完整藏文原文 · 德格版页 当前仅加载第 4 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར་བ་མཐོང་སྟེ། མཽད་གལ་གྱི་བུ་འདི་ནི་དགེ་སློང་ཀུན་དགའ་བོའི་ངོ་མཚར་རྨད་དུ་བྱུང་བའི་ཆོས་ཡིན་ནོ། །མཽད་གལ་གྱི་བུ་ལེགས་སོ། །ལེགས་སོ། །དགེ་སློང་ཀུན་དགའ་བོ་ནི་མཁས་པ་ཡིན་ཏེ། དེས་མ་འོངས་པ་ན་ཚངས་པ་མཚུངས་པར་སྤྱོད་པ་
D1.004.0154a01.01རྣམས་ལས་རྩོད་ཅིང་རྗེས་སུ་རྩོད་པའི་སྨད་པའི་གནས་ཀྱི་ཆོས་འབྱུང་ལ། གཞི་འདིས་བདག་ལ་ཚངས་པ་མཚུངས་པར་སྤྱོད་པ་རྣམས་དགེ་སློང་ཀུན་དགའ་བོ་ནི་ཁ་ཟས་ཀྱི་རྒྱུས་སྟོན་པ་ལ་བཀུར་སྟི་བྱེད་དོ་ཞེས་ཁ་ཟེར་བར་འགྱུར་བ་མཐོང་སྟེ། མཽད་གལ་གྱི་བུ་འདི་ནི་དགེ་སློང་ཀུན་དགའ་
D1.004.0154a02.01བོའི་ངོ་མཚར་རྨད་དུ་བྱུང་བའི་ཆོས་ཡིན་ནོ། །མཽད་གལ་གྱི་བུ་ལེགས་སོ་ལེགས་སོ། །དགེ་སློང་ཀུན་དགའ་བོ་ནི་མཁས་པ་ཡིན་ཏེ། དུས་ཤེས་ཤིང་དུས་རིག་པས་དེ་འདི་ནི་བདག་གིས་བཅོམ་ལྡན་འདས་ལ་བལྟ་བའི་ཕྱིར་འགྲོ་བའི་དུས་ཡིན། འདི་ནི་དུས་མ་ཡིན། འདི་ནི་དགེ་
D1.004.0154a03.01སློང་གི་དགེ་འདུན་དང་། དགེ་སློང་མའི་དགེ་འདུན་དང་། དགེ་བསྙེན་གྱི་འཁོར་དང་། དགེ་བསྙེན་མའི་འཁོར་གྱི་དུས་ཡིན། འདི་ནི་གཞན་མུ་སྟེགས་ཅན་དང་། ཀུན་ཏུ་རྒྱུ་དག་བཅོམ་ལྡན་འདས་ལ་བལྟ་བའི་ཕྱིར་འགྲོ་བའི་དུས་ཡིན། འདི་ནི་དུས་མ་ཡིན། གཞན་མུ་སྟེགས་ཅན་
D1.004.0154a04.01དང་། ཀུན་ཏུ་རྒྱུ་འདི་དག་ནི་བཅོམ་ལྡན་འདས་ཀྱི་བཀའ་ལ་སྤོབས་པ་དང་ལྡན་པར་འགྱུར། འདི་དག་ནི་བཀའ་ལ་སྤོབས་པ་དང་ལྡན་པར་མི་འགྱུར། བཟའ་བ་དང་བཅའ་བ་འདི་ནི་བཅོམ་ལྡན་འདས་ལ་བདེ་བ་སྐྱེད་པར་འགྱུར། འདི་ནི་བདེ་བ་སྐྱེད་པ་མ་ཡིན་ནོ་ཞེས་ཤེས་ཏེ། མཽད་
D1.004.0154a05.01གལ་གྱི་བུ་དགེ་སློང་ཀུན་དགའ་བོ་ནི་མཁས་པ་ཡིན་ཏེ། དུས་ཤེས་ཤིང་དུས་རིག་པས་དེ་འདི་ནི་བདག་གིས་བཅོམ་ལྡན་འདས་ལ་བལྟ་བའི་ཕྱིར་འགྲོ་བའི་དུས་ཡིན་ནོ། །འདི་ནི་དུས་མ་ཡིན་ནོ། །འདི་ནི་དགེ་སློང་གི་དགེ་འདུན་དང་། དགེ་སློང་མའི་དགེ་འདུན་དང་། དགེ་བསྙེན་
D1.004.0154a06.01གྱི་འཁོར་དང་། དགེ་བསྙེན་མའི་འཁོར་གྱི་དུས་ཡིན་ནོ། །འདི་ནི་གཞན་མུ་སྟེགས་ཅན་དང་། ཀུན་ཏུ་རྒྱུ་དག་བཅོམ་ལྡན་འདས་ལ་བལྟ་བའི་ཕྱིར་འགྲོ་བའི་དུས་ཡིན་ནོ། །འདི་ནི་དུས་མ་ཡིན་ནོ། །གཞན་མུ་སྟེགས་ཅན་དང་། ཀུན་ཏུ་རྒྱུ་འདི་དག་ནི་བཅོམ་ལྡན་འདས་
D1.004.0154a07.01