完整藏文原文 · 德格版页 当前仅加载第 4 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
བཏུལ་ནས་ང་ལ་མངོན་པར་དད་པར་བྱས་ཏེ་ཤི་ནས་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་པ་ཡིན་ཏེ། དེ་མདང་སུམ་ངའི་སྤྱན་སྔར་འོངས་ནས་ངས་དེ་ལ་ཆོས་བཤད་དེ་བདེན་པ་མཐོང་བར་བྱས་ནས་རང་གི་གནས་སུ་སོང་བ་ཡིན་ནོ། །དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་
D1.004.0241b01.01ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ནོར་སྐྱོང་གིས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་དུད་འགྲོར་སྐྱེས་ལགས། ལས་ཅི་ཞིག་བགྱིས་ན་དེས་ན་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་ནས་བདེན་པ་མཐོང་བར་བགྱིས་ལགས། བཅོམ་
D1.004.0241b02.01ལྡན་འདས་ཀྱིས་བཀའ་སྩལ་པ། དགེ་སློང་དག་ནོར་སྐྱོང་འདི་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ་གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས་ཞེས་བྱ་བ་ནས། ལུས་ཅན་དག་ལ་འབྲས་
D1.004.0241b03.01བུར་འགྱུར། །ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་དགུ་རྣམས་ཀྱི་ཚེ་ལོ་ཉི་ཁྲི་ཐུབ་པ་ན་འཇིག་རྟེན་དུ་སྟོན་པ་སངས་རྒྱས་བཅོམ་ལྡན་འདས། རིག་པ་དང་ཞབས་སུ་ལྡན་པ་བདེ་བར་གཤེགས་པ། འཇིག་རྟེན་
D1.004.0241b04.01མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། འོད་སྲུང་ཞེས་བྱ་བ་བྱུང་སྟེ། དེ་གྲོང་ཁྱེར་བཱ་རཱ་ཎ་སཱི་ཞེས་བྱ་བར་ཉེ་བར་བརྟེན་ནས་དྲང་སྲོང་སྨྲ་བའི་{རི་དགས་,རི་དྭགས་}ཀྱི་ནགས་ན་བཞུགས་སོ། །དེའི་བསྟན་པ་ལ་འདི་རབ་ཏུ་བྱུང་སྟེ་ཞལ་ཏ་བྱེད་པ་ན་
D1.004.0241b05.01དེ་ན་འདི་བསླབ་པའི་གཞི་ཕྲ་མོ་ཕྲ་མོ་རྣམས་ལ་གུས་པར་མ་བྱས་པས་ལས་དེ་ཉིད་ཀྱི་རྣམ་པར་སྨིན་པས་དུད་འགྲོར་སྐྱེས་པར་གྱུར་ཏོ། །དེ་ན་འདིས་དགེ་འདུན་ལ་བཀུར་སྟི་བྱས་པའི་ལས་ཀྱི་རྣམ་པར་སྨིན་པ་གང་ཡིན་པ་དེས་བཟའ་བ་དང་བཏུང་བ་ཐོབ་པར་གྱུར་ཏོ། །ང་ལ་སེམས་མངོན་
D1.004.0241b06.01པར་དད་པར་བྱས་ཏེ་ཤི་བ་གང་ཡིན་པ་དེས་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་སོ། །ཡང་དག་པར་རྫོགས་པའི་སངས་རྒྱས་འོད་སྲུང་ལ་རབ་ཏུ་བྱུང་ནས་བཀླག་པ་དང་། མནོད་པར་བྱས་ཤིང་ཕུང་པོ་ལ་མཁས་པར་བྱས། ཁམས་ལ་མཁས་པར་བྱས། སྐྱེ་མཆེད་ལ་
D1.004.0241b07.01