完整藏文原文 · 德格版页 当前仅加载第 4 函德格 65a 版页；藏文 NFD、目录标记与异常页序保留在来源切片中，重复版页行以稳定序号区分。
སྲུང་ཁྱོད་ནི་དགྲ་བཅོམ་པ་མ་ཡིན། དགྲ་བཅོམ་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་མ་ཡིན་ཏེ། དགྲ་བཅོམ་པའི་ལམ་གང་ཡིན་པ་དེ་ཡང་མི་ཤེས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། དགེ་སྦྱོང་ཆེན་པོ་གཽ་ཏ་མའི་
D1.004.0065a01.01ཐུགས་ཀྱིས་བདག་གི་སེམས་མཁྱེན་ཏོ་སྙམ་དུ་རིག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་ཐོབ་པ་ལྟ་ན། དགེ་སྦྱོང་ཆེན་པོའི་སྤྱན་སྔར་
D1.004.0065a02.01བདག་ཚངས་པར་སྤྱོད་པ་སྤྱད་པར་བགྱིའོ། །འོད་སྲུང་ཁྱོད་ཀྱིས་འཁོར་ལ་བལྟས་སམ། དགེ་སྦྱོང་ཆེན་པོ་མ་བལྟས་ལགས་སོ། །འོད་སྲུང་དེའི་ཕྱིར་རེ་ཞིག་འཁོར་ལ་ལྟོས་ཤིག །འདི་ལྟར་ཁྱོད་ལྟ་བུའི་མི་གྲགས་པ་དང་ལྡན་པ་ཤེས་ཉེན་ཅན་རྣམས་ཀྱིས་ནི་འཁོར་ལ་བལྟ་
D1.004.0065a03.01བ་ལེགས་པ་ཡིན་ནོ། །དེ་ནས་ལྟེང་རྒྱས་འོད་སྲུང་རལ་པ་ཅན་རང་གི་བསྟི་གནས་གང་ཡིན་པ་དེར་སོང་སྟེ་ཕྱིན་ནས་བྲམ་ཟེའི་ཁྱེའུ་རྣམས་ལ་སྨྲས་པ། བྲམ་ཟེའི་ཁྱེའུ་དག་ཤེས་པར་གྱིས་ཤིག །བྲམ་ཟེའི་ཁྱེའུ་དག་ཁོ་བོ་ནི་དགེ་སྦྱོང་ཆེན་པོའི་སྤྱན་སྔར་ཚངས་པར་སྤྱོད་པ་སྤྱད་
D1.004.0065a04.01ན་ཤེས་ལྡན་དག་ཅི་བྱེད། མཁན་པོ་བདག་ཅག་གིས་{ཆུང་ཟད་,ཅུང་ཟད་}ཅི་འཚལ་བ་དེ་ཐམས་ཅད་ནི་མཁན་པོ་ལ་བརྟེན་ནས་ལགས་པས་གལ་ཏེ་མཁན་པོ་དགེ་སྦྱོང་ཆེན་པོའི་སྤྱན་སྔར་ཚངས་པར་སྤྱོད་པ་སྤྱད་ན། བདག་ཅག་ཀྱང་མཁན་པོ་རབ་ཏུ་བྱུང་བའི་རྗེས་སུ་རབ་ཏུ་འབྱུང་ངོ་། །བྲམ་
D1.004.0065a05.01ཟེའི་ཁྱེའུ་དག་ཁྱེད་ཀྱིས་དེའི་ཕྱིར་གཡང་གཞི་དང་། ཤིང་ཤུན་དང་། ཁར་བ་དང་། རིལ་བ་སྤྱི་བླུགས་དང་། བླུགས་གཟར་འདི་དག་ཆུ་ཀླུང་ནཻ་རཉྫ་ནའི་ནང་དུ་འོར་ཅིག །མཁན་པོ་བཀའ་བཞིན་འཚལ་ཞེས་བྲམ་ཟེའི་ཁྱེའུ་དེ་རྣམས་ཀྱིས་གཡང་གཞི་དང་། ཤིང་ཤུན་དང་།
D1.004.0065a06.01ཁར་བ་དང་། རིལ་བ་སྤྱི་བླུགས་དང་། བླུགས་གཟར་རྣམས་ཆུ་ཀླུང་ནཻ་རཉྫ་ནའི་ནང་དུ་བོར་ནས་ལྟེང་རྒྱས་འོད་སྲུང་རལ་པ་ཅན་གང་ན་བ་དེར་སོང་སྟེ་ཕྱིན་ནས་ལྟེང་རྒྱས་འོད་སྲུང་རལ་པ་ཅན་ལ་འདི་སྐད་ཅེས་སྨྲས་སོ། །མཁན་པོ་འདི་ལྟར་བདག་ཅག་གིས་བགྱི་བ་གང་ལགས་
D1.004.0065a07.01