D1.004.0247b05.01ཕྱོགས་ཤིག་ན་བྱི་བ་རྣམས་ཀྱི་ཚོགས་ཀྱི་དཔོན་པོ་འཁོར་ལྔ་བརྒྱ་པ་ཞིག་གནས་སོ། །བྱི་ལ་མེ་སྐྱེས་ཞེས་བྱ་བ་ཞིག་ཡོད་དོ། །གཞོན་པའི་གནས་སྐབས་ན་ཕྱོགས་གང་དུ་གནས་པའི་ཉེ་འཁོར་དུ་དེས་བྱི་བ་ཐམས་ཅད་བསད་དོ། །དེ་ཡང་དུས་གཞན་ཞིག་ན་རྒས་པར་གྱུར་ཏེ་རྒས་
D1.004.0247b06.01པས་ཕ་རོལ་གནོན་པས་བྱི་བ་གཟུང་མི་ནུས་ནས་དེས་བསམས་པ། སྔོན་བདག་གཞོན་པའི་གནས་སྐབས་ན་ནི་ཕ་རོལ་གནོན་པས་བྱི་བ་འཛིན་ནུས་ན་ད་ནི་མི་ནུས་ཏེ་འོན་ཀྱང་ཐབས་ཤིག་བཤམས་ལ་བཟའོ་སྙམ་ནས་དེ་འཇབ་ཅིང་འཇབ་ཅིང་བྱི་བ་རྣམས་བཙལ་བར་བརྩམས་ཏེ། དེས་བཙལ་
D1.004.0247b07.01