完整藏文原文 · 德格版页 当前仅加载第 4 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
རི་དེའི་ཕྱོགས་གཅིག་ན་དགེ་འདུན་གྱི་གཙུག་ལག་ཁང་ཡོད་པས་དེ་ནས་རྒྱལ་པོ་ཚངས་སྦྱིན་གྱིས་དེའི་པགས་པ་བླངས་ཏེ། ཡ་མཚན་གྱི་མིག་ཕྱེ་ནས་དོན་དེ་དགེ་སློང་གི་དགེ་འདུན་ལ་རིག་པར་བྱའོ་ཞེས་དགེ་འདུན་གྱི་གཙུག་ལག་ཁང་དེར་སོང་ནས་པགས་པ་
D1.004.0183a01.01དག་བཏིང་སྟེ། རྒན་པའི་མཐའ་ལོགས་སུ་འདུག་ནས་དགེ་འདུན་ལ་དོན་དེ་རྒྱས་པར་སྨྲས་སོ། །དེ་ན་གནས་བརྟན་དགྲ་བཅོམ་པ་ཞིག་ཡོད་པ་དེས་ཚིགས་སུ་བཅད་དེ། རྒྱལ་པོ་དེ་ལ་སྨྲས་པ། རྒྱལ་ཆེན་འདི་ནི་དོམ་མ་ལགས། །བྱང་ཆུབ་སེམས་དཔའ་གཟི་
D1.004.0183a02.01འཆང་སྟེ། །རྒྱལ་ཆེན་འཇིག་རྟེན་གསུམ་པོ་དང་། །ཁྱོད་ཀྱིས་ཀྱང་ནི་མཆོད་འོས་ལགས། །རྒྱལ་པོས་བསམས་པ། འདི་ལ་མཆོད་པ་བྱའོ་སྙམ་མོ་དགེ་སློང་རྣམས་ཀྱིས་སྨྲས་པ། ལྷ་འདི་ནི་བསྐལ་པ་བཟང་པོའི་བྱང་ཆུབ་སེམས་དཔའ་ལགས་ཀྱིས་འདི་ལ་མཆོད་
D1.004.0183a03.01པ་མཛོད་ཅིག །དེ་ནས་རྒྱལ་པོ་ཚངས་སྦྱིན་བཙུན་མོ་དང་། གཞོན་ནུ་དང་། བློན་པོ་དང་། གྲོང་མི་དང་། ཡུལ་མི་དང་བཅས་པས་དྲིའི་ཤིང་ཐམས་ཅད་བླངས་ཏེ། ཕྱོགས་དེར་དོང་ནས་དེའི་ཤ་དང་། ཀེང་རུས་ཐམས་ཅད་ཕུང་པོ་གཅིག་ཏུ་བྱས་ནས་སྨྲས་
D1.004.0183a04.01པ། ཤེས་ལྡན་དག་དྲིའི་ཤིང་ཐམས་ཅད་སྤུངས་ལ་སྤུངས་ཟིན་ནས་སྲེགས་ཤིག །དེ་དྲིའི་ཤིང་ཐམས་ཅད་ཀྱིས་སྤུངས་ཏེ་སྤུངས་ནས་བཀུར་སྟི་ཆེན་པོ་བྱས་ཏེ་བསྲེགས་ནས་ཕྱོགས་དེ་ཉིད་དུ་མཆོད་རྟེན་ཆེན་པོ་བྱེད་དུ་བཅུག་སྟེ། གདུགས་དང་། རྒྱལ་མཚན་དང་།
D1.004.0183a05.01བ་དན་བཏགས་ནས་དུས་མཆོད་ཆེན་པོ་བཙུགས་སོ། །དེ་ལ་བྱ་བ་བྱས་པ་གང་ཡིན་པ་དེ་ཐམས་ཅད་ཀྱང་མཐོ་རིས་སུ་གཞོལ་བར་གྱུར་ཏོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དོམ་གང་ཡིན་པ་དེ་ནི་ང་ཡིན་ནོ། །དེའི་ཚེ་དེའི་དུས་ཀྱི་མི་བྱས་པ་
D1.004.0183a06.01ཆུད་གཟོན་པ་གང་ཡིན་པ་དེ་ནི་ལྷ་སྦྱིན་འདི་ཉིད་ཡིན་ཏེ། དེ་ན་ཡང་འདི་བྱས་པ་མི་གཟོ་བ་དང་། བྱས་པ་མི་ཚོར་བ་ཡིན་ནོ། །ད་ལྟར་ཡང་འདི་བྱས་པ་མི་གཟོ་བ་དང་། བྱས་པ་མི་ཚོར་བ་ཡིན་ནོ། །གཞན་ཡང་ཇི་ལྟར་འདི་བྱས་པ་མི་གཟོ་བ་དང་། བྱས་པ་
D1.004.0183a07.01