'dul ba gzhi/
当前为德格木刻版 232a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 232a
- 可引用原文
- 7 行
- 全文规模
- 全经 17054 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 4 函 · 德格 232a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཏེ་ན་ཟོས་པའི་ལྷག་མ་སྟེར་རོ་སྙམ་ནས་དེས་དེ་ལ་ཚིགས་སུ་བཅད་དེ་བསྔགས་པ་སྨྲ་ངར་བརྩམས་པ། ཇི་ལྟར་ཁྱོད་ནི་སེང་གེའི་མགྲིན་པ་དང་། །ཇི་ལྟར་ཁྱུ་མཆོག་བཤུལ་དང་ལྡན་པ་ཡི། །{རི་དགས་,རི་དྭགས་}རྒྱལ་པོ་ཁྱོད་ལ་ཕྱག་འཚལ་ནས། །གསོལ་བའི་ཕམ་འབབས་ལས་ནི་ཐུགས་དཔག་མཛོད། །ཝས་བལྟས་ཏེ་སླར་ཚིགས་སུ་བཅད་པས་སྨྲས་པ། བྱ་ཡི་རབ་མཆོག་མཁའ་འགྲོ་བ། །ཕྱོགས་ཀུན་གསལ་བར་མཛད་ནས་ནི། །རིན་ཆེན་སྦྲམ་ལྟར་མཛེས་གྱུར་པ། །ཤིང་མཆོག་རྩེ་ལ་བཞུགས་འདི་གང་། །བྱ་རོག་གིས་སྨྲས་པ། སྐལ་ལྡན་
ཆེན་པོ་བལྟ་བའི་ཕྱིར། །ཁྱོད་ཀྱི་དྲུང་དུ་བདག་མཆིས་ཏེ། །{རི་དགས་,རི་དྭགས་}རྒྱལ་ཁྱོད་ཕྱག་འཚལ་ན། །གསོལ་བའི་ཕམ་འབབས་ཐུགས་དཔག་མཛོད། །ཝས་སྨྲས་པ། རྨ་བྱའི་མགྲིན་པ་ལྟ་བུ་ཡི། །ཕོ་རོག་བལྟ་ན་སྡུག་པ་ཁྱོད། །ཀུན་དགའ་བྱེད་པ་རྣམས་ཀྱི་གཙོ། །ཅི་བདེར་གསོལ་གྱིས་མར་སྤྱོན་ཅིག །དེ་བབས་ནས་ཝ་དང་ལྷན་ཅིག་མ་ནིང་གི་རོ་ལ་ཟ་བར་བྱེད་པ་དྲང་སྲོང་གིས་མཐོང་ནས་དེས་ཚིགས་སུ་བཅད་དེ་སྨྲས་པ། ལྗོན་ཤིང་ཐ་ཆད་གྲིབ་མ་ལ། །ངོ་ཚ་མེད་པ་འདུག་ནས་སུ། །ཐ་ཆད་རོ་ལ་ལོངས་སྤྱོད་པ། །ཨེ་མའོ་རིང་ཞིག་ལོན་ནས་
མཐོང་། །བྱ་རོག་གིས་ཐོས་ནས་དེ་མ་བཟོད་ནས་ཚིགས་སུ་བཅད་དེ་སྨྲས་པ། འདི་ལྟར་སེང་གེ་རྨ་བྱ་དག །དམ་པའི་ཤ་ལ་ལོངས་སྤྱོད་ན། །གཞན་གྱིས་བྱིན་པས་འཚོ་བ་ཡི། །སྤྱི་ཅེར་འདིར་ནི་ཅི་ཞིག་གཏོགས། །དྲང་སྲོང་དེ་ཡང་མི་བཟོད་པ་སྐྱེས་ནས་ཚིགས་སུ་བཅད་དེ་སྨྲས་པ། འདབ་ཆགས་ཐ་ཆད་བྱ་རོག་དང་། །རྐང་བཞི་ཐ་ཆད་ཝ་དང་ནི། །ལྗོན་ཤིང་ཐ་ཆད་ཨེ་རན་ད། །མི་ཡི་ཐ་ཆད་མ་ནིང་རོ། །ཞིང་གི་ཐ་ཆད་གྲུ་གསུམ་སྟེ། །ངོ་ཚ་མེད་རྣམས་འདུས་ལ་ལྟོས། །དེ་ནས་བྱ་རོག་ལྷག་པར་ཡང་མི་བཟོད་པ་སྐྱེས་ནས་དྲང་སྲོང་གི་མེ་ཁང་དུ་
ཞུགས་ཏེ་བལྟ་བར་བརྩམས་པ་ལས། ཅི་ཡང་མི་སྣང་ནས་རིལ་བ་སྤྱི་བླུགས་བཅག་སྟེ་བྲོས་སོ། །ཇི་ཙམ་ན་དྲང་སྲོང་དེ་མེ་ཁང་དུ་ཞུགས་ན་རིལ་བ་སྤྱི་བླུགས་ཆག་པ་མཐོང་ནས། དེས་བསམས་པ། འདི་ནི་བྱ་རོག་གདུག་པ་དེའི་ལས་ཀྱིས་བྱས་ཀྱི་གཞན་ནི་སུ་ཡང་མ་ཡིན་ནོ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D1
- 德格版页
- 232a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0001 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。