完整藏文原文 · 德格版页 当前仅加载第 4 函德格 173a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ཉིད་ཡིན་ནོ། །དེའི་ཚེ་དེའི་དུས་ཀྱི་ཆོམ་རྐུན་པའི་སྡེ་དཔོན་གང་ཡིན་པ་དེ་ནི་ལྷ་སྦྱིན་འདི་ཉིད་ཡིན་ཏེ། དེའི་ཚེ་ན་ཡང་མ་སྐྱེས་དགྲ་འདི་ལྟར་གྱུར་པ་ན་སྣོད་མ་ཡིན་པས་སྣོད་མ་ཡིན་པར་ཆར་ཕབ་བོ། །ད་ལྟར་ཡང་སྣོད་མ་ཡིན་པ་འདིས་སྣོད་མ་ཡིན་པར་ཆར་
D1.004.0173a01.01ཕབ་བོ། །དེ་ནས་བཅོམ་ལྡན་འདས་ཡུལ་མ་ག་དྷཱ་ནས་ལྗོངས་རྒྱུ་ཞིང་གཤེགས་པ་ན་རྒྱལ་པོའི་ཁབ་ཏུ་བྱོན་ནས། རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །ལྷ་སྦྱིན་ནི་རྒྱལ་པོའི་ཁབ་ཏུ་གནས་པའི་སྐྱེ་བོའི་ཚོགས་ལ་རྒྱུན་ཁོ་ནར་འཚེ་བར་བྱེད་དོ། །
D1.004.0173a02.01གང་དང་གང་གཙེས་པ་དེ་བཅོམ་ལྡན་འདས་ཀྱི་སྙན་དུ་གསོལ་བ་གཏོང་ངོ་། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སྣམ་སྦྱར་ཁྱེར་ལ་ཕྱི་བཞིན་འབྲང་བའི་དགེ་སྦྱོང་དགེ་སློང་ཞིག་དང་སོང་ལ་རྒྱལ་པོའི་ཁབ་ཀྱི་ལམ་པོ་ཆེ་དང་
D1.004.0173a03.01སྲང་དང་། བཞི་མདོ་དང་། སུམ་མདོ་རྣམས་སུ་ཁྱིམ་བདག་དང་བྲམ་ཟེ་རྣམས་ལ་ལྷ་སྦྱིན་ནམ་ལྷ་སྦྱིན་གྱི་ཕྱོགས་ཀྱིས་འཚེར་བཅུག་པ་གང་ཡིན་པ་དེ་རྣམས་ནི་སངས་རྒྱས་སམ། ཆོས་སམ། དགེ་འདུན་གྱི་དང་འབྲེལ་བ་མ་ཡིན་ནོ་ཞེས་སྒོ་ཤིག །གལ་ཏེ་ལྷ་སྦྱིན་ནི་རྫུ་འཕྲུལ་ཆེ་ཞིང་
D1.004.0173a04.01མཐུ་ཆེ་བ་ཡིན་ནོ་ཞེས་ཟེར་ན་མཐུ་ཆེན་པོར་གྱུར་པ་ལས་ད་ནི་རྫུ་འཕྲུལ་དེ་ལས་ཡོངས་སུ་ཉམས་སོ་ཞེས་སྨྲོས་ཤིག །དེ་སོང་ནས་རྒྱལ་པོའི་ཁབ་ཀྱི་གྲོང་ཁྱེར་གྱི་ལམ་པོ་ཆེ་དང་། སྲང་དང་། བཞི་མདོ་དང་། སུམ་མདོ་རྣམས་སུ་བྲམ་ཟེ་དང་ཁྱིམ་བདག་རྣམས་ལ་བསྒོ་ནས་དེ་རྣམས་ཕྱིན་
D1.004.0173a05.01ཆད་བཅོམ་ལྡན་འདས་ཀྱི་སྙན་དུ་གསོལ་བ་མི་གཏོང་ངོ་། །བཅོམ་ལྡན་འདས་སྙུན་གྱིས་ཐེབས་ནས་འཚོ་བྱེད་ཀྱིས་སྨན་མར་ལྕགས་མདའ་ཞེས་བྱ་བ་བཅོམ་ལྡན་འདས་ལ་ཕུལ་ལོ། །དེ་ནས་བཅོམ་ལྡན་འདས་ཀྱིས་སྨན་པའི་རྒྱལ་པོ་འཚོ་བྱེད་ལ་བཀའ་སྩལ་པ། འཚོ་བྱེད་ངོ་མཚར་
D1.004.0173a06.01ཆེའམ། བཅོམ་ལྡན་འདས་ངོ་མཚར་ཆེ་ལགས་སོ། །འཚོ་བྱེད་ཡ་མཚན་ཆེའམ། བཅོམ་ལྡན་འདས་ཡ་མཚན་ཆེ་ལགས་སོ། །འཚོ་བྱེད་ཤེས་སམ། བཅོམ་ལྡན་འདས་འཚལ་ལགས་སོ། །འཚོ་བྱེད་མི་ཤེས་སམ། བདེ་བར་གཤེགས་པ་མ་འཚལ་ལགས་སོ། །
D1.004.0173a07.01