完整藏文原文 · 德格版页 当前仅加载第 4 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པ་བཞིན་རིམ་གྱིས་ཕྱོགས་དེར་ཕྱིན་ཏོ། །ཇི་ཙམ་ན་བྱ་རོག་བྱང་ཆུབ་སེམས་དཔའ་དང་དམ་བཅས་པས་ཕྱོགས་སུ་བལྟ་བའི་ཕྱིར་ནགས་ཚང་ཚིང་དེའི་ཤིང་ཁ་ན་འདུག་པས་སྐྱེ་བོའི་ཚོགས་ཆེན་པོ་ནགས་ཚང་ཚིང་དུ་ཕྱོགས་ཏེ་འོང་བ་མཐོང་ནས་དེས་
D1.004.0179a01.01རིངས་པ་རིངས་པར་{རི་དགས་,རི་དྭགས་}ཀྱི་དཔོན་པོའི་དྲུང་དུ་སོང་སྟེ་སྨྲས་པ། {རི་དགས་,རི་དྭགས་}ཀྱི་རྒྱལ་པོ་ཁྱོད་ལ་བདག་གིས་སྔར་མི་རྣམས་ནི་ཕན་པ་བྱས་པ་མི་སེམས་ཤིང་བྱས་པ་མི་གཟོ་ལ་བྱས་པ་མི་ཚོར་བ་ཡིན་ནོ་ཞེས་སྨྲས་པ་ཡིན་ཏེ། མི་དེས་སྐྱེས་མང་དུ་ཁྱེར་ནས་འོང་ངོ་། །སྒྲ་དེ་རི་
D1.004.0179a02.01དགས་རྣམས་ཀྱིས་ཐོས་ནས་སྐྲག་སྟེ་ཀུན་དུ་བྲོས་སོ། །{རི་དགས་,རི་དྭགས་}ཀྱི་དཔོན་པོ་བྱང་ཆུབ་སེམས་དཔས་བསམས་པ། གལ་ཏེ་བདག་གིས་{རི་དགས་,རི་དྭགས་}འདི་དག་མ་བསྲུངས་ན་དེ་རིང་ཉིད་དུ་ཁ་བཏགས་པར་འགྱུར་གྱིས་སེམས་ཅན་ཡལ་བར་དོར་བ་བས་ནི་རང་གི་སྲོག་ཆུད་
D1.004.0179a03.01གཟོན་པ་བླའོ་སྙམ་ནས་རྒྱལ་པོ་སུར་སོང་ངོ་། །དེ་ནས་མི་སྙིང་རྗེ་མེད་ཅིང་འཇིག་རྟེན་ཕ་རོལ་ལ་མི་ལྟ་བ་དེ་{རི་དགས་,རི་དྭགས་}ལ་བལྟ་བར་བརྟུན་པའི་བློས་{རི་དགས་,རི་དྭགས་}ཀྱི་མཆོག་དེ་ལག་པ་གཉིས་ཀྱིས་བསྟན་ཏེ་སྨྲས་པ། ལྷ་{རི་དགས་,རི་དྭགས་}ཀྱི་དཔོན་པོ་ནི་འདི་ལགས་སོ། །ལས་ཤིན་དུ་
D1.004.0179a04.01དྲག་པོ་ཡོངས་སུ་རྫོགས་པ་དག་ནི་རྣམ་པར་སྨིན་པའི་དུས་ལ་མི་ལྟོས་པ་ཡིན་པས་ཚིག་སྨྲས་མ་ཐག་ཁོ་ནར་མི་དེའི་ལག་པ་གཉིས་ཀ་ས་ལ་ལྷུང་བར་གྱུར་ཏོ། །དེ་ནས་རྒྱལ་པོ་དེ་སྐྱོ་བ་སྐྱེས་ནས་མི་དེ་ལ་དྲིས་པ། ཀྭའི་ནང་རྗེ་འདི་ཅི་ལས་གྱུར། དེ་སྡུག་བསྔལ་གྱི་ཚོར་བས་ཉེན་
D1.004.0179a05.01ཅིང་ང་རོ་མི་གསལ་བས་ཚིགས་སུ་བཅད་དེ་སྨྲས་པ། རྒྱལ་ཆེན་གང་ཞིག་བཀུམ་ནས་ནོར། །འཕྲོག་དེ་ཆོམ་རྐུན་མ་ལགས་ཀྱི། །རྒྱལ་ཆེན་བྱས་པ་མི་གཟོ་བ། །གང་ལགས་དེ་ནི་ཆོམ་རྐུན་ལགས། །རྒྱལ་པོས་སྨྲས་པ། ཀྭའི་ནང་རྗེ་སྨྲས་པ་དེའི་དོན་ཅི་ཡིན། དེས་ཇི་
D1.004.0179a06.01ལྟར་གྱུར་པ་ཐམས་ཅད་རྒྱས་པར་རྒྱལ་པོ་ལ་སྨྲས་སོ། །དེ་ནས་རྒྱལ་པོས་བྱས་པ་ཆུད་གཟོན་པའི་མི་དེ་ལ་ཚིགས་སུ་བཅད་པས་སླར་སྨྲས་པ། ཅི་ཕྱིར་ཐ་ཆད་སར་ནི་བྱིང་མ་གྱུར། །ཅིའི་ཕྱིར་ལྕེ་ནི་དུམ་བུ་བརྒྱར་མ་ལྷགས། །ཇི་ལྟར་ཁྱོད་ཀྱིས་ལུས་འདི་གསང་བ་བས། །རྡོ་རྗེ་ཆར་
D1.004.0179a07.01