完整藏文原文 · 德格版页 当前仅加载第 4 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་བར་གོང་མ་བཞིན་དུའོ། །དགེ་སློང་དག་ཁྱེད་ཀྱིས་དེ་བཞིན་གཤེགས་པ་ལ་སྦྲང་རྩིའི་ལྷུང་བཟེད་འབུལ་བའི་སྤྲེའུ་གང་ཡིན་པ་དེ་མཐོང་ངམ། བཙུན་པ་མཐོང་ལགས་སོ། །དེའི་ཚེ་དེའི་དུས་ཀྱི་སྤྲེའུ་གང་ཡིན་པ་དེ་ནི་གནས་འཇོག་གི་བུ་སྦྲང་རྩི་ཅན་
D1.004.0144a01.01འདི་ཉིད་ཡིན་ཏེ། དེས་ན་འདིས་དེ་བཞིན་གཤེགས་པ་ལ་སྦྲང་རྩིའི་ལྷུང་བཟེད་ཕུལ་བ་དེའི་ལས་ཀྱི་རྣམ་པར་སྨིན་པས་བྲམ་ཟེ་ལས་དྲུག་ལ་བརྩོན་པའི་ཁྱིམ་དུ་སྐྱེས་ཤིང་ཉིང་མཚམས་སྦྱོར་བ་བླངས་པ་དང་བཙས་པ་ན་ཡང་སྦྲང་རྩིའི་ཆར་བབ་བོ། །འདི་ལྟར་ད་ལྟར་ཡང་ཉི་མ་རེ་རེ་
D1.004.0144a02.01ཞིང་སྦྲང་རྩི་ལྷུང་བཟེད་གསུམ་གསུམ་འགྲུབ་པར་འགྱུར་རོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཞེས་བྱ་བ་ནས་ལས་གཅིག་ཏུ་དཀར་བ་ལས་བརྩལ་བར་བྱའོ་ཞེས་བྱ་བའི་བར་གོང་མ་བཞིན་དུའོ། །དེ་ཅིའི་ཕྱིར་
D1.004.0144a03.01ཞེ་ན། གལ་ཏེ་དགེ་སློང་གནས་འཇོག་གི་བུ་སྦྲང་རྩི་ཅན་གྱིས་ཤར་གྱི་རྒྱ་མཚོ་ཆེན་པོ་ལ་སྦྲང་རྩིར་མོས་ཤིང་། ལྷོ་དང་། ནུབ་དང་། བྱང་གི་རྒྱ་མཚོ་ཆེན་པོ་སྦྲང་རྩིར་མོས་ན་དེ་དག་ཀྱང་སྦྲང་རྩིར་འགྱུར་ཏེ། དགེ་སློང་དག་དེ་ལྟར་ན་ཡོན་གནས་དེ་བཞིན་གཤེགས་པ་ནི་དཔག་ཏུ་མེད་པ་ཡིན་
D1.004.0144a04.01ནོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཉེ་བ་འཁོར་གྱིས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་རྒྱལ་པོའི་འབྲེག་མཁན་དུ་གྱུར་ལགས། བཅོམ་ལྡན་འདས་ཀྱིས་བཀའ་སྩལ་
D1.004.0144a05.01པ། དགེ་སློང་དག་ཉེ་བ་འཁོར་འདི་ཉིད་ཀྱིས་སྔོན་གྱི་ཚེ་རབས་གཞན་རྣམས་སུ་ལས་བྱས་ཤིང་བསགས་པ་དང་ཚོགས་རྙེད་པ་ནི་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་རྒྱལ་པོའི་འབྲེག་མཁན་ཞིག་ཡོད་
D1.004.0144a06.01པའི་དྲུང་དུ་རང་སངས་རྒྱས་ཤིག་སོང་ནས་བཞིན་{བཟངས་,བཟང་}པའི་སྐྲ་བྲེགས་ཤིག་དང་། ཁྱོད་ལ་བསོད་ནམས་སུ་འགྱུར་རོ། །དེ་ཡང་རྒྱལ་པོའི་ཕོ་བྲང་དུ་ཆས་པས་དེས་ཚ་བོ་ལ་སྨྲས་པ། ཚ་བོ་རབ་ཏུ་བྱུང་བ་འདིའི་དབུ་རེགས་ཤིག །ཁོ་བོ་རྒྱལ་པོའི་ཁབ་ཏུ་འགྲོ་དགོས་ཀྱིས། ཇི་ལྟར་རྒྱལ་
D1.004.0144a07.01