完整藏文原文 · 德格版页 当前仅加载第 4 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཚེ་དང་ལྡན་པས་རྗོད་པའི་ཀུན་དུ་མ་བརྗོད་ཅིག །ཁྱེད་ལ་ཡུན་རིང་པོར་གནོད་པ་དང་ཕན་པ་མ་ཡིན་པ་དང་། སྡུག་བསྔལ་བར་འགྱུར་རོ། །དེ་ཅིའི་ཕྱིར་ཞེ་ན། དགེ་སློང་དག་གང་ལ་ལ་ལྷག་པར་ཡང་དེ་བཞིན་གཤེགས་པའི་མཚན་ནས་བརྗོད་པ་དང་།
D1.004.0042a01.01གདུང་ནས་བརྗོད་པ་དང་། ཚེ་དང་ལྡན་པས་རྗོད་པའི་ཀུན་དུ་བརྗོད་པ་དེ་ནི་སྐྱེས་བུ་བླུན་པོ་དེ་ལ་ཡུན་རིང་པོར་གནོད་པ་དང་། ཕན་པ་མ་ཡིན་པ་དང་། སྡུག་བསྔལ་བར་འགྱུར་རོ། །དེ་དག་གིས་འདི་སྐད་ཅེས་གསོལ་ཏོ། །ཚེ་དང་ལྡན་པ་གཽ་ཏ་མ་ཁྱོད་ཀྱིས་རེ་ཞིག་སྔོན་གྱི་ཚུལ་དང་། སྤྱོད་
D1.004.0042a02.01པ་དང་དཀའ་བ་སྤྱད་པ་དེས་མིའི་ཆོས་བླ་མ་འཕགས་པའི་ཁྱད་པར་ཐོབ་པར་ནུས་པའམ། ཤེས་པའམ། མཐོང་བའམ། རེག་པར་གནས་པ་ཅུང་ཟད་ཀྱང་མ་ཐོབ་ན། ད་ལྟ་ཁྱོད་མི་བརྟན་ཞིང་བྱ་བ་མང་ལ་མང་པོས་འཚོ་ཞིང་སྤོང་བ་ཉམས་པས་ད་ཁྱོད་འབྲས་ཆན་དང་། ཟན་དྲོན་དང་། ཁ་
D1.004.0042a03.01ཟས་ལ་མང་དུ་ཟ་ཞིང་ལུས་མར་སར་དང་ཏིལ་མར་གྱིས་བྱུགས་ནས་ཆུ་འཇམ་པོས་ལུས་ཁྲུས་བྱེད་པ་ལྟ་སྨོས་ཀྱང་ཅི་དགོས། དགེ་སློང་དག་ཁྱོད་ཀྱིས་དེ་བཞིན་གཤེགས་པའི་ཞལ་མདོག་དང་དབང་པོ་རྣམས་གསལ་བ་སྔོན་ལས་ཐ་དད་དུ་བྱ་བ་གཞན་ལྟ་མཐོང་ངམ། དེ་རྣམས་ཀྱིས་འདི་སྐད་
D1.004.0042a04.01ཅེས་གསོལ་ཏོ། །ཚེ་དང་ལྡན་པ་གཽ་ཏ་མ་དེ་དེ་བཞིན་ནོ། །དེ་ནས་བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་ལ་བཀའ་སྩལ་པ། དགེ་སློང་དག་རབ་ཏུ་བྱུང་བས་ནི་མཐའ་འདི་གཉིས་ལ་བརྟེན་པར་མི་བྱ། བསྙེན་པར་མི་བྱ། བསྙེན་བཀུར་མི་བྱ་སྟེ། གཉིས་གང་ཞེ་ན།
D1.004.0042a05.01འདོད་པ་རྣམས་ལ་འདོད་པའི་བསོད་སྙོམས་ཀྱི་རྗེས་སུ་བརྩོན་པ། དམན་པ། ངན་པ། ཐ་ཆད་མ་རབས་གང་ཡིན་པ་དང་། བདག་ཉིད་དུབ་པ་ལ་རྗེས་སུ་བརྩོན་པ། སྡུག་བསྔལ་བ། འཕགས་པ་མ་ཡིན་པ། གནོད་པ་དང་ལྡན་པ་གང་ཡིན་པའོ། །ཁྱེད་ཀྱིས་མཐའ་འདི་གཉིས་
D1.004.0042a06.01ལ་མི་བརྟེན་པར་དབུ་མའི་ལམ་མིག་བྱེད་པ། ཡེ་ཤེས་བྱེད་པ། ཉེ་བར་ཞི་བར་འགྱུར་བ། མངོན་པར་ཤེས་པ་དང་། རྫོགས་པར་བྱང་ཆུབ་པ་དང་། མྱ་ངན་ལས་འདས་པར་འགྱུར་བ་ཡོད་དེ། དབུ་མའི་ལམ་གང་ཞེ་ན། འཕགས་པའི་ལམ་ཡན་ལག་བརྒྱད་པ་འདི་ལྟ་སྟེ། ཡང་
D1.004.0042a07.01