完整藏文原文 · 德格版页 当前仅加载第 4 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཡང་གནོད་སྦྱིན་སེར་སྐྱས་བསད་ལ་བདག་ཅག་ཀྱང་དེའི་ཕྱིར་གཙེས་པར་འོང་ན་དེ་ལ་ཇི་ལྟར་བསྒྲུབ་པར་བྱ། ཀླུའི་རྒྱལ་པོ་དེས་སྨྲས་པ། དོན་དེ་སྦྲུལ་ཁས་སྡིགས་རྣམས་ལ་རིག་པར་བྱའོ་ཞེས་དེ་རྣམས་ཀྱིས་སྦྲུལ་ཁས་སྡིགས་རྣམས་ལ་སྨྲས་པ། ཤེས་ལྡན་དག་གང་གི་ཕྱིར་བདག་ཅག་
D1.004.0235b01.01འཁྲུགས་པར་བྱས་པ་དེ་ནི་བདག་ཅག་གིས་ཐབས་ཀྱིས་བསད་པ་ཉིད་དེ་འདི་ལྟར་སེར་སྐྱའི་འབྲོག་ཏུ་བོར་རོ། །སྦྲུལ་ཁས་སྡིགས་རྣམས་ཀྱིས་དོན་དེ་རྒྱལ་པོ་ལ་སྨྲས་པ་དང་། རྒྱལ་པོས་སྨྲས་པ། གལ་ཏེ་དེ་ལྟ་ན་ཡང་འོན་ཀྱང་ཚོལ་ཅིག །དེ་སེར་སྐྱའི་འབྲོག་ན་ཕན་ཚུན་འཁྱམ་པར་
D1.004.0235b02.01བརྩམས་པ་ན་གནོད་སྦྱིན་སེར་སྐྱ་ཡང་ཕྱོགས་ཤིག་ན་ཁྱི་རྣམས་ཀྱིས་ཡོངས་སུ་བསྐོར་ཏེ་འདུག་གོ། །དེ་དང་ཁྱི་རྣམས་ཀྱིས་དེ་རྒྱང་རིང་པོ་ཁོ་ན་ནས་མཐོང་ནས་དེས་བསམས་པ། ཅི་འདིས་བདག་ཤི་བར་གྱུར་ཏོ་ཞེས་ཐོས་ནས་དེས་ན་དེ་འདིར་འོངས་སམ་སྙམ་མོ། །དེས་དེ་ལ་ཁྱི་
D1.004.0235b03.01རྣམས་སྦད་པ་ལས་དེ་བྲོས་ཏེ་ཤིང་ལྗོན་པ་ཞིག་ལ་འཛེགས་པ་དང་། ཁྱི་རྣམས་དང་། སེར་སྐྱས་ལྗོན་ཤིང་གི་དྲུང་དུ་བསྡད་དེ། སེར་སྐྱས་སྨྲས་པ། ཀྭའི་ནང་རྗེ་ཁྱོད་ཀྱི་སེར་སྐྱའི་འབྲོག་ན་མི་མ་ཡིན་པ་སེར་སྐྱ་ཞེས་བྱ་བ་གནས་ཏེ། དེར་སོང་བ་གང་ཡིན་པ་དེ་དེས་གསོད་
D1.004.0235b04.01པར་འགྱུར་རོ་ཞེས་མ་ཐོས་སམ། ཁྱོད་ཀྱི་དུས་ལ་བབ་ཀྱིས་བོབས་ཤིག །དེས་སྨྲས་པ། ཇི་སྲིད་འཚོ་བ་དེ་སྲིད་དུ་འདུག་གོ། །གནོད་སྦྱིན་སེར་སྐྱ་པུས་སྐྱུད་ཀྱིས་བཅིངས་ཏེ་སྒྲིམ་པས་འདུག་ནས་དེ་ཡུར་བ་ན་དེས་དེའི་སྟེང་དུ་གོས་ཤིག་བོར་རོ། །ཁྱི་རྣམས་ཀྱིས་བསམས་པ།
D1.004.0235b05.01འདི་ནི་མི་དེ་ཁོ་ན་ལྷུང་བ་ཡིན་ནོ་སྙམ་ནས་དེ་རྣམས་ཀྱིས་གནོད་སྦྱིན་སེར་སྐྱ་ཟོས་ནས་དོང་ངོ་། །དེ་ལྗོན་ཤིང་ལས་དལ་གྱིས་དལ་གྱིས་བབས་ཏེ་སོང་ནས་དེ་དེ་དང་དེ་ན་འཁོར་ཞིང་བསམས་པ། བདག་གི་ཞང་པོ་དྲང་སྲོང་རྣམས་ཀྱི་ནང་དུ་རབ་ཏུ་བྱུང་བ་ཞིག་ཡོད་ཀྱིས་དེའི་དྲུང་དུ་འགྲོའོ་
D1.004.0235b06.01སྙམ་ནས་དྲང་སྲོང་དེ་ལ་ཡང་རི་འོར་ཞིག་ན་སྐྱེད་མོས་ཚལ་རྩ་བ་དང་། མེ་ཏོག་དང་། འབྲས་བུ་དང་། ཆུ་ཕུན་སུམ་ཚོགས་པ་ཤིང་རྣམ་པ་སྣ་ཚོགས་ཚང་ཚིང་གིས་མཛེས་པར་བྱས་པ། བྱ་སྣ་ཚོགས་སྐད་འབྱིན་པ་ཞིག་ཡོད་དེ་དེ་རིམ་གྱིས་ཐོས་པ་གཅིག་ནས་གཅིག་ཏུ་བརྒྱུད་དེ་དེའི་
D1.004.0235b07.01