完整藏文原文 · 德格版页 当前仅加载第 4 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
མ་བསྒྲིབས་པ་དང་། འདི་ལྟ་སྟེ་ལམ་དང་། ལམ་གོལ་བ་མངོན་ན་འབྲས་བུ་འདི་ལྟ་བུར་འགྱུར་བ་སྟོན་པ་སྟེ། དགེ་སྦྱོང་ནི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །དེ་འཕགས་པའི་ཚུལ་ཁྲིམས་ཀྱི་ཕུང་པོ་དེ་དང་ལྡན་པས་ནང་གི་བདེ་བ་ཁ་ན་མ་ཐོ་བ་
D1.004.0275b01.01མེད་པ་ཉམས་སུ་མྱོང་བར་བྱེད་ཅིང་དེ་དབང་པོ་རྣམས་ཀྱི་སྒོ་བསྡམས་པ་དང་། ཀུན་དུ་བསྲུངས་པའི་དྲན་པ་དང་། འགྲུས་སྐྱོང་གི་དྲན་པ་དང་། ཡིད་དྲན་པས་བསྲུངས་པས་གནས་སྐབས་མཉམ་པར་སྤྱོད་པ་ཡིན་ཏེ། དེ་མིག་གིས་གཟུགས་རྣམས་མཐོང་ན་ཡིད་བདེ་བར་མི་
D1.004.0275b02.01འགྱུར། ཡིད་མི་བདེ་བར་མི་འགྱུར། མཚན་མར་མི་འཛིན་མངོན་རྟགས་སུ་མི་འཛིན་ནོ། །གཞི་གང་གི་ཕྱིར་ཞེ་ན། མིག་གི་དབང་པོའི་སྡོམ་པས་མ་བསྡམས་པར་གནས་པ་ནི་འཇིག་རྟེན་ལ་བརྣབ་སེམས་དང་། ཡིད་མི་བདེ་བ་དག་འབྱུང་བས་སྡིག་པ་མི་དགེ་བའི་ཆོས་
D1.004.0275b03.01རྣམས་སེམས་ཀྱི་རྗེས་སུ་འབྲང་བར་འགྱུར་རོ། །དེ་རྣམས་བསྡམ་པའི་ཕྱིར་སྒྲུབ་ཅིང་བསྲུང་བར་མིག་གི་དབང་པོས་མིག་གི་དབང་པོ་སྡོམ་པར་བྱེད་དོ། །རྣ་བས་སྒྲ་དང་། སྣས་དྲི་དང་། ལྕེས་རོ་དང་། ལུས་ཀྱིས་རེག་བྱ་དང་། ཡིད་ཀྱིས་ཆོས་རྣམས་ཤེས་ནས་ཡིད་བདེ་
D1.004.0275b04.01བར་མི་འགྱུར། ཡིད་མི་བདེ་བར་མི་འགྱུར། མཚན་མར་མི་འཛིན། མངོན་རྟགས་སུ་མི་འཛིན་ནོ། །གཞི་གང་གི་ཕྱིར་ཞེ་ན། ཡིད་ཀྱི་དབང་པོའི་སྡོམ་པས་མ་བསྡམས་པར་གནས་པ་ནི་འཇིག་རྟེན་ལ་བརྣབ་སེམས་དང་། ཡིད་མི་བདེ་བ་དག་འབྱུང་བས་སྡིག་པ་
D1.004.0275b05.01མི་དགེ་བའི་ཆོས་རྣམས་སེམས་ཀྱི་རྗེས་སུ་འབྲང་བར་འགྱུར་རོ། །དེ་རྣམས་བསྡམས་པའི་ཕྱིར་སྒྲུབ་ཅིང་བསྲུང་བར་ཡིད་ཀྱི་དབང་པོས་ཡིད་ཀྱི་དབང་པོ་སྡོམ་པར་བྱེད་དོ། །དེ་འཕགས་པའི་ཚུལ་ཁྲིམས་ཀྱི་ཕུང་པོ་དེ་དང་། དབང་པོའི་སྒོ་བསྡམས་པ་དེ་དང་ལྡན་པས་ནང་
D1.004.0275b06.01གི་བདེ་བ་གནོད་པ་མེད་པ་ཉམས་སུ་མྱོང་ཞིང་དེ་འགྲོ་བ་དང་ལྡོག་པ་ལ་ཤེས་བཞིན་དུ་གནས་པ་ཡིན་ནོ། །དེ་ལྟ་བ་དང་། རྣམ་པར་ལྟ་བ་དང་། བསྐུམ་པ་དང་། བརྐྱང་བ་དང་། སྣམ་སྦྱར་དང་། ཆོས་གོས་དང་། ལྷུང་བཟེད་ལེན་པ་དང་། འགྲོ་བ་དང་། འགྲེང་བ་དང་།
D1.004.0275b07.01