完整藏文原文 · 德格版页 当前仅加载第 4 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
ན་དགེ་འདུན་བྱེ་བར་མི་འགྱུར་ཏེ། རེ་ཞིག་དང་པོར་སངས་རྒྱས་འཇིག་རྟེན་དུ་འབྱུང་བའི་ཚེ་དགེ་འདུན་བྱེ་བར་མི་འགྱུར་ཏེ། ཀྱེ་མའོ་གྲོགས་པོ་དག་སངས་རྒྱས་འཇིག་རྟེན་དུ་འབྱུང་ཞེས་གྲག་གོ་ཞེས་བྱ་བའི་འཇིག་རྟེན་དེ་ལ་ཕྱོགས་པས་སོ། །སྟོན་པ་ཡོངས་སུ་མྱ་ངན་
D1.004.0250a01.01ལས་འདས་ནས་དགེ་འདུན་བྱེ་བར་མི་འགྱུར་ཏེ། གང་ལ་ལ་ཞིག་འདི་སྐད་དུ་ང་ཉིད་སྟོན་པ་ཡིན་ནོ་ཞེས་ཟེར་ན་དེ་ལ་གང་གི་ཚེ་བཅོམ་ལྡན་འདས་ཞལ་བཞུགས་ཤིང་འཚོ་ལ་གཞེས་པ་དེའི་ཚེ་ཁྱོད་གར་སོང་ཞེས་བརྗོད་པར་ཟད་པས་སོ། །ལྟ་བའི་ཉེས་པ་དང་། ཚུལ་ཁྲིམས་
D1.004.0250a02.01ཀྱི་ཉེས་པ་མ་བྱུང་བའི་ཚེ་དང་། ཉན་ཐོས་ཟུང་མཆོག་ཏུ་མ་བསྟན་པ་དེའི་ཚེ་དགེ་འདུན་བྱེ་བར་མི་འགྱུར་ཏེ། དེ་ཅིའི་ཕྱིར་ཞེ་ན། དགེ་འདུན་བྱེ་བ་གདོན་མི་ཟ་བར་ཉན་ཐོས་ཟུང་གིས་སྡུམ་པར་བྱེད་པས་སོ། །མཚམས་མ་བཅད་པ་ན་དགེ་འདུན་བྱེ་བར་མི་འགྱུར་ཏེ། དེ་ཅིའི་ཕྱིར་
D1.004.0250a03.01ཞེ་ན། མཚམས་ཀྱི་ནང་དུ་དགེ་འདུན་འབྱེད་པར་འགྱུར་གྱི་མཚམས་ཀྱི་ཕྱི་རོལ་དུ་ནི་མ་ཡིན་ནོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ངའི་དགེ་སློང་གི་དགེ་འདུན་སྐྱོན་མེད་པ་ལས་ཚུལ་ཁྲིམས་ཀྱི་སྐྱོན་དང་ལྟ་བའི་སྐྱོན་གྱི་སྐྱོན་བྱུང་སྟེ། ཚུལ་ཁྲིམས་ཀྱི་སྐྱོན་ནི་ཀ་
D1.004.0250a04.01ལན་ད་ཀའི་བུ་བཟང་བྱིན་ལས་བྱུང་ངོ་། །ལྟ་བའི་སྐྱོན་ཡང་དགེ་སློང་འཆི་ལྟས་ཀྱིས་ཕྱུང་བས་གདོན་མི་ཟ་བར་ལྷ་སྦྱིན་གྱིས་དགེ་འདུན་འབྱེད་པར་འགྱུར་གྱིས། མ་ལ་ང་རྒྱལ་པོའི་ཁབ་ཏུ་དབྱར་བཞུགས་པར་དམ་བཅའོ་སྙམ་མོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། སློབ་
D1.004.0250a05.01པ་དང་མི་སློབ་པའི་གང་ཟག་རྣམས་དང་། ཐབས་ཅིག་རྒྱལ་པོའི་ཁབ་ཏུ་གཤེགས་ན། ལྷ་སྦྱིན་གྱིས་དགེ་འདུན་གྱི་དབྱེན་བྱ་བར་མི་ནུས་ཀྱིས། མ་ལ་ང་སོ་སོའི་སྐྱེ་བོའི་དགེ་བའི་གང་ཟག་རྣམས་དང་ཐབས་ཅིག་འགྲོའོ་སྙམ་སྟེ། མཉན་ཡོད་དུ་ཇི་ཙམ་བཞེད་ཀྱི་བར་དུ་
D1.004.0250a06.01བཞུགས་ནས་རིམ་གྲོ་བྱེད་པ་ཚེ་དང་ལྡན་པ་སྒྲ་ཅན་ཟིན་དང་། དགེ་སློང་ལྔ་བརྒྱ་དང་ཐབས་ཅིག་ཏུ་རྒྱལ་པོའི་ཁབ་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་ན་རྒྱལ་པོའི་ཁབ་ཏུ་བྱོན་ཏོ།། །།འདུལ་བ་གཞི། བམ་པོ་བརྒྱ་རྩ་ལྔ་པ། སངས་རྒྱས་
D1.004.0250a07.01