完整藏文原文 · 德格版页 当前仅加载第 4 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་ཡང་སྨྲས་པ། བདག་རུས་པའི་ཁོང་ནས་ཀྱང་སངས་རྒྱས་བཅོམ་ལྡན་འདས་ལ་སྐྱབས་སུ་འགྲོའོ་ཞེས་སྨྲས་ནས། རང་གི་ལུས་ཀྱིས་མནར་མེད་པའི་སེམས་ཅན་དམྱལ་བ་ཆེན་པོར་ལྷུང་ངོ་། །དེ་ནས་བཅོམ་ལྡན་འདས་ཀྱིས་དགེ་སློང་
D1.004.0291a01.01རྣམས་ལ་བཀའ་སྩལ་པ། དགེ་སློང་དག་ལྷ་སྦྱིན་གྱིས་དགེ་བའི་རྩ་བ་མཚམས་སྦྱར་ཏེ། མནར་མེད་པའི་སེམས་ཅན་དམྱལ་བ་ཆེན་པོར་བསྐལ་པར་གནས་ནས་རང་བྱང་ཆུབ་མངོན་སུམ་དུ་བྱས་པར་འགྱུར་ཏེ། རང་སངས་རྒྱས་རུས་པ་ཅན་ཞེས་བྱ་བར་
D1.004.0291a02.01འགྱུར་རོ། །དེ་མངོན་པར་བྱང་ཆུབ་མ་ཐག་ཏུ་བསོད་སྙོམས་ལ་སོང་ནས་དེ་མཐའ་གཅིག་ཏུ་བཞག་སྟེ། ལག་པ་འཁྲུ་ཞིང་སེམས་པ་ལ་ཞུགས་པ། བདག་ཅིའི་ཕྱིར་ཡུན་རིང་པོར་འཁོར་བ་ན་འཁོར་བར་གྱུར་སྙམ་པ་ལས་དེས་བསམས་ན། བདག་
D1.004.0291a03.01གིས་ཚེ་རབས་ཚེ་རབས་སུ་བཅོམ་ལྡན་འདས་ཤཱཀྱ་ཐུབ་པ་བྱང་ཆུབ་སེམས་དཔར་གྱུར་པ་དང་། ཐམས་ཅད་མཁྱེན་པ་ཤེས་བྱ་ལ་མངའ་བརྙེས་པ་ལ་ཡང་ཕ་རོལ་གནོན་པ་བྱས་ལ། དེ་ཡང་རྙེད་པ་དང་བཀུར་སྟིའི་ཕྱིར་ཡིན་པར་ཤེས་ནས། དེས་
D1.004.0291a04.01བསོད་སྙོམས་དེ་ཡང་ལོངས་མ་སྤྱད་པར་སྟེང་གི་ནམ་མཁའ་ལ་མངོན་པར་འཕགས་ཏེ། འབར་བ་དང་། གསལ་བ་དང་། ཆར་འབེབས་པ་དང་། གློག་འབྱིན་པའི་ཆོ་འཕྲུལ་དག་བྱས་ནས་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་
D1.004.0291a05.01སུ་ཡོངས་སུ་མྱ་ངན་ལས་འདའ་བར་འགྱུར་རོ། །ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་གཉིས་ཀྱི་ཀུན་ཏུ་སྤྱོད་པ་ནི་དུས་དུས་སུ་སེམས་ཅན་དམྱལ་བར་རྒྱུ་ཞིང་འགྲོ་བ་ཡིན་ནོ། །དེ་ནས་ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་མཽད་གལ་གྱི་
D1.004.0291a06.01བུ་ཆེན་པོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་མཽད་གལ་གྱི་བུ་ཆེན་པོ་བཅོམ་ལྡན་འདས་ཀྱིས་ལྷ་སྦྱིན་རང་བྱང་ཆུབ་ཏུ་ལུང་བསྟན་གྱིས། ཚུར་བདག་ཅག་མནར་མེད་པའི་དམྱལ་བ་ཆེན་པོའི་ནང་དུ་དོང་ལ་ལྷ་སྦྱིན་སྤྲོ་བསྲིང་ངོ་ཞེས་དེ་ནས་ཚེ་དང་ལྡན་པ་
D1.004.0291a07.01