完整藏文原文 · 德格版页 当前仅加载第 4 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
བརྩེ་བ་ཉེ་བར་བཟུང་སྟེ་འདི་བཞེས་སུ་གསོལ། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། གལ་ཏེ་བདག་གིས་རྒྱལ་པོ་ཆེན་པོ་གཅིག་ལས་ལྷུང་བཟེད་གཅིག་བཞེས་ན་གསུམ་གྱི་སེམས་མི་དགའ་བར་འགྱུར་རོ། །གལ་ཏེ་གཉིས་ལས་ན་ནི་གཉིས་ཀྱི་སེམས་མི་དགའ་བར་
D1.004.0036b01.01འགྱུར་རོ། །གལ་ཏེ་གསུམ་ལས་ན་ནི་གཅིག་གི་སེམས་མི་དགའ་བར་འགྱུར་གྱིས། མ་ལ་བདག་གིས་རྒྱལ་པོ་ཆེན་པོ་བཞི་ལས་ལྷུང་བཟེད་བཞི་བཞེས་ལ་ལྷུང་བཟེད་གཅིག་ཏུ་བྱིན་གྱིས་བརླབ་པར་བྱའོ་སྙམ་ནས། དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་ལས་ལྷུང་
D1.004.0036b02.01བཟེད་བཞི་བཞེས་ཏེ་ལྷུང་བཟེད་གཅིག་ཏུ་བྱིན་གྱིས་བརླབས་སོ།། །།འདུལ་བ་གཞི། བམ་པོ་བརྒྱད་བཅུ་དྲུག་པ། དེ་ནས་བཅོམ་ལྡན་འདས་ཀྱིས་ཚོང་པ་ག་གོན་དང་བཟང་པོ་ལས་སྲོག་ཆགས་རྣམས་ལ་ཕན་པའི་ཕྱིར་བསོད་སྙོམས་བཞེས་སོ། །དེ་ནས་བཅོམ་ལྡན་
D1.004.0036b03.01འདས་ཀྱིས་ཚོང་པ་ག་གོན་དང་བཟང་པོ་ལ་འདི་སྐད་ཅེས་བཀའ་སྩལ་ཏོ། །ཚོང་པ་དག་ཁྱེད་ཚུར་སངས་རྒྱས་ལ་སྐྱབས་སུ་དེང་ཤིག །ཆོས་ལ་སྐྱབས་སུ་དེང་ཤིག །མ་འོངས་པའི་དུས་ན་འབྱུང་བར་འགྱུར་བའི་དགེ་འདུན་ཞེས་བྱ་བ་གང་ཡིན་པ་དེ་ལ་ཡང་སྐྱབས་སུ་དེང་ཤིག །
D1.004.0036b04.01བཙུན་པ་བདག་ཅག་སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །མ་འོངས་པའི་དུས་ན་འབྱུང་བར་འགྱུར་བའི་དགེ་འདུན་གང་ལགས་པ་དེ་ལ་ཡང་སྐྱབས་སུ་མཆིའོ། །དེ་ནས་བཅོམ་ལྡན་འདས་ཀྱིས་ཚོང་པ་ག་གོན་དང་བཟང་པོའི་སྦྱིན་པ་དེ་ལ་རྗེས་སུ་ཡི་རང་བས་
D1.004.0036b05.01རྗེས་སུ་ཡི་རང་བར་མཛད་དེ། གང་གི་དོན་དུ་སྦྱིན་པ་བཏང་། །དེ་ཡི་དོན་དུ་འགྱུར་བ་སྟེ། །བདེ་བའི་དོན་དུ་སྦྱིན་བཏང་ན། །དེ་ནི་བདེ་བར་འགྱུར་བ་ཡིན། །བསོད་ནམས་རྣམ་སྨིན་བདེ་བ་དང་། །བསམས་པ་ཡང་ནི་འགྲུབ་པར་འགྱུར། །མྱུར་དུ་ཞི་བ་དམ་པ་ཡི། །མྱ་ངན་
D1.004.0036b06.01འདས་པ་རྟོགས་པར་འགྱུར། །ཕ་རོལ་ལས་བྱུང་གནོད་པ་ནི། །ལྷ་དང་བདུད་ཀྱི་རིགས་དག་གིས། །བསོད་ནམས་ཁོ་ན་བྱེད་པ་ན། །བར་ཆད་བྱ་བར་མི་ནུས་སོ། །གལ་ཏེ་འཕགས་པའི་ཤེས་རབ་ཕྱིར། །གཏོང་ལྡན་དེ་ནི་འབད་བྱེད་ན། །སྡུག་བསྔལ་ཐ་མར་བྱེད་པ་དག །
D1.004.0036b07.01