完整藏文原文 · 德格版页 当前仅加载第 4 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་རིམ་གྲོའི་གནས་སུ་བསོགས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་
D1.004.0163a01.01སྐད་ཅེས་གསོལ་ཏོ། །བཙུན་པ་འོད་མའི་ཚལ་བྱ་ཀ་ལན་ད་ཀ་གནས་པ་ན་དགེ་སློང་ཇི་སྙེད་ཉེ་བར་བརྟེན་ཏེ་མཆིས་པ་དེ་དག་ཐམས་ཅད་རིམ་གྲོའི་གནས་སུ་བསོགས་ལགས་ཏེ། བཅོམ་ལྡན་འདས་ད་ནི་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་རིམ་གྲོའི་གནས་
D1.004.0163a02.01གང་ན་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་སྟོན་པ་ལྔ་པོ་འདི་དག་འཇིག་རྟེན་ན་ཡོད་ཅིང་མངོན་ཏེ། ལྔ་གང་ཞེ་ན། འདི་ན་
D1.004.0163a03.01སྟོན་པ་གཅིག་ནི་ཚུལ་ཁྲིམས་ཡོངས་སུ་མ་དག་པ་ཡིན་བཞིན་དུ་བདག་གི་ཚུལ་ཁྲིམས་ཡོངས་སུ་དག་སྟེ་ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་སྟེ། དེ་ཉན་ཐོས་རྣམས་དང་ལྷན་ཅིག་གནས་པའི་རྒྱུས་སོ་སོར་ཤེས་ནས་སྟོན་པ་ཤེས་ལྡན་འདི་ནི་ཚུལ་ཁྲིམས་ཡོངས་སུ་མ་དག་པ་
D1.004.0163a04.01ཡིན་བཞིན་དུ་བདག་གི་ཚུལ་ཁྲིམས་ཡོངས་སུ་དག་སྟེ་ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་ཡིན་ཏེ། གལ་ཏེ་བདག་ཅག་གིས་གཞན་ལ་དེ་སྐད་སྨྲས་ན། དེས་ན་འདིའི་ཡིད་ལ་མི་འབབ་པར་འགྱུར་བས་སྟོན་པ་དེ་ལ་ཡིད་དུ་མི་འོང་པར་འགྱུར་བ་གང་ཡིན་པ་དེ་བདག་ཅག་གིས་
D1.004.0163a05.01གླེངས་ཏེ་ཅི་རུང་། སྟོན་པ་ཤེས་ལྡན་འདི་རང་ཉིད་ཤེས་པར་འགྱུར་གྲང་། འདི་བདག་ཅག་ལ་འདི་ལྟ་སྟེ། ཆོས་གོས་དང་། བསོད་སྙོམས་དང་། གནས་མལ་དང་། ནད་གསོས་ཀྱི་རྐྱེན་སྨན་གྱི་ཡོ་བྱད་རྣམས་ཀྱིས་སེམས་སོ་སྙམ་སྟེ། དེ་ཉན་ཐོས་རྣམས་ཀྱིས་ཚུལ་ཁྲིམས་ལས་རྗེས་སུ་
D1.004.0163a06.01སྲུང་བར་སེམས་སོ། །སྟོན་པ་དེ་ལྟ་བུ་ནི་ཉན་ཐོས་རྣམས་ཀྱིས་ཚུལ་ཁྲིམས་ཀྱི་སྒོ་ནས་རྗེས་སུ་སྲུང་བར་རེ་བ་ཡིན་ཏེ། འདི་ནི་འཇིག་རྟེན་ན་སྟོན་པ་ཡོད་ཅིང་མངོན་པ་དང་པོ་ཡིན་ནོ། །གཞན་ཡང་འདི་ན་སྟོན་པ་གཅིག་ནི་འཚོ་བ་ཡོངས་སུ་མ་དག་པ་ཡིན་བཞིན་དུ་བདག་གི་འཚོ་བ་
D1.004.0163a07.01