完整藏文原文 · 德格版页 当前仅加载第 4 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
དགོངས་པ་མངོན་དུ་བཞག་པ་ན། དེ་རྫུ་འཕྲུལ་གྱི་ཡུལ་རྣམ་པ་དུ་མ་ཉམས་སུ་མྱོང་བར་མཛད་དེ། འདི་ལྟ་སྟེ་གཅིག་ཏུ་གྱུར་ཅིང་མང་པོར་གྱུར་པ་དང་། མང་པོར་གྱུར་ཅིང་གཅིག་ཏུ་གྱུར་པ་དང་། སྣང་བར་གྱུར་ཅིང་མི་སྣང་བར་གྱུར་པ་ཡེ་ཤེས་གཟིགས་པས་ཉམས་སུ་མྱོང་བར་མཛད་དོ། །
D1.004.0031b01.01སྐུས་རྩིག་པ་དང་། རི་དང་། ར་བ་ལ་ཡང་ཐད་ཀར་གཤེགས་པར་མཛད་དེ། དཔེར་ན་ནམ་མཁའ་ལ་བྱ་བ་བཞིན་ནོ། །ས་ལ་ཡང་སྟེང་དུ་འབྱུང་བ་དང་། བྱིའུ་ཟུལ་མཛད་དེ། དཔེར་ན་ཆུ་ལ་བྱ་བ་བཞིན་ནོ། །ཆུའི་རྒྱུན་ལ་ཡང་མི་ཉམས་པར་གཤེགས་ཏེ། དཔེར་ན་ས་ལ་བྱ་བ་
D1.004.0031b02.01བཞིན་ནོ། །ནམ་མཁའ་ལ་ཡང་སྐྱིལ་མོ་ཀྲུང་གིས་གཤེགས་པར་མཛད་དེ། དཔེར་ན་འདབ་ཆགས་བྱ་བཞིན་ནོ། །ཉི་མ་དང་ཟླ་བ་འདི་གཉིས་འདི་ལྟར་རྫུ་འཕྲུལ་ཆེ་བ། འདི་ལྟར་གཟི་བརྗིད་ཆེ་བ་ལ་ཕྱག་གིས་ནོམ་ཞིང་ཉུག་པར་མཛད་ཅིང་ཚངས་པའི་འཇིག་རྟེན་གྱི་བར་དུ་སྐུས་དབང་སྒྱུར་
D1.004.0031b03.01བར་མཛད་དོ། །ཡང་བདུད་ཀྱིས་བསམས་པ། བསམ་གཏན་གྱི་ཚེར་མ་སྒྲ་ཡིན་པས་མ་ལ་བདག་གིས་རྒྱང་རིང་པོ་ཁོ་ནར་འདུག་ལ་སྒྲ་དབྱུང་བར་བྱའོ་སྙམ་ནས་དེས་འབྱུང་པོ་བྱེ་བ་ཕྲག་སུམ་བཅུ་རྩ་དྲུག་དང་། འཇིགས་པ་ཆེན་པོ་འཇིགས་སུ་རུང་བའི་སྒྲ་ཕྱུང་ངོ་། །བྱང་ཆུབ་སེམས་
D1.004.0031b04.01དཔས་ཀྱང་དེ་བསྒྲིབ་པའི་ཕྱིར་དཔག་ཚད་བཅུ་གཉིས་ཀྱི་བར་དུ་ཤིང་ཀ་དམ་པའི་ཚལ་སྤྲུལ་པས་དེས་ན་སྒྲ་དེ་རྡུགས་པས་མི་གྲག་གོ། །བྱང་ཆུབ་སེམས་དཔས་དགོངས་པ། མ་ལ་བདག་གིས་ལྷའི་རྣ་བ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་དུ་བཞག་
D1.004.0031b05.01ནས། དེས་ན་ལྷ་དང་མི་རྣམས་ཀྱི་སྒྲ་གང་དང་གང་དག་ཐོས་པར་འདོད་པ་དེ་དག་མཉན་པར་བྱའོ་སྙམ་དུ་དགོངས་ནས་ལྷའི་རྣ་བ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་དགོངས་པ་བཞག་པ་ན། དེ་ལྷའི་སྙན་རྣམ་པར་དག་པ་མི་རྣམས་ཀྱི་ལས་འདས་པས་སྒྲ་གཉིས་པོ་མི་
D1.004.0031b06.01རྣམས་དང་། མི་མ་ཡིན་པ་རྣམས་ཀྱི་དང་། གང་དག་རིང་བ་དང་། གང་དག་ཉེ་བ་ཡང་གསན་ཏོ། །དེ་ནས་བྱང་ཆུབ་སེམས་དཔས་དགོངས་པ། བདུད་ཀྱི་འཁོར་འབྱུང་པོ་བྱེ་བ་ཕྲག་སུམ་བཅུ་རྩ་དྲུག་ལས་བདག་ལ་སུ་དག་ནི་གནོད་པར་སེམས། སུ་དག་ནི་མ་ཡིན་ཞེས་དེ་དག་ཇི་
D1.004.0031b07.01