完整藏文原文 · 德格版页 当前仅加载第 4 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་པར་ནུས་པ་མ་ཡིན་ནོ་སྙམ་ནས། དེ་ཞུམ་པ་མ་ཡིན་གྱི་བརྩོན་འགྲུས་བརྩམས་པ་ཡིན། ལུས་མ་སྦྱངས་པ་མ་ཡིན་གྱི་སྦྱངས་པ་ཡིན། རྨོངས་པ་མ་ཡིན་གྱི་དྲན་པ་ཉེ་བར་གཞག་པ་ཡིན་ཏེ། སེམས་རྩེ་གཅིག་ཏུ་མཉམ་པར་བཞག་པ་ཡིན་ནོ། །དེ་འདི་སྙམ་དུ་དགོངས་ཏེ། ཤེས་པར་
D1.004.0025b01.01ནུས་པ་དང་། མཐོང་བར་ནུས་པ་དང་། བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་ནུས་པའི་ལམ་དེ་གང་ཡིན་སྙམ་ན། དེ་འདི་སྙམ་དུ་དགོངས་ཏེ། བདག་ཡབ་ཤཱཀྱ་ཟས་གཙང་གི་ཁྱིམ་ན་གནས་པའི་ཚེ་ཞིང་ལས་ཀྱི་མཐའི་དྲུང་དུ་སོང་ནས་ཤིང་འཛམ་བུའི་གྲིབ་མ་ལ་འདུག་
D1.004.0025b02.01སྟེ། འདོད་པ་ལས་དབེན་པ། སྡིག་པ་མི་དགེ་བའི་ཆོས་ལས་དབེན་པ། རྟོག་པ་དང་བཅས་ཤིང་དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང་། བདེ་བ་ཅན་བསམ་གཏན་དང་པོ་ཉེ་བར་བསྒྲུབས་ཏེ་གནས་པ་དེ་མངོན་པར་དྲན་ཏེ། དེ་ནི་ལམ་ཡིན། དེ་ནི་སྒྲུབ་པ་ཡིན།
D1.004.0025b03.01ཤེས་པར་ནུས་པ་ཡིན། མཐོང་བར་ནུས་པ་ཡིན། བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་ནུས་པ་ཡིན་ན། དེ་བདག་གིས་བསྐྱེད་དུ་ཡང་འདི་ལྟར་རིད་ཅིང་ཉམ་ཆུང་ལ་ཞན་པས་སླ་བ་མ་ཡིན་ཏེ། མ་ལ་བདག་གིས་ཅི་བདེར་དབུགས་རྔུབ་པ་དང་། ཅི་བདེར་དབུགས་
D1.004.0025b04.01འབྱུང་བ་དང་། ཅི་བདེར་འབྲས་ཆན་དང་ཟན་དྲོན་གྱི་ཁ་ཟས་རགས་པ་བཟའ་ཞིང་ལུས་མར་སར་དང་ཏིལ་མར་གྱིས་བྱུགས་ལ་ཆུ་འཇམ་པོས་ལུས་བཀྲུ་བར་བྱའོ་སྙམ་སྟེ། དེ་ཅི་བདེར་དབུགས་རྔུབ་པ་དང་། ཅི་བདེར་དབུགས་འབྱུང་བ་དང་། ཅི་བདེར་འབྲས་ཆན་དང་ཟན་དྲོན་གྱི་ཞལ་
D1.004.0025b05.01ཟས་རགས་པ་གསོལ་ཞིང་སྐུ་ཏིལ་མར་དང་མར་སར་གྱིས་བྱུགས་ནས་ཆུ་འཇམ་པོས་སྐུ་འཁྲུ་བར་མཛད་དོ།། །།འདུལ་བ་གཞི། བམ་པོ་བརྒྱད་བཅུ་ལྔ་པ། དེ་ནས་རིམ་གྲོ་པ་ལྔ་པོ་དེ་རྣམས་འདི་སྙམ་དུ་སེམས་ཏེ། ཤེས་ལྡན་དག་དགེ་སྦྱོང་གཽ་ཏ་མ་འདི་ནི་སྡོམ་པ་
D1.004.0025b06.01ལྷོད་པ། བྱ་བ་མང་བ། མང་པོས་འཚོ་བ། སྤོང་བ་ཉམས་པར་གྱུར་པ་ཡིན་ཏེ། འདི་ད་ལྟ་འབྲས་ཆན་དང་ཟན་དྲོན་གྱི་ཁ་ཟས་མང་དུ་ཟ་ལ་ལུས་ཞུན་མར་དང་ཏིལ་མར་གྱིས་བྱུགས་ནས་ཆུ་འཇམ་པོས་ལུས་ཁྲུས་བྱེད་དེ། འདིས་ད་ནི་{ཆུང་ཟད་,ཅུང་ཟད་}ཀྱང་ཐོབ་པར་མི་ནུས་སོ་སྙམ་དུ་བསམས་ནས་
D1.004.0025b07.01