完整藏文原文 · 德格版页 当前仅加载第 4 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་བྱུང་ངོ་། །རྒྱལ་པོས་གཞོན་ནུ་འོད་ཟེར་ལྡན་རྒྱལ་ཚབ་ཏུ་དབང་བསྐུར་ཏོ། །འོད་ཟེར་ཅན་དྲང་སྲོང་རྣམས་ཀྱི་ནང་དུ་རབ་ཏུ་ཕྱུང་སྟེ། མཐའ་གཅིག་ཏུ་སོང་ནས་མཁན་པོ་མེད་པ་དང་། སློབ་དཔོན་མེད་པར་རང་བྱང་ཆུབ་མངོན་སུམ་དུ་བྱས་སོ། །དེ་དུས་གཞན་ཞིག་ན་ནད་ཀྱིས་ཐེབས་
D1.004.0155b01.01པར་གྱུར་ནས་ཕན་ཚུན་འཁྱམ་པ་ན་བཱ་རཱ་ཎ་སཱིར་ཕྱིན་ཏོ། །རྒྱལ་པོ་འོད་ཟེར་གྱིས་འོད་ཟེར་ཅན་རང་བྱང་ཆུབ་མངོན་སུམ་དུ་བྱས་ཏེ་དེ་དེར་འོངས་སོ་ཞེས་ཐོས་ནས་དེ་དེའི་དྲུང་དུ་འོང་སྟེ་རྐང་པ་ལ་གཏུགས་ནས་སྨྲས་པ། དྲང་སྲོང་ཆེན་པོ་ཁྱོད་ནི་བསོད་སྙོམས་དོན་དུ་གཉེར་བ་ལགས་ལ།
D1.004.0155b02.01བདག་ནི་བསོད་ནམས་འཚལ་བ་ལགས་ཀྱིས་བདག་གི་སྐྱེད་མོས་ཚལ་འདི་ཉིད་དུ་བཞུགས་ཤིག་དང་ཁྱོད་ལ་བདག་གིས་ཡོ་བྱད་ཐམས་ཅད་ཀྱིས་མི་བྲེལ་བར་བགྱིའོ། །དེས་ཁས་བླངས་པ་དང་རྒྱལ་པོས་དེའི་རིམ་གྲོ་བར་གཞོན་ནུ་འོད་ཟེར་ལྡན་བྱིན་ཏེ་དེས་དེའི་རིམ་གྲོ་བྱ་བ་ལ་ཞུགས་
D1.004.0155b03.01པ་ན་རང་སངས་རྒྱས་ཀྱིས་དེ་ཞག་བདུན་ན་འཆི་བར་འགྱུར་བའི་མཚན་སྨིན་པ་མཐོང་ནས་དེས་དེ་ལ་སྨྲས་པ། ནུ་བོ་ཅིའི་ཕྱིར་རབ་ཏུ་མི་འབྱུང་། དེས་སྨྲས་པ། དྲང་སྲོང་ཆེན་པོ་རབ་ཏུ་འབྱུང་ངོ་། །གལ་ཏེ་དེ་ལྟར་གྱུར་ན་སོང་ལ་ཡབ་ལ་རྟོགས་ཤིག །དེ་རྒྱལ་པོའི་དྲུང་དུ་སོང་
D1.004.0155b04.01ནས་ལྷ་མཁྱེན་པར་མཛད་དུ་གསོལ། བདག་རབ་ཏུ་འབྱུང་ལགས་སོ། །རྒྱལ་པོས་སྨྲས་པ། ཁྱོད་ཀྱི་ཕུ་བོ་རབ་ཏུ་བྱུང་བས་ང་འདས་ན་ཁྱོད་ཁོ་ན་རྒྱལ་པོ་ཡིན་ན་ཅིའི་ཕྱིར་རབ་ཏུ་འབྱུང་ཞེས་དེས་རབ་ཏུ་འབྱུང་བ་མ་ཐོབ་བོ། །རང་སངས་རྒྱས་དེ་ཉིད་རྒྱལ་པོའི་དྲུང་དུ་སོང་སྟེ་སོང་
D1.004.0155b05.01ནས་ཚིགས་སུ་བཅད་པས་སྨྲས་པ། འོད་ཟེར་འོད་ཟེར་ལྡན་ཐོང་དང་། །འོད་ཟེར་ལྡན་པ་རབ་ཏུ་འབྱུང་། །འོད་ཟེར་རབ་ཏུ་བྱུང་བ་ལེགས། །འདི་ལྟར་རྒྱལ་བ་རྣམས་ཀྱིས་བསྔགས། །རྒྱལ་པོས་སྨྲས་པ། དྲང་སྲོང་ཆེན་པོ་ཁྱོད་རབ་ཏུ་བྱུང་བས་དེ་ནི་བདག་འདས་ན་རྒྱལ་
D1.004.0155b06.01པོར་འགྱུར་ཏེ་འདི་ཉིད་དུ་སྦྱིན་པ་དག་སྩོལ་བ་དང་། བསོད་ནམས་དག་བགྱིད་པར་འགྱུར་ན་ཅིའི་ཕྱིར་རབ་ཏུ་འབྱུང་། རང་སངས་རྒྱས་ཀྱིས་ཚིགས་སུ་བཅད་དེ་སྨྲས་པ། འོད་ཟེར་ཚེ་ནི་ཅུང་ཞིག་སྟེ། །རེ་ལྟར་ཐོགས་ན་ཞག་བདུན་ཉིད། །དོན་གཞན་ཆེད་དུ་བསམས་བསམ་
D1.004.0155b07.01