完整藏文原文 · 德格版页 当前仅加载第 4 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
རྩིས་ལྷུང་བཟེད་བཀང་ནས་བསྣམས་ཏེ་ཞེས་བརྗོད་པར་བྱའོ། །དེ་ནས་བཅོམ་ལྡན་འདས་ལྟེང་རྒྱས་ན་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་གྱིས་བཅོམ་ལྡན་འདས་ཀྱི་ཆེད་དུ་རང་ཉིད་ཀྱིས་གཡོས་བྱས་ནས་
D1.004.0062b01.01བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་གདུགས་ཚོད་ལགས་ཤིང་མཆིས་ན། དགེ་སྦྱོང་ཆེན་པོ་ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་སྔ་དྲོ་ན་བཟའ་ཤམ་ཐབས་མནབས་
D1.004.0062b02.01ལྷུང་བཟེད་དང་ཆོས་གོས་བསྣམས་ཏེ་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་གང་ན་བ་དེར་གཤེགས་ཏེ་བྱོན་ནས་གདན་བཤམས་པ་ཉིད་ལ་བཞུགས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་གྱིས་བཅོམ་ལྡན་འདས་བདེ་བར་བཞུགས་པར་རིག་ནས་གཙང་ཞིང་བསོད་པའི་
D1.004.0062b03.01བཟའ་བ་དང་བཅའ་བས་ལྷུང་བཟེད་བཀང་ནས་ཕུལ་ལོ། །དེ་ནས་བཅོམ་ལྡན་འདས་ཀྱིས་ལྟེང་རྒྱས་འོད་སྲུང་རལ་པ་ཅན་ལས་བསོད་སྙོམས་བཞེས་ནས་ཕྱོགས་གཞན་ཞིག་ཏུ་བཞུགས་ནས་ཞལ་ཟས་ཀྱི་བྱ་བ་མཛད་དོ། །དེ་ནས་བཅོམ་ལྡན་འདས་ལ་ཆུས་ཆུའི་དགོས་པ་ཞིག་བྱུང་
D1.004.0062b04.01ངོ་། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བཅོམ་ལྡན་འདས་ལ་ཆུས་ཆུའི་དགོས་པ་བྱུང་བར་ཤེས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་སྤྱན་སྔར་ལག་པས་ས་ལ་བསྣུན་པ་དང་། དེ་ནས་བཀོད་མ་ཆེན་པོ་ཞིག་བྱུང་སྟེ། ཆུ་བབ་
D1.004.0062b05.01པ་དེ་ལ་བཅོམ་ལྡན་འདས་ཀྱིས་ཆུས་ཆུའི་བྱ་བ་མཛད་དོ། །ལྟེང་རྒྱས་འོད་སྲུང་རལ་པ་ཅན་བསྟི་གནས་ན་འཆག་པ་ན་བཀོད་མ་ཆེན་པོ་བྱུང་སྟེ་ཆུ་བབ་པ་མཐོང་ངོ་། །མཐོང་ནས་ཀྱང་འདི་སྙམ་དུ་སེམས་ཏེ། ཆུ་འདི་སྔོན་ནི་མེད་ན་འདི་ད་ལྟར་གང་ནས་བབ་སྙམ་མོ། །དེ་ནས་ལྟེང་
D1.004.0062b06.01རྒྱས་འོད་སྲུང་རལ་པ་ཅན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་གསོལ། བདག་འདིར་བསྟི་གནས་ན་འཆག་པ་ན་བཀོད་མ་ཆེན་པོའི་ཆབ་ཅིག་མཐོང་ངོ་། །མཐོང་ནས་ཀྱང་འདི་
D1.004.0062b07.01