完整藏文原文 · 德格版页 当前仅加载第 4 函德格 3a 版页；藏文 NFD、目录标记与异常页序保留在来源切片中，重复版页行以稳定序号区分。
པས་རས་ཁ་དོག་སྣ་ཚོགས་ལས་བྱས་པའི་བླ་རེ་བྲེས་པ་དང་། ཁྱོགས་ཁྱེར་བ་དང་། མདུན་ན་མེ་སྒྲོན་ཐོགས་པ་དང་། སྐྱེ་བོའི་ཚོགས་ཆེན་པོ་མདུན་ནས་འགྲོ་བ་དང་། བུད་མེད་སྐྲ་བཤིག་པ་རྣམས་ངུ་ཞིང་རྗེས་བཞིན་འབྲང་བ་ཞིག་གཟིགས་སོ། །གཟིགས་ནས་
D1.004.0003a01.01ཀྱང་ཁ་ལོ་སྒྱུར་བ་ལ་གསུངས་པ། ཁ་ལོ་སྒྱུར་བ་རས་ཁ་དོག་སྣ་ཚོགས་ལས་བྱས་པའི་བླ་རེ་བྲེས་པ་དང་། ཁྱོགས་ཁྱེར་བ་དང་། མདུན་ན་མེ་སྒྲོན་ཐོགས་པ་དང་། སྐྱེ་བོའི་ཚོགས་ཆེན་པོ་མདུན་ནས་འགྲོ་བ་དང་། བུད་མེད་སྐྲ་བཤིག་པ་རྣམས་ངུ་ཞིང་རྗེས་བཞིན་དུ་འབྲང་བ་འདི་ཅི་ཡིན།
D1.004.0003a02.01ལྷ་འདི་ནི་གུམ་པ་ཞེས་བགྱིའོ། །ཁ་ལོ་སྒྱུར་བ་ཤི་བ་ཞེས་བྱ་བ་འདི་ཅི་ཡིན། ལྷ་མི་འདིས་སླན་ཆད་སྡུག་པའི་ཕ་མ་མི་མཐོང་ཞིང་བུ་ཕོ་དང་། བུ་མོ་དང་། བྲན་ཕོ་དང་། བྲན་མོ་དང་། ལས་བགྱིད་པ་དང་། ཞོ་ཤས་འཚོ་བའི་མི་རྣམས་ཀྱང་མ་ལགས་ལ། དེ་དག་གིས་ཀྱང་སླན་ཆད་
D1.004.0003a03.01འདི་མི་མཐོང་བས་ལྷ་འདི་ནི་གུམ་པ་ཞེས་བགྱིའོ། །ཁ་ལོ་སྒྱུར་བ་ང་ཡང་འཆི་བའི་ཆོས་དང་འཆི་བའི་ཆོས་ཉིད་ལས་མ་འདས་སམ། ལྷ་ཡང་འཆི་བའི་ཆོས་དང་འཆི་བའི་ཆོས་ཉིད་ལས་མ་འདས་སོ། །ཁ་ལོ་སྒྱུར་བ་དེའི་ཕྱིར་ཤིང་རྟ་ཕྱིར་སྒྱུར་ཅིག་ཕོ་བྲང་ཉིད་དུ་འདོང་ངོ་། །འདི་ལྟར་ང་ཕོ་
D1.004.0003a04.01བྲང་ཉིད་དུ་ཕྱིན་ནས་ང་འཆི་བ་ལས་མ་འདས་ཞེས་གྲགས་པའི་དོན་དེ་ཉིད་བསམ་པར་བྱའོ། །ཁ་ལོ་སྒྱུར་བས་ཤིང་རྟ་ཕྱིར་བསྒྱུར་ནས་ཕོ་བྲང་ཉིད་དུ་ཆས་ཏེ། །དེར་བྱང་ཆུབ་སེམས་དཔའ་ཤཱཀྱ་ཐུབ་པ་ཕོ་བྲང་གི་ནང་དུ་གཤེགས་ནས་བདག་ཀྱང་འཆི་བ་ལས་མ་འདས་པ་ལྟ་ཞིག་ཅེས་མི་དགྱེས་
D1.004.0003a05.01ཤིང་ཐུགས་ངན་དགོངས་སོ། །འདིར་སྨྲས་པ། ཚེ་ཟད་པ་ཡིས་འདུ་ཤེས་བྲལ་གྱུར་ཅིང་། །སེམས་མེད་མི་ཡི་རོ་ཞིག་གཟིགས་ནས་ནི། །འཆི་ལས་བདག་མ་འདས་པ་ལྟ་ཞིག་ཅེས། །དེ་ནས་མི་དགྱེས་ཐུགས་ངན་དགོངས་པར་མཛད། །དེ་ནས་རྒྱལ་པོ་ཟས་གཙང་གིས་ཁ་ལོ་སྒྱུར་བ་
D1.004.0003a06.01ལ་སྨྲས་པ། ཁ་ལོ་སྒྱུར་བ་ཅི་གཞོན་ནུ་ཡིད་དགའ་བ་དང་མགུ་བས་སྐྱེད་མོས་ཚལ་གྱི་གཞིར་བྱུང་ངམ། སྐྱེད་མོས་ཚལ་ལ་མངོན་པར་དགའ་བར་གྱུར་ཏམ། ལྷ་མ་ལགས་སོ། །དེ་ཅིའི་སླད་དུ་ཞེ་ན། ལྷ་གཞོན་ནུ་སྐྱེད་མོས་ཚལ་གྱི་གཞིར་བྱུང་བ་ན་རས་ཁ་དོག་སྣ་ཚོགས་ལས་བགྱིས་
D1.004.0003a07.01