'dul ba gzhi/
当前为德格木刻版 110b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 110b
- 可引用原文
- 7 行
- 全文规模
- 全经 17054 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 4 函 · 德格 110b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཏུ་བྱུང་སྟེ། དེ་རྣམས་དེ་ན་བསམ་གཏན་དང་། ཀློག་པ་དང་། རྣལ་འབྱོར་གྱིས་གནས་སོ། །ཇི་ཙམ་དུས་གཞན་ཞིག་ན་ཡང་དག་པར་རྫོགས་པའི་སངས་རྒྱས་འོད་སྲུང་གིས་སངས་རྒྱས་ཀྱི་མཛད་པ་མཐའ་དག་མཛད་ནས་ཤིང་ཟད་པའི་མེ་བཞིན་དུ་དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་སུ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །དེ་རྣམས་ལ་ལྷ་རྣམས་ཀྱིས་སྨྲས་པ། ཤེས་ལྡན་དག་ཡང་དག་པར་རྫོགས་པའི་སངས་རྒྱས་འོད་སྲུང་ཡོངས་སུ་མྱ་ངན་ལས་འདས་ཏེ། དེ་ཡོངས་སུ་མྱ་ངན་ལས་འདས་ནས་དེ་རིང་
དུ་ཞག་བདུན་ལོན་ཏེ། དེའི་བསྟན་པ་ཡང་ནུབ་ན་ཁྱེད་ཅག་འབྲས་བུ་མེད་པའི་སྦུན་པ་འབྲུ་ཞིང་འདུག་སྟེ། ཅི་རུང་ཞེས་བྱས་པ་ཐོས་ནས་བྱ་བ་མ་བྱས་པའི་སྡུག་བསྔལ་ཆེན་པོས་གདུངས་སོ། །དེ་ནས་ལྔ་ནི་ཐོས་མ་ཐག་ཏུ་རི་བོ་རིལ་བའི་དབྱིབས་ལས་བབས་ནས་བཱ་རཱ་ཎ་སཱིར་ཞུགས་སོ། །དྲུག་གིས་ནི་དེ་ཉིད་དུ་ཡིད་བྱུང་བས་བརྩོན་འགྲུས་བརྩམས་ནས་རང་བྱང་ཆུབ་མངོན་སུམ་དུ་བྱས་སོ། །ཕྱི་ནས་ལྔ་ཡང་བབས་ནས་བཱ་རཱ་ཎ་སཱི་ཉིད་དུ་འཇུག་པར་བརྩམས་པ་ན་ཇི་ཙམ་ན་ཤིང་རྟས་འཚོ་བའི་ཚོང་པ་དག་འགྲོ་བ་ན་ཤིང་རྟས་འཚོ་བ་ཅིག་གི་གླང་དག་ཉམ་ཆུང་བཞིན་དུ་དེ་དག་ལ་
དེས་ལྕག་གཟེར་བུ་ཅན་གྱིས་ཡང་ནས་ཡང་དུ་གཞུས་ཏེ། དེ་རྣམས་ཉམ་ཆུང་བས་ཤི་ལ་ཐུག་ཅིང་འགྲོ་མི་ནུས་བཞིན་དུ་ཤིང་རྟས་འཚོ་བའི་སྣ་ལ་འགྲོ་བ་དང་། དེ་ལ་དགེ་སློང་དེ་རྣམས་ཀྱིས་སྨྲས་པ། ཀྱེ་ཤིང་རྟས་འཚོ་བ་ཁྱོད་ཀྱི་གླང་ཉམ་ཆུང་བ་འདི་རྣམས་ལ་ལྕག་གཟེར་བུ་ཅན་གྱིས་ཡང་ནས་ཡང་དུ་གཞུས་ཏེ་ཅི་རུང་། གལ་ཏེ་འགྲོ་མི་ནུས་ན་དལ་བུས་འགྲོར་ཆུག་ལ་ཕྱི་ནས་སོང་ངོ་ཅོག །དེས་སྨྲས་པ། བདག་སྣ་ལ་ཤིང་རྟས་འཚོ་བའི་ཚོང་པ་དང་ལྷན་ཅིག་མཆི་མི་ནུས་ཞེས་གལ་ཏེ་བདག་ཕྱི་ནས་ཆས་ན་གདོན་མི་ཟ་བར་ཤིང་རྟས་འཚོ་བའི་ཚོང་པ་འདིས་བདག་
བོར་ནས་དོང་བར་འགྱུར་རོ། །དེ་རྣམས་ཀྱིས་ཤིང་རྟས་འཚོ་བ་དེ་ལས་བཟུར་བཟུར་ནས་མི་དགའ་སྟེ། གཅིག་ལ་གཅིག་སྨྲས་པ། ཤེས་ལྡན་དག་ཡང་དག་པར་རྫོགས་པའི་སངས་རྒྱས་འོད་སྲུང་ཡོངས་སུ་མྱ་ངན་ལས་འདས་ཏེ་བདག་ཅག་ལུས་ན་འདིས་ཀྱང་བདག་ཅག་ལ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D1
- 德格版页
- 110b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0001 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。