完整藏文原文 · 德格版页 当前仅加载第 4 函德格 60b 版页；藏文 NFD、目录标记与异常页序保留在来源切片中，重复版页行以稳定序号区分。
ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་གསོལ། འདིར་བདག་མདང་སུམ་རྒྱུ་སྐར་རྣམས་ལ་བལྟ་བ་ན་དགེ་སྦྱོང་ཆེན་པོའི་སྤྱན་སྔ་ན་ཞུགས་ཀྱི་ཕུང་པོ་ཆེན་པོ་འབར་བ་ཞེས་བྱ་བ་ནས་སྲེག་པར་བྱེད་པ་ཞེས་བྱ་བའི་བར་ཞིག་
D1.004.0060b01.01མཐོང་ངོ་། །མཐོང་ནས་ཀྱང་བདག་འདི་སྙམ་དུ་སེམས་ཏེ། དགེ་སྦྱོང་ཆེན་པོ་ཡང་མེ་ལ་ཡོངས་སུ་སྤྱོད་དེ། འདི་ལྟར་དེའི་སྤྱན་སྔ་ན་མེའི་ཕུང་པོ་ཆེན་པོ་འབར་རབ་ཏུ་འབར། ཀུན་དུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བགྱིད་པ་ཞིག་མཆིས་སོ་སྙམ་མོ། །འོད་
D1.004.0060b02.01སྲུང་ཅིང་མེ་ལ་ཡོངས་སུ་སྤྱོད་དམ། ང་མེ་ལ་ཡོངས་སུ་མི་སྤྱོད་དེ། དེ་ལྟ་མོད་ཀྱི་འདིར་མདང་སུམ་མི་མཇེད་ཀྱི་བདག་པོ་ཚངས་པ་ཁ་དོག་འཕགས་པས་མཚན་མོ་ལ་བབ་པ་ན་ང་གང་ན་བ་དེར་འོངས་ཏེ་ཕྱིན་ནས། ངའི་ཞབས་ལ་མགོ་བོས་ཕྱག་བྱས་ཏེ། དེ་དཔེར་ན་མེའི་ཕུང་པོ་
D1.004.0060b03.01འབར་རབ་ཏུ་འབར་བ་བཞི་པོ་དེ་དག་ནས་སྔ་མ་བཞིན་དུ་མེའི་ཕུང་པོ་ཆེན་པོ་ལྔ་པ་དེ་འབར་བ་ནས་མེ་ལྕེ་གཅིག་ཏུ་གྱུར་པ་ནས་སྲེག་པར་བྱེད་པའི་བར་གོང་མ་བཞིན་དུ་སྟེ། དེ་དག་པས་ཀྱང་ཆེས་ལྷག་ཅིང་ཆེས་འཕགས་ལ་ཆེས་བཟང་བ་ལྟ་བུའི་ལུས་ཀྱིས་ཕྱོགས་གཅིག་ཏུ་འདུག་པ་ཡིན་ནོ། །
D1.004.0060b04.01དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་གཽ་ཏ་མ་ནི་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་ན་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་
D1.004.0060b05.01ཀྱི་ནགས་ཚང་ཚིང་ན་བཞུགས་སོ། །དེའི་ཚེ་ལྟེང་རྒྱས་འོད་སྲུང་རལ་པ་ཅན་གྱི་འདུག་གནས་ན་མཆོད་སྦྱིན་ཞག་བདུན་པ་བྱེད་པ་ལ་བབ་བོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། གལ་ཏེ་མ་ག་དྷཱའི་མི་རྣམས་ཀྱིས་དགེ་སྦྱོང་ཆེན་པོ་འདི་ལྟར་རྫུ་འཕྲུལ་ཆེ་ཞིང་
D1.004.0060b06.01འདི་ལྟར་མཐུ་ཆེ་བ་ཡིན་པར་ཤེས་ན་དེ་ཉིད་ལ་བྱ་བ་བྱེད་པར་སེམས་ཀྱི། བདག་ལ་ནི་དེ་ལྟར་མ་ཡིན་པའི་གནས་འདི་ཡོད་ཀྱིས། ཀྱེ་མ་དགེ་སྦྱོང་ཆེན་པོ་ཞག་བདུན་ཞིག་འདི་ནས་གཞན་དུ་སོང་ཡང་ཅི་མ་རུང་སྙམ་མོ། །དེ་ནས་བཅོམ་ལྡན་འདས་ཀྱི་ཐུགས་ཀྱིས་ལྟེང་རྒྱས་འོད་སྲུང་རལ་པ་
D1.004.0060b07.01