完整藏文原文 · 德格版页 当前仅加载第 4 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷུང་བཟེད་དང་ཆོས་གོས་བླངས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་སོ། །དགེ་སློང་རབ་ཏུ་མང་པོ་རྒྱལ་པོའི་ཁབ་ཏུ་བསོད་སྙོམས་སྤྱོད་པས་ལྷ་སྦྱིན་ལ་རྙེད་པ་དང་བཀུར་སྟི་འདི་ལྟ་བུ་དག་བྱུང་བར་གྱུར་ཏེ། མ་ག་དྷཱའི་རྒྱལ་པོ་ལུས་འཕགས་མའི་བུ་མ་སྐྱེས་དགྲས་ཤིང་རྟ་ལྔ་བརྒྱ་ཙམ་
D1.004.0160b01.01དང་ལྷན་ཅིག་སྔ་དྲོ་དང་ཕྱི་དྲོ་རིམ་གྲོ་བྱེད་དུ་འགྲོ་ཞིང་། དེ་ལ་གཡོས་ཀྱི་སྣ་རྫེའུ་ལྔ་བརྒྱ་ཙམ་ཡང་བཀད་ས་དང་བཀད་ས་དག་ཏུ་སྟོབས་པར་བྱེད་དོ། །ལྷ་སྦྱིན་ཡང་དགེ་སློང་ལྔ་བརྒྱ་ཙམ་དང་ལྷན་ཅིག་བཀད་སའི་གུང་ལ་འདུག་པར་བྱེད་དོ་ཞེས་ཐོས་སོ། །ཐོས་ནས་ཀྱང་རྒྱལ་པོའི་ཁབ་ཏུ་
D1.004.0160b02.01བསོད་སྙོམས་སྤྱད་དེ། ཟས་ཀྱི་བྱ་བ་བྱས་ཤིང་ཟས་ཕྱི་མའི་བསོད་སྙོམས་སྤངས་ནས་ཆོས་གོས་དང་ལྷུང་བཟེད་མཁོས་སུ་ཕབ་སྟེ་རྐང་པ་བཀྲུས་ནས་བཅོམ་ལྡན་འདས་གང་ན་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་
D1.004.0160b03.01ཏུ་འཁོད་དོ། །ཕྱོགས་གཅིག་ཏུ་འཁོད་ནས་བཅོམ་ལྡན་འདས་ལ་དགེ་སློང་རབ་ཏུ་མང་པོས་འདི་སྐད་ཅེས་གསོལ་ཏོ། །བཙུན་པ་འདིར་བདག་ཅག་དགེ་སློང་རབ་ཏུ་མང་པོ་སྔ་དྲོ་ཤམ་ཐབས་འཚལ་ལྷུང་བཟེད་དང་ཆོས་གོས་བླངས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་
D1.004.0160b04.01ནས་བཙུན་པ་བདག་ཅག་དགེ་སློང་རབ་ཏུ་མང་པོ་རྒྱལ་པོའི་ཁབ་ཏུ་བསོད་སྙོམས་སྤྱད་པ་ན། ལྷ་སྦྱིན་ལ་རྙེད་པ་དང་བཀུར་སྟི་འདི་ལྟ་བུ་དག་བྱུང་བར་གྱུར་ཏེ། མ་ག་དྷཱའི་རྒྱལ་པོ་ལུས་འཕགས་མའི་བུ་མ་སྐྱེས་དགྲས་ཤིང་རྟ་ལྔ་བརྒྱ་ཙམ་དང་ལྷན་ཅིག་སྔ་དྲོ་དང་ཕྱི་དྲོ་རིམ་གྲོ་བགྱིད་དུ་མཆི་ཞིང་། དེ་
D1.004.0160b05.01ལ་གཡོས་ཀྱི་སྣ་རྫེའུ་ལྔ་བརྒྱ་ཙམ་ཡང་བཀད་ས་དང་བཀད་ས་དག་ཏུ་སྟོབས་པར་བགྱིད་དོ། །ལྷ་སྦྱིན་ཡང་དགེ་སློང་ལྔ་བརྒྱ་ཙམ་དང་ལྷན་ཅིག་བཀད་སའི་གུང་ལ་མཆིས་པར་བགྱིད་དོ་ཞེས་ཐོས་ལགས་སོ། །དགེ་སློང་དག་ཁྱེད་ལྷ་སྦྱིན་གྱི་རྙེད་པ་དང་བཀུར་སྟི་ལ་དགའ་བར་མ་བྱེད་
D1.004.0160b06.01ཅིག །དེ་ཅིའི་ཕྱིར་ཞེ་ན། ལྷ་སྦྱིན་གྱི་རྙེད་པ་དང་བཀུར་སྟི་ནི་གསོད་པ་ཡིན་ནོ། །ལྷ་སྦྱིན་གྱི་རྙེད་པ་དང་བཀུར་སྟི་ནི་སྨད་པ་ཡིན་ནོ། །དགེ་སློང་དག་དཔེར་ན་ཆུ་ཤིང་གི་འབྲས་བུ་ཕྱུང་ནས་བརྙིས་པར་འགྱུར་ཞིང་། ཆུ་ཤིང་ནི་འབྲས་བུ་ཕྱུང་ནས་བསྐམས་པར་འགྱུར་བ་དེ་བཞིན་དུ་ལྷ་
D1.004.0160b07.01