'dul ba gzhi/
当前为德格木刻版 90b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 90b
- 可引用原文
- 7 行
- 全文规模
- 全经 17054 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 4 函 · 德格 90b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文རྒྱལ་པོ་ཆེན་པོ་རྒྱལ་རིགས་གཞོན་ནུ་ལ་ཁྱད་དུ་གསད་པར་མི་བྱ་གཞོན་ནུ་ལ་ཟིལ་གྱིས་མནན་པར་མི་བྱའོ། །རྒྱལ་པོ་ཆེན་པོ་སྦྲུལ་གཞོན་ནུ་ལ་ཁྱད་དུ་གསད་པར་མི་བྱ། གཞོན་ནུ་ལ་ཟིལ་གྱིས་མནན་པར་མི་བྱའོ། །རྒྱལ་པོ་ཆེན་པོ་མེ་ཆུང་ངུ་ཁྱད་དུ་གསད་པར་མི་བྱ། ཆུང་ངུ་ལ་ཟིལ་གྱིས་མནན་པར་མི་བྱའོ། །རྒྱལ་པོ་ཆེན་པོ་དགེ་སློང་གཞོན་ནུ་ལ་ཁྱད་དུ་གསད་པར་མི་བྱ་གཞོན་ནུ་ལ་ཟིལ་གྱིས་མནན་པར་མི་བྱའོ། །དེ་ཅིའི་ཕྱིར་ཞེ་ན། དགེ་སློང་གཞོན་ནུར་གྱུར་ཀྱང་དེ་རྫུ་འཕྲུལ་ཆེ་ཞིང་མཐུ་ཆེ་བའི་དགྲ་བཅོམ་པར་འགྱུར་རོ། །བཅོམ་ལྡན་འདས་
ཀྱིས་དེ་སྐད་ཅེས། །བཀའ་སྩལ་ནས་ནི་བདེ་གཤེགས་ཀྱིས། །དེ་སྐད་ཅེས་ནི་བཀའ་སྩལ་ནས། །སྟོན་པས་གཞན་ཡང་འདི་སྐད་གསུངས། །རྒྱལ་རིགས་དཔེ་བྱད་ལྡན་པ་དང་། །རིགས་བཙུན་གྲགས་པར་ལྡན་པ་ལ། །བློ་དང་ལྡན་པས་དེ་གཞོན་ཞེས། །ཁྱད་དུ་མི་གསད་ཟིལ་མི་མནན། །རྒྱལ་པོ་རྒྱལ་རིགས་མཁས་པ་ཡིས། །རྒྱལ་སྲིད་དག་ནི་ཐོབ་གྱུར་ནས། །ཆད་པས་གཅོད་པའི་གནས་དེ་ཡོད། །དེ་བས་དེ་ལ་ཤིན་ཏུ་གདུང་། །དེ་ལྟས་རང་གི་སྲོག་བསྲུང་ཞིང་། །རང་གི་དོན་ལ་ལྟ་བས་ནི། །དེ་ནི་ཁྱད་དུ་མི་གསད་ཅིང་། །
དེ་ལ་ལེགས་པར་བག་ཀྱང་བྱ། །གལ་ཏེ་གྲོང་ངམ་དགོན་པའང་རུང་། །གང་དུ་སྦྲུལ་ནི་མཐོང་གྱུར་ན། །བློ་དང་ལྡན་པས་དེ་གཞོན་ཞེས། །ཁྱད་དུ་མི་གསད་ཟིལ་མི་མནན། །འདི་ལྟར་སྦྲུལ་ནི་རྒྱུ་བ་ན། །རིགས་ནི་རྣམ་པ་སྣ་ཚོགས་ལ། །གླགས་རྙེད་ནས་ནི་གཞོན་ནུས་ཀྱང་། །སྐྱེས་པ་བུད་མེད་དུ་མ་ཟིན། །དེ་ལྟས་རང་གི་སྲོག་བསྲུང་ཞིང་། །རང་གི་དོན་ལ་ལྟ་བས་ནི། །དེ་ནི་ཁྱད་དུ་མི་གསད་ཅིང་། །དེ་ལ་ལེགས་པར་བག་ཀྱང་བྱ། །མང་པོ་སྲེག་ཅིང་འབར་བྱེད་པ། །ལམ་གནག་བསྲེག་བྱ་ཟ་བའི་མེ། །བློ་དང་
ལྡན་པས་དེ་ཆུང་ཞེས། །ཁྱད་དུ་མི་གསད་ཟིལ་མི་མནན། །མེ་ནི་ཆུང་ངུར་གྱུར་པ་ཡང་། །རྐྱེན་ལས་ཆེན་པོར་འགྱུར་བ་ཡིན། །མེས་ནི་རིང་པོར་མི་ཐོགས་པར། །གྲོང་རྡལ་དང་ནི་གྲོང་ཁྱེར་སྲེག །དེ་ལྟས་རང་གི་སྲོག་བསྲུང་ཞིང་། །རང་གི་དོན་ལ་ལྟ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D1
- 德格版页
- 90b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0001 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。