完整藏文原文 · 德格版页 当前仅加载第 4 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ལ་བདག་གང་གཱ་རྒལ་ལོ་སྙམ་ནས་དེ་གང་གཱ་རྒལ་ནས་མཐར་གྱིས་རྒྱུ་ཞིང་གཤེགས་པ་དང་རྒྱལ་པོའི་ཁབ་ཏུ་བྱོན་ཏོ། །བྱང་ཆུབ་སེམས་དཔའ་ནི་བཟོའི་གནས་དང་། ལས་ཀྱི་གནས་དེ་དང་། དེ་རྣམས་ལ་མཁས་པ་ཡིན་པས་དེས་ཤིང་ཀ་ར་བཱི་རའི་ལོ་མ་
D1.004.0016a01.01ལས་ལྷུང་བཟེད་བྱས་ནས་སྤྱོད་ལམ་ཞི་བས་རྒྱལ་པོའི་ཁབ་ཏུ་བསོད་སྙོམས་ཀྱི་ཕྱིར་ཞུགས་སོ། །དེའི་ཚེ་རྒྱལ་པོ་གཟུགས་ཅན་སྙིང་པོ་སྟེང་གི་ཁང་{བཟངས་ཀྱི་,བཟང་གི་}གཞི་ན་འདུག་པ་དེས་དེ་འགྲོ་བ་དང་། ལྡོག་པ་དང་། ལྟ་བ་དང་། རྣམ་པར་ལྟ་བ་དང་། བསྐུམ་པ་
D1.004.0016a02.01དང་། བརྐྱང་བ་དང་། ཆོས་གོས་སྣམ་སྦྱར་དང་། ལྷུང་བཟེད་ཐོགས་པ་མཛེས་པས་བསོད་སྙོམས་སྤྱོད་པ་མཐོང་ངོ་། །མཐོང་ནས་ཀྱང་འདི་སྙམ་དུ་སེམས་ཏེ། རྒྱལ་པོའི་ཁབ་ན་རབ་ཏུ་བྱུང་བ་ཇི་སྙེད་ཅིག་གནས་པ་ལ་ཇི་ལྟར་རབ་ཏུ་བྱུང་བ་འདིའི་སྤྱོད་ལམ་དེ་
D1.004.0016a03.01ལྟ་བུ་ནི་འགའ་ཡང་མེད་དོ་སྙམ་ནས་འདིར་སྨྲས་པ། ཇི་ལྟར་མིག་ཅན་འགྲོ་བ་ལྟར། །རབ་ཏུ་བྱུང་བ་བསྒྲགས་པར་བྱ། །འདི་ནི་བརྟགས་པར་མཛད་ནས་སུ། །རབ་ཏུ་བྱུང་བ་ཡང་དག་བཞེད། །ཁྱིམ་གནས་འདི་ནི་སྡུག་བསྔལ་ཏེ། འདི་ནི་རྡུལ་གྱི་གནས་ཡིན་
D1.004.0016a04.01ཞིང་། །རབ་ཏུ་བྱུང་བ་བར་སྣང་ལྟར། །མཁྱེན་ནས་དེ་ཚེ་རབ་ཏུ་བྱུང་། །རབ་ཏུ་བྱུང་ནས་སྐུ་ཡི་ནི། །སྡིག་པའི་ལས་ནི་སྤངས་པ་དང་། །གསུང་གི་སྡིག་པ་སྤངས་ནས་ནི། །འཚོ་བ་ཀུན་ནས་དག་པར་མཛད། །དེ་ནས་མ་ག་དྷཱ་ཡི་ནི། །གྲོང་མཆོག་རྒྱལ་པོའི་
D1.004.0016a05.01ཁབ་གཤེགས་ནས། །མགོན་པོ་ཤེས་བཞིན་དྲན་ལྡན་པས། །བསོད་སྙོམས་ཕྱིར་ནི་གཤེགས་པ་དེ། །བཟོ་སྦྱངས་མ་ག་དྷཱ་ཡི་བདག །ཁང་{བཟངས་,བཟང་}ན་ནི་འདུག་པས་མཐོང་། །མཐོང་ནས་སེམས་དད་དེ་ནས་ནི། །བློན་པོ་རྣམས་ལ་འདི་སྐད་སྨྲས། །མཚན་
D1.004.0016a06.01མཆོག་གི་ནི་རྒྱས་གྱུར་ཅིང་། །ཁོ་ལག་ཕུན་སུམ་ཚོགས་པ་དང་། །གཉའ་ཤིང་གང་དུ་ལྟ་བ་ཡི། །འདི་ལ་ཤེས་ལྡན་དག་ལྟོས་ཤིག །སྤྱན་མི་འདེག་ལ་ཡིད་གཞུངས་ཤིང་། །དམན་པའི་རིགས་ལས་མ་འཁྲུངས་འདི། །གང་དུ་གནས་པར་གཤེགས་གྱུར་
D1.004.0016a07.01