完整藏文原文 · 德格版页 当前仅加载第 4 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་ལྔ་བརྒྱས་ཚུལ་ཤིང་བླངས་ཏེ་ལྷ་སྦྱིན་སྟན་ལས་ལངས་ཏེ་སོང་བའི་རྗེས་བཞིན་རྗེས་བཞིན་དུ་དགེ་སློང་ལྔ་བརྒྱ་འབྲང་ངོ་། །ཚེ་དང་ལྡན་པ་སྒྲ་ཅན་ཟིན་སྒོ་ན་འདུག་པ་དེས་དེ་དག་ལྷ་སྦྱིན་གྱི་རྗེས་བཞིན་རྗེས་བཞིན་དུ་འབྲང་བ་མཐོང་ནས་དེས་སྨྲས་པ། ཚེ་དང་ལྡན་པ་དག་
D1.004.0251a01.01ཅིའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤངས་ཏེ་སྡིག་པ་འདོད་པ་འདིའི་རྗེས་བཞིན་རྗེས་བཞིན་དུ་འབྲང་། དེ་རྣམས་ཀྱིས་སྨྲས་པ། ཚེ་དང་ལྡན་པ་སྒྲ་ཅན་ཟིན་མུ་གེའི་དགོན་པ་ཉམ་ང་བ་འདི་འདྲ་བ་བྱུང་བ་ན། བཅོམ་ལྡན་འདས་ནི་
D1.004.0251a02.01མི་སྣང་བ་ན་བཞུགས་ཏེ། བདག་ཅག་ལྷ་སྦྱིན་གྱི་མཐུས་སྲོག་དང་མ་བྲལ་མོད། གལ་ཏེ་ལྷ་སྦྱིན་གྱིས་ཟླ་བ་གསུམ་དུ་དགེ་སློང་གི་དགེ་འདུན་མ་གསོས་པར་གྱུར་ན། དགེ་སློང་གཅིག་ཀྱང་གསོན་པོར་མི་འགྱུར་རོ། །གང་གི་ཚེ་ལྷ་སྦྱིན་གྱིས་དེ་བཞིན་གཤེགས་པའི་ཉན་ཐོས་
D1.004.0251a03.01ཀྱི་དགེ་འདུན་མཐུན་པ་ཕྱེ་བ་དེའི་ཚེས་ཆེན་པོ་འདི་གཡོས་པར་གྱུར། སྐར་མདའ་ལྷུང་། ཕྱོགས་རྣམས་དམར་པོར་གྱུར། བར་སྣང་ལ་ལྷ་རྣམས་རྔའི་སྒྲ་འབྱིན་ངེས་པ་ལ་མ་ཞུགས་པ་རྣམས་ངེས་པ་ལ་མི་འཇུག །འབྲས་བུ་མི་འཐོབ། འདོད་ཆགས་དང་བྲལ་བར་མི་འགྱུར། ཟག་
D1.004.0251a04.01པ་རྣམས་ཟད་པར་མི་འགྱུར། ལུང་མི་འབོག །མི་ཀློག །མི་འདོན། མདོ་སྡེ་དང་། འདུལ་བ་དང་། ཆོས་མངོན་པ་འཛིན་པ་དང་། དགོན་པ་པ་རྣམས་མདོ་སྡེ་དང་། འདུལ་བ་དང་། ཆོས་མངོན་པ་དང་། དགོན་པ་སེམས་པ་ལ་རབ་ཏུ་སྦྱོར་བར་མི་བྱེད། ཉན་ཐོས་ཀྱི་བྱང་
D1.004.0251a05.01ཆུབ་ཀྱི་ས་བོན་སྐྱེད་པར་མི་བྱེད་ཅིང་། རང་སངས་རྒྱས་ཀྱི་བྱང་ཆུབ་ཀྱི་མ་ཡིན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་མ་ཡིན་ནོ། །ལྷ་དང་མིར་བཅས་པའི་འགྲོ་བ་ཡང་འཁྲུགས་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཆོས་ཀྱི་འཁོར་ལོ་རྒྱུན་ཆད་
D1.004.0251a06.01དེ། སེམས་ཅན་གྱི་རྒྱུད་ལ་མི་འབྱུང་ངོ་། །ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུས་བསམས་པ། ཅིའི་ཕྱིར་ས་ཆེན་པོ་འདི་གཡོས་པར་གྱུར་སྙམ་མོ། །དགྲ་བཅོམ་པ་རྣམས་ནི་མ་བསམས་པར་ཤེས་པ་མཐོང་བར་མི་འཇུག་པས་དེ་གཉིས་ཀྱིས་བསམ་པ་ལ་ཞུགས་ན། ལྷ་
D1.004.0251a07.01