完整藏文原文 · 德格版页 当前仅加载第 4 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་མཐོང་ཞིང་རེག་པར་འགྱུར། །དེ་ནས་ཚོང་པ་ག་གོན་དང་། བཟང་པོ་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་སྟེ་རྗེས་སུ་ཡི་རངས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་བཅོམ་ལྡན་འདས་ཀྱི་སྤྱན་སྔ་ནས་དོང་ངོ་། །
D1.004.0037a01.01དེ་ནས་བཅོམ་ལྡན་འདས་ཀྱིས་ཚོང་པ་ག་གོན་དང་། བཟང་པོ་ལ་བསོད་སྙོམས་བཞེས་ནས་ཆུ་ཀླུང་ནཻ་རཉྫ་ན་གང་ན་བ་དེར་གཤེགས་ཏེ་བྱོན་ནས་ཆུ་ཀླུང་ནཻ་རཉྫ་ནའི་འགྲམ་དུ་བཞུགས་ཏེ་ཞལ་ཟས་ཀྱི་བྱ་བ་མཛད་དོ། །དེ་ནས་སྦྲང་རྩི་ཡང་རླུང་སློང་ལ་ལྡེ་གུ་ཡང་རླུང་སློང་བས་དེས་བཅོམ་ལྡན་
D1.004.0037a02.01འདས་རླུང་ནད་ཀྱི་སྙུན་གྱིས་ཐེབས་སོ། །དེ་ནས་བདུད་སྡིག་ཅན་གྱིས་བཅོམ་ལྡན་འདས་རླུང་ནད་ཀྱི་སྙུན་གྱིས་ཐེབས་པར་རིག་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཡོངས་སུ་མྱ་ངན་ལས་འདའ་བའི་
D1.004.0037a03.01དུས་ལ་བབ་ལགས་སོ། །བདེ་བར་གཤེགས་པ་ཡོངས་སུ་མྱ་ངན་ལས་འདའ་བའི་དུས་ལ་བབ་ལགས་སོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། འདི་ལྟ་སྟེ་དཀྲུག་པའི་ལས་ཀྱི་ཕྱིར་བདུད་སྡིག་ཅན་འདི་ཉེ་བར་འོངས་སོ་སྙམ་དུ་དགོངས་ནས། བདུད་སྡིག་ཅན་ལ་འདི་སྐད་
D1.004.0037a04.01ཅེས་བཀའ་སྩལ་ཏོ། །སྡིག་ཅན་ཇི་སྲིད་ངའི་ཉན་ཐོས་མཁས་པ། གསལ་བ། ཡིད་གཞུངས་པ། ཕ་རོལ་གྱི་རྒོལ་བ་བྱུང་ཞིང་བྱུང་བ་རྣམས་ཆོས་བཞིན་གྱིས་ཚར་གཅོད་ནུས་པ། རང་གི་སྨྲ་བ་གསལ་བར་བྱེད་ནུས་པའི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་
D1.004.0037a05.01བསྙེན་མ་རྣམས་བྱུང་བར་མ་གྱུར་པ་དང་། ངའི་ཚངས་པར་སྤྱོད་པ་རྒྱ་ཆེན་པོ་སྐྱེ་བོ་མང་པོ་དང་ལྷ་དང་མིའི་བར་ལ་རྒྱ་ཆེར་ཡང་དག་པར་ལེགས་པར་རབ་ཏུ་མ་བསྟན་གྱི་བར་དུ་ང་ཡོངས་སུ་མྱ་ངན་ལས་མི་འདའོ། །དེ་ནས་བདུད་སྡིག་ཅན་འདི་སྙམ་དུ་སེམས་ཏེ། ཀྱེ་མའོ་དགེ་སྦྱོང་གཽ་ཏ་མ་ནི་ཡོངས་
D1.004.0037a06.01སུ་མྱ་ངན་ལས་མི་འདའོ། །སྙམ་དུ་བསམས་ནས་སྡུག་བསྔལ་ཞིང་ཡིད་མི་བདེ་ལ་འགྱོད་པས་དེ་ཉིད་དུ་མི་སྣང་བར་གྱུར་ཏོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བཅོམ་ལྡན་འདས་རླུང་ནད་ཀྱི་སྙུན་གྱིས་ཐེབས་པར་རིག་ནས་ཤིང་འཛམ་བུ་ཞེས་བྱ་བས་འཛམ་བུའི་གླིང་དུ་གདགས་པ་
D1.004.0037a07.01