完整藏文原文 · 德格版页 当前仅加载第 4 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་ཁྱིམ་བདག་མགོན་མེད་ཟས་སྦྱིན་དོན་དེ་སེམས་ཤིང་ཡུད་ཙམ་ཞིག་ཅང་མི་སྨྲ་བར་འདུག་སྟེ། གང་གིས་མ་བཀྲམ་པའི་ས་ཕྱོགས་འདི་བཀྲམ་ནས་སླར་ཡང་སྤ་བར་བྱ་མི་དགོས་པའི་གཏེར་ཧ་ཅང་ཉུང་ངུ་ཡང་མ་ཡིན་ཧ་ཅང་མང་པོ་ཡང་མ་ཡིན་པ་དེ་གང་ཡིན་སྙམ་པ་དང་།
D1.004.0083b01.01གཞོན་ནུ་རྒྱལ་བྱེད་ཀྱིས་བསམས་པ། ཁྱིམ་བདག་མགོན་མེད་ཟས་སྦྱིན་ནི་གདོན་མི་ཟ་བར་ཅིའི་ཕྱིར་ཀུན་དགའ་ར་བའི་ཆེད་དུ་ནོར་གྱི་ཕུང་པོ་ཆེན་པོ་འདི་སྙེད་ཡོངས་སུ་བཏང་ཞེས་འགྱོད་པ་སྐྱེས་སོ་སྙམ་དུ་བསམས་ནས་ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་སྨྲས་
D1.004.0083b02.01སོ། །ཁྱིམ་བདག་གལ་ཏེ་ཁྱོད་འགྱོད་པ་སྐྱེས་ན་གསེར་སླར་ལོང་ཤིག །ཀུན་དགའ་ར་བ་ནི་ང་ཉིད་ཀྱི་ཡིན་ནོ། །གཞོན་ནུ་བདག་ནི་འགྱོད་པ་མ་སྐྱེས་ཏེ་འོན་ཀྱང་དོན་འདི་སེམས་ཤིང་ཡུད་ཙམ་ཞིག་ཅང་མི་སྨྲ་བར་འདུག་པ་ནི་བདག་གིས་མ་བཀྲམ་པའི་ས་ཕྱོགས་འདི་བཀྲམ་ནས་
D1.004.0083b03.01སླར་ཡང་སྦ་བར་བྱ་མི་དགོས་པའི་གཏེར་ཧ་ཅང་ཉུང་བ་ཡང་མ་ཡིན། ཧ་ཅང་མང་པོ་ཡང་མ་ཡིན་པ་དེ་གང་ཡིན་སྙམ་མོ། །དེ་ནས་གཞོན་ནུ་རྒྱལ་བྱེད་འདི་སྙམ་དུ་སེམས་ཏེ། ཀྱེ་མ་སངས་རྒྱས་བཅོམ་ལྡན་འདས་མཆོག་མ་ཡིན་པ་མ་ཡིན་ཞིང་ཆོས་བཤད་པ་ཡང་མཆོག་མ་ཡིན་པ་
D1.004.0083b04.01མ་ཡིན་ཏེ། དེ་ལ་ད་ལྟར་ཁྱིམ་བདག་འདི་ཀུན་དགའ་ར་བའི་ཆེད་དུ་ནོར་གྱི་ཕུང་པོ་འདི་སྙེད་ཡོངས་སུ་གཏོང་ངོ་སྙམ་དུ་བསམས་ནས་ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག་མ་བཀྲམ་པའི་ས་ཕྱོགས་ཁོ་བོ་ལ་བྱིན་ཅིག །དེར་ཁོ་བོས་བཅོམ་ལྡན་
D1.004.0083b05.01འདས་ཀྱི་ཕྱིར་སྒོ་ཁང་བརྩིག་པར་བྱའོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་གཞོན་ནུ་རྒྱལ་བུ་རྒྱལ་བྱེད་ལ་མ་བཀྲམ་པའི་ས་ཕྱོགས་བྱིན་ནས་དེར་གཞོན་ནུ་རྒྱལ་བྱེད་ཀྱིས་བཅོམ་ལྡན་འདས་ཀྱི་ཕྱིར་སྒོ་ཁང་རྩིག་ཏུ་བཅུག་གོ། །དེ་ནས་ཁྱིམ་བདག་མགོན་མེད་ཟས་སྦྱིན་
D1.004.0083b06.01གྱིས་བཅོམ་ལྡན་འདས་ཀྱི་ཕྱིར་གཙུག་ལག་ཁང་བརྩིག་པར་བརྩམས་པ་དང་། མུ་སྟེགས་ཅན་ཞེ་སྡང་དྲག་པོས་ཀུན་ནས་སློང་བའི་ཡིད་ཅན་རྣམས་འདུས་ནས་ཁྱིམ་བདག་མགོན་མེད་ཟས་སྦྱིན་གང་ན་བ་དེར་སོང་སྟེ་ལྷགས་པ་དང་། སྨྲས་པ། ཁྱིམ་བདག་ཁྱོད་དགེ་སྦྱོང་གཽ་ཏ་མ་ནི་
D1.004.0083b07.01