完整藏文原文 · 德格版页 当前仅加载第 4 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
པ་གྲགས་པས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་མཆིས་འབྲང་གི་འཁོར་ན་མཆིས་ན་རང་གི་མཆིས་འབྲང་ལ་དུར་ཁྲོད་ཀྱི་འདུ་ཤེས་སྐྱེས་ཤིང་རྒྱན་ཐམས་ཅད་ཀྱིས་བརྒྱན་བཞིན་དུ་བཅོམ་ལྡན་འདས་ཀྱི་སྤྱན་སྔར་དགྲ་བཅོམ་པ་མངོན་སུམ་དུ་བགྱིས་ལགས།
D1.004.0050a01.01བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གྲགས་པ་འདི་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་ཏེ། འདི་ཉིད་ཀྱིས་ལས་བྱས་ཤིང་བསགས་པ་དག་
D1.004.0050a02.01གཞན་སུ་ཞིག་གིས་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར། འདི་ལྟར་ལས་དགེ་བ་དང་མི་དགེ་བ་བྱས་ཤིང་
D1.004.0050a03.01བསགས་པ་དག་ནི་ཟིན་པའི་ཕུང་པོ་དང་ཁམས་དང་། སྐྱེ་མཆེད་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། དགེ་སློང་དག་སྔོན་བྱུང་བ་བཱ་རཱ་ཎ་
D1.004.0050a04.01སཱིའི་གྲོང་ཁྱེར་དང་ཧ་ཅང་ཡང་མི་རིང་བ་ཞིག་ན་དྲང་སྲོང་བྱམས་པའི་བདག་ཉིད་སྙིང་རྗེ་ཅན་སེམས་ཅན་ཐམས་ཅད་ལ་ཕན་པར་སེམས་པ་ཞིག་གནས་པ་དེ་བསོད་སྙོམས་ལ་ཞུགས་པ་ན་མི་རོ་ཞིག་མཐོང་ནས། དེ་དེ་ལ་ཞེན་པའི་སེམས་ཀྱིས་བསོད་སྙོམས་ལ་ཞུགས་ཏེ། བསོད་སྙོམས་སྤྱད་ནས་
D1.004.0050a05.01སླར་ལོག་པ་དང་། ཇི་ཙམ་ན་མི་རོ་དེ་རྣམ་པར་སྡོས་ཤིང་རྣམ་པར་བམ་པར་འགྱུར་བ་བལྟས་པ་དང་། དེ་ཉིད་ཀྱི་མདུན་དུ་ཞིགས་ནས་དེས་དེ་ཉིད་དུ་འདོད་ཆགས་དང་བྲལ་བ་བསྐྱེད་དོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དྲང་སྲོང་གང་ཡིན་པ་དེ་ནི་གཞོན་ནུ་གྲགས་པ་འདི་ཉིད་
D1.004.0050a06.01ཡིན་ཏེ། འདིས་དེ་ན་འདོད་ཆགས་དང་བྲལ་བ་བསྐྱེད་དེ། དེས་ན་ད་ལྟར་ཆུང་མའི་ནང་ན་འདུག་པ་ན་རྐྱེན་རྙེད་པ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། གཅིག་ཏུ་དཀར་བ་རྣམས་ཀྱི་ནི་གཅིག་ཏུ་དཀར་བ་དང་
D1.004.0050a07.01