完整藏文原文 · 德格版页 当前仅加载第 4 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
རིའི་བུ་དང་མཽད་གལ་གྱི་བུ་གང་ཟག་བཞི་པོ་འདི་དག་ནི་ཚངས་པའི་བསོད་ནམས་སྐྱེད་པར་འགྱུར་རོ། །བཞི་གང་ཞེ་ན་གང་ཟག་གང་ཞིག་སྔོན་མི་བཞུགས་པའི་ས་ཕྱོགས་སུ། དེ་བཞིན་གཤེགས་པའི་སྐུ་གདུང་གི་མཆོད་རྟེན་གནས་པར་བྱེད་པ་འདི་ནི་ཚངས་པའི་
D1.004.0252a01.01བསོད་ནམས་སྐྱེད་པའི་གང་ཟག་དང་པོ་ཡིན་ཏེ། བསྐལ་པར་མཐོ་རིས་རྣམས་སུ་དགའ་བར་འགྱུར་རོ། །གཞན་ཡང་གང་ཟག་གང་ཞིག་སྔོན་མེད་པའི་ས་ཕྱོགས་སུ་ཕྱོགས་བཞིའི་དགེ་སློང་གི་དགེ་འདུན་གྱི་གཙུག་ལག་ཁང་བྱེད་དུ་འཇུག་པ་འདི་ནི་ཚངས་པའི་བསོད་ནམས་སྐྱེད་པའི་
D1.004.0252a02.01གང་ཟག་གཉིས་པ་ཡིན་ཏེ། བསྐལ་པར་མཐོ་རིས་རྣམས་སུ་དགའ་བར་འགྱུར་རོ། །གཞན་ཡང་གང་ཟག་གང་ཞིག་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་བྱེ་བ་སླར་སྡུམས་བྱེད་པ་འདི་ནི་ཚངས་པའི་བསོད་ནམས་སྐྱེད་པའི་གང་ཟག་གསུམ་པ་ཡིན་ཏེ། བསྐལ་
D1.004.0252a03.01པར་མཐོ་རིས་རྣམས་སུ་དགའ་བར་འགྱུར་རོ། །གཞན་ཡང་གང་ཟག་གང་ཞིག་བྱམས་པ་དང་ལྡན་པའི་སེམས་འཁོན་མེད་པ། འགྲན་ཟླ་མེད་པ། གནོད་པ་མེད་པ། ཡངས་པ་རྒྱ་ཆེན་པོར་གྱུར་པ། ཚད་མེད་པ། ཤིན་ཏུ་བསྒོམས་པས་ཕྱོགས་གཅིག་ཏུ་མོས་ཏེ་ཁྱབ་པར་
D1.004.0252a04.01བྱས་ནས་རྫོགས་པར་བྱས་ཏེ་གནས་ཤིང་དེ་བཞིན་དུ་གཉིས་པ་དང་། དེ་བཞིན་དུ་གསུམ་པ་དང་། དེ་བཞིན་དུ་བཞི་པ་དང་། བླ་དང་། འོག་དང་། ཐད་ཀར་རྣམ་པ་ཐམས་ཅད་དུ་ཐམས་ཅད་དང་ལྡན་པའི་འཇིག་རྟེན་འདི་བྱམས་པ་དང་ལྡན་པའི་སེམས་འཁོན་མེད་པ། འགྲན་ཟླ་མེད་
D1.004.0252a05.01པ། གནོད་པ་མེད་པ། ཡངས་པ། རྒྱ་ཆེན་པོར་གྱུར་པ། ཚད་མེད་པ། ཤིན་ཏུ་བསྒོམས་པས་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་པ་དང་། དེ་བཞིན་དུ་སྙིང་རྗེ་དང་། དགའ་བ་དང་། བཏང་སྙོམས་དང་ལྡན་པའི་སེམས་འཁོན་མེད་པ། འགྲན་ཟླ་མེད་པ། གནོད་
D1.004.0252a06.01པ་མེད་པ། ཡངས་པ། རྒྱ་ཆེན་པོར་གྱུར་པ། ཚད་མེད་པ། ཤིན་ཏུ་བསྒོམས་པས་ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་ཤིང་དེ་བཞིན་དུ་གཉིས་པ་དང་། དེ་བཞིན་དུ་གསུམ་པ་དང་། དེ་བཞིན་དུ་བཞི་པ་དང་། བླ་དང་། འོག་དང་། ཐད་
D1.004.0252a07.01