完整藏文原文 · 德格版页 当前仅加载第 4 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲོས་པར་གྱུར་ཏོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་བྲམ་ཟེའི་ཁྱེའུ་སྔ་མ་ཤོས་གང་ཡིན་པ་དེ་ནི་ལྷ་སྦྱིན་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་བྲམ་ཟེའི་ཁྱེའུ་ཕྱི་མ་ཤོས་གང་ཡིན་པ་དེ་ནི་ང་ཉིད་ཡིན་ནོ། །དེ་ན་ཡང་འདི་ང་ལ་མི་
D1.004.0238a01.01མཐུན་པར་གྱུར་ཏོ། །ད་ལྟར་ཡང་འདི་ང་དང་མི་མཐུན་པར་གྱུར་ཏོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །དེའི་ཚེ་རྒྱལ་པོ་མ་སྐྱེས་དགྲའི་གླང་པོ་ཆེ་གདུག་པ་ནོར་སྐྱོང་ཞེས་བྱ་བ་ཞིག་ཡོད་པ་དེ་ཉིན་རེ་ཞིང་ཁྱིམ་ནས་བྱུང་
D1.004.0238a02.01བ་ན་སྐྱེ་བོ་མང་པོ་ཁ་འདོག་པར་བྱེད་དོ། །རྒྱལ་པོའི་ཁབ་ན་གནས་པའི་སྐྱེ་བོའི་ཚོགས་ཀྱིས་རྒྱལ་པོ་མ་སྐྱེས་དགྲ་ལ་གསོལ་བ་བཏབ་པ། ལྷ་གླང་པོ་ཆེ་གདུག་པ་ནོར་སྐྱོང་གདུགས་རེ་ཞིང་གནས་ནས་བྱུང་བ་ན་ལམ་པོ་ཆེ་དང་། སྲང་དང་། བཞི་མདོ་དང་། སུམ་མདོ་རྣམས་སུ་སྐྱེ་བོ་མང་པོ་
D1.004.0238a03.01ཁ་འདོག་པར་བགྱིད་ཀྱིས། ལྷས་གླང་པོ་ཆེའི་འདུལ་མཁན་རྣམས་ལ་བཀའ་སྩལ་ཏེ་ཅི་ནས་གདུགས་རེ་ཞིང་མི་འབྱུང་བར་སང་ལྟ་བུ་འབྱིན་པ་ན་ཡང་དྲིལ་སྒྲོགས་སུ་སྩལ་བའི་རིགས་སོ། །རྒྱལ་པོས་སྨྲས་པ། དེ་བཞིན་དུ་བྱས་ཁྱེད་དེང་ཤིག །རྒྱལ་པོས་བློན་པོ་རྣམས་ལ་བསྒོ་
D1.004.0238a04.01བ། ཤེས་ལྡན་དག་གླང་པོ་ཆེའི་འདུལ་མཁན་རྣམས་ཁུག་ཤིག །དེ་རྣམས་ཀྱིས་གླང་པོ་ཆེའི་འདུལ་མཁན་རྣམས་བཀུག་པ་དང་། རྒྱལ་པོས་སྨྲས་པ། ཤེས་ལྡན་དག་རྒྱལ་པོའི་ཁབ་ན་གནས་པའི་སྐྱེ་བོའི་ཚོགས་ཀྱིས་ང་ལ་གསོལ་བ། གླང་པོ་ཆེ་གདུག་པ་ནོར་སྐྱོང་
D1.004.0238a05.01གདུགས་རེ་ཞིང་གནས་ནས་བྱུང་བ་ན་ལམ་པོ་ཆེ་དང་སྲང་དང་བཞི་མདོ་དང་སུམ་མདོ་རྣམས་སུ་སྐྱེ་བོ་མང་པོ་ཁ་འདོག་པར་བགྱིད་ཀྱིས། ལྷས་གླང་པོ་ཆེ་འདུལ་མཁན་རྣམས་ལ་བཀའ་སྩལ་ཏེ། ཅི་ནས་གདུགས་རེ་ཞིང་མི་དབྱུང་བར་སང་ལྟ་བུ་འབྱིན་པ་ན་ཡང་དྲིལ་སྒྲོགས་སུ་སྩལ་བའི་རིགས་
D1.004.0238a06.01སོ་ཞེས་གསོལ་གྱིས། ཁྱེད་ཀྱིས་དེ་ཉིན་རེ་ཞིང་མ་དབྱུང་བར་སང་ལྟ་བུ་འབྱིན་པ་ན་ཡང་དྲིལ་སྒྲོགས་ཤིག །ལྷ་བཀའ་བཞིན་འཚལ་ཞེས་གླང་པོ་ཆེའི་འདུལ་མཁན་རྣམས་ཀྱིས་རྒྱལ་པོ་མ་སྐྱེས་དགྲ་ལས་མཉན་ནས་རྐང་པ་ལ་གཏུགས་ཏེ་དོང་ངོ་། །རྒྱལ་པོའི་ཁབ་ན་ཁྱིམ་བདག་ཕྱུག་
D1.004.0238a07.01