完整藏文原文 · 德格版页 当前仅加载第 4 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཏེ། ལྷ་སྦྱིན་ནི་བཅོམ་ལྡན་འདས་བགྲོངས་པའི་ཕྱིར་ཕ་རོལ་གནོན་པ་བྱེད་དོ་སྙམ་དུ་བསམས་ནས། གནོད་སྦྱིན་ཀུམ་བིར་གང་ན་བ་དེར་སོང་སྟེ་ཕྱིན་པ་དང་། གནོད་སྦྱིན་ཀུམ་བི་ར་ལ་འདི་སྐད་ཅེས་སྨྲས་སོ། །ལྷ་སྦྱིན་ནི་བྱ་རྒོད་ཀྱི་ཕུང་པོའི་རི་ལ་སྒྱོགས་
D1.004.0224a01.01ཀྱིས་བཅོམ་ལྡན་འདས་ལ་རྡོ་བ་འཕེན་པར་རྩོམ་ལ། བཅོམ་ལྡན་འདས་ནི་ཁྱོད་ཀྱི་གནས་ན་བཞུགས་ན། དེ་ལ་ཁོ་བོས་འབད་དེ་རྡོ་བ་བར་སྣང་ལ་རྡོ་རྗེས་ཕྱེ་མར་བརླག་ན་གལ་ཏེ་ཕྱེ་མར་བརླགས་པའི་དུམ་བུས་བཅོམ་ལྡན་འདས་ཀྱི་སྟེང་དུ་འབབ་པར་འགྱུར་གྱིས། ཁྱོད་ཀྱིས་
D1.004.0224a02.01གྲོགས་གྱིས་ཤིག །དེས་སྨྲས་པ། བདག་བཀའ་བཞིན་འཚལ་བཅོམ་ལྡན་འདས་ཀྱིས་ནི་བླ་གབ་མེད་པ་ན་བཞུགས་བཞུགས་ནས་རིའི་ཕུག་ཏུ་གཤེགས་སོ། །ལྷ་སྦྱིན་འཁོར་ལྔ་བརྒྱ་པོས་སྒྱོགས་དྲངས་ཏེ་བཅོམ་ལྡན་འདས་ལ་རྡོ་བ་འཕངས་སོ། །གནོད་སྦྱིན་ལག་ན་རྡོ་རྗེའི་
D1.004.0224a03.01རྡོ་རྗེས་ཕྱེ་མར་བྱས་པ་ལས་དེའི་ཕྱེད་བཅོམ་ལྡན་འདས་ཀྱི་གནས་སུ་ལྷུང་ངུ་ཆ་བ་གནོད་སྦྱིན་ཀུམ་བི་རས་ལེགས་པར་མ་ཟིན་པ་དེས་བསད་ནས་རྡོ་བའི་དུམ་བུ་ཡར་བ་ཞིག་གིས་བཅོམ་ལྡན་འདས་ཀྱི་ཞབས་ལ་རྨ་བྱུང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་
D1.004.0224a04.01སྩལ་པ། གང་དུ་གནས་ན་ལས་ཀྱིས་མི་རྫི་བའི། །ས་ཕྱོགས་དེ་ནི་ཡོད་པ་མ་ཡིན་ཏེ། །བར་སྣང་ཉིད་མིན་རྒྱ་མཚོའི་ནང་མིན་ཞིང་། །རི་བོའི་ཕུག་ཏུ་ཞུགས་པའང་མ་ཡིན་ནོ། །གནོད་སྦྱིན་ཀུམ་བི་ར་ཡང་དགེ་བའི་སེམས་ཀྱིས་ཤི་སྟེ་ཤི་ནས་སུམ་བཅུ་རྩ་གསུམ་པའི་ལྷ་གྱ་ནོམ་པ་
D1.004.0224a05.01རྣམས་ཀྱི་ནང་དུ་སྐྱེས་སོ། །ཆོས་ཉིད་ཀྱིས་ལྷའི་བུའམ་ལྷའི་བུ་མོ་ནི་སྐྱེས་ནས་རིང་པོ་མ་ལོན་པར་སེམས་གསུམ་སྐྱེ་བར་འགྱུར་ཏེ། གང་ནས་ཤི་འཕོས་པ་དང་། གང་དུ་སྐྱེས་པ་དང་། ལས་གང་གིས་ཡིན་པའོ། །དེས་གནོད་སྦྱིན་ལས་ཤི་འཕོས་པ་དང་། སུམ་བཅུ་རྩ་གསུམ་
D1.004.0224a06.01པའི་ལྷ་གྱ་ནོམ་པ་རྣམས་ཀྱི་ནང་དུ་སྐྱེས་པ་དང་། བཅོམ་ལྡན་འདས་ལ་སེམས་མངོན་པར་དད་པར་བྱས་པ་ཡིན་པར་མཐོང་སྟེ། དེ་ནས་སྔོན་གནོད་སྦྱིན་བྱེད་བྱེད་པའི་ལྷའི་བུ་འདི་སྙམ་དུ་སེམས་ཏེ། ཞག་ལོན་ནས་བཅོམ་ལྡན་འདས་ལ་བལྟ་བའི་ཕྱིར་འགྲོ་བ་ནི་བདག་གི་ཆ་མ་ཡིན་གྱིས།
D1.004.0224a07.01