完整藏文原文 · 德格版页 当前仅加载第 4 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
བསྟི་གནས་རྩ་བ་དང་། ལོ་མ་དང་། མེ་ཏོག་དང་། འབྲས་བུ་དང་། ཆུ་ཕུན་སུམ་ཚོགས་པ། ཤིང་སྣ་ཚོགས་ཀྱིས་མཛེས་པར་བྱས་པ། བྱའི་ཚོགས་དུ་མས་བསྟེན་པ་གཞན་ཞིག་ན་དྲང་སྲོང་ལྔ་བརྒྱའི་གཙོ་བོ་དྲང་སྲོང་ཞིག་གནས་སོ། །ཇི་ཙམ་ན་དྲང་སྲོང་གཞན་ཞིག་ལྗོངས་
D1.004.0255a01.01རྒྱུ་ཞིང་སོང་བ་ན་བསྟི་གནས་དེར་ཕྱིན་ན་དྲང་སྲོང་དེས་དེ་ལ་བཀུར་སྟི་ལེགས་པར་མ་བྱས་པས་དེ་མི་བཟོད་པ་སྐྱེས་ནས་དེའི་འཁོར་འབྱེད་པར་བྱེད་དེ། དྲང་སྲོང་སྡིག་པ་འདོད་པ་འདི་ཅུང་ཟད་ཀྱང་མི་ཤེས་ན་ཅི་སྟེ་དེའི་དྲུང་དུ་འདུག །ཚུར་ཁོ་བོ་དང་ལྷན་ཅིག་འདོང་ཁོ་བོས་ཁྱེད་མངོན་པར་ཤེས་པ་ལྔ་
D1.004.0255a02.01རྣམས་ལ་རབ་ཏུ་དགོད་དོ་ཞེས་དེས་དེ་རྣམས་ལ་ཕྱེ་བས་དྲང་སྲོང་དེའི་གདམས་ངག་ཉན་དུ་མི་བཏུབ་བོ། །དྲང་སྲོང་དེས་བསམས་པ། སྡིག་པ་བྱེད་པ་འདིས་བདག་གི་དྲང་སྲོང་འདི་རྣམས་ཕྱེའོ་སྙམ་ནས། དེས་དེ་ལ་བཞམས་ཏེ་སྨྲ་བར་བརྩམས་པ། ཚེ་དང་ལྡན་པ་འཁོར་འབྱེད་པར་མ་བྱེད་
D1.004.0255a03.01ཅིག །འདི་ནི་དྲང་སྲོང་གི་ཆོས་མ་ཡིན་ནོ། །འོན་ཀྱང་དེ་འབྱེད་བཞིན་ཏེ་འདུག་ཏུ་མ་བཏུབ་ནས་དྲང་སྲོང་དེ་ཡིད་མི་བདེ་ཞིང་ཐབས་ཅིག་སེམས་ཤིང་གནས་སོ། །སངས་རྒྱས་རྣམས་འབྱུང་བ་མེད་པ་ན་འཇིག་རྟེན་དུ་རང་སངས་རྒྱས་དམན་པ་དང་ངན་པ་ལ་སྙིང་བརྩེ་བ་ཅན། བས་མཐའི་
D1.004.0255a04.01གནས་མལ་ལ་དགའ་བ། འཇིག་རྟེན་གྱི་ཡོན་གནས་གཅིག་པུ་རྣམས་འབྱུང་བར་འགྱུར་པས། དེ་ནས་རང་སངས་རྒྱས་ཞིག་ལྗོངས་རྒྱུ་ཞིང་སོང་བ་ན་དྲང་སྲོང་དེའི་བསྟི་གནས་སུ་ཕྱིན་པ་དང་། དྲང་སྲོང་དེས་དེའི་ལུས་མཛེས་པ་དང་སྤྱོད་ལམ་ཞི་བ་མཐོང་ངོ་། །མཐོང་ནས་དེས་དེ་ལ་
D1.004.0255a05.01དད་པ་བསྐྱེད་ནས་དེས་དེ་ལ་བྱ་བ་བྱས་ཏེ་སྨོན་ལམ་ལོག་པར་བཏབ་པ། དྲང་སྲོང་སྡིག་ཅན་གང་ཡིན་པ་འདིས་བདག་གི་འཁོར་ཕྱེ་བས་བདག་གིས་འདི་ཤེས་བྱ་ཐམས་ཅད་ལ་དབང་ཐོབ་པ་ན་ཡང་འཁོར་འབྱེད་པར་བྱེད་པར་གྱུར་ཅིག་ཅེས་བྱས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་
D1.004.0255a06.01དེའི་དུས་ཀྱི་ལྗོངས་ཀྱི་དྲང་སྲོང་གང་གིས་དེའི་འཁོར་ཕྱེ་བ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་གཉུག་མར་གནས་པའི་དྲང་སྲོང་གང་ཡིན་པ་དེ་ནི་ལྷ་སྦྱིན་ཡིན་ཏེ། ངས་དེའི་འཁོར་ཕྱེ་བའི་ལས་ཀྱི་རྣམ་པར་སྨིན་པ་གང་ཡིན་པ་དེས་ན་སྨོན་ལམ་ལོག་པར་བཏབ་པས་འདིས་ངའི་དགེ་འདུན་ཕྱེ་བ་
D1.004.0255a07.01