完整藏文原文 · 德格版页 当前仅加载第 4 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་དྲང་སྲོང་དེ་ཁྲོ་བའི་ཀུན་ནས་དཀྲིས་པས་སྨྲས་པ། རྒྱལ་པོ་ཁྱོད་ནི་ཕུང་ཀྲོལ་སྤྱོད་པ་ངན་པ་ཞིག་སྟེ། དེས་ན་{རི་དགས་,རི་དྭགས་}ང་ལ་སྐྱབས་སུ་འོངས་པ་བསད་དོ་ཞེས་དེ་སྐད་ཅེས་སྨྲས་པ་དང་། རྒྱལ་པོ་དེ་ཞེ་སྡང་གི་ཀུན་ནས་དཀྲིས་པ་ལ་ཞེན་པའི་བློས་བློན་པོ་རྣམས་
D1.004.0226a01.01ལ་སྨྲས་པ། ཤེས་ལྡན་དག་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ལ་ཁ་ཚས་ཟེར་བ་གང་ཡིན་པ་དེ་ལ་ཆད་པ་ཅི་བཅད་བློན་པོ་རྣམས་ཀྱིས་སྨྲས་པ། ལྷ་ཆད་པས་དགུམ་ལགས་མོད། རྒྱལ་པོས་སྨྲས་པ། གལ་ཏེ་དེ་ལྟ་ན་དྲང་སྲོང་འདི་ངས་ཡོངས་སུ་སྤངས་སོ། །
D1.004.0226a02.01བློན་པོ་རྣམས་ཀྱིས་དྲང་སྲོང་གསད་པར་བརྩམས་པ་ན་སྟེས་དབང་གིས་རྔོན་པ་དེ་ཡང་དྲང་སྲོང་དེའི་ཉེན་འཁོར་ན་འདུག་ནས་དེས་བསམས་པ། བདག་གསོན་བཞིན་དུ་དྲང་སྲོང་ཅིའི་ཕྱིར་གསོད་དུ་གཞུག་སྙམ་ནས། དེས་གཡུལ་འགྱེད་པར་བརྩམས་པ་ན་དྲང་སྲོང་བྲོས་ནས། དཔུང་
D1.004.0226a03.01ཆེན་པོའི་ཚོགས་ཀྱིས་དེ་བསད་དོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དྲང་སྲོང་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་རྔོན་པ་གང་ཡིན་པ་དེ་ནི་གནོད་སྦྱིན་ཀུམ་བི་ར་འདི་ཉིད་ཡིན་ཏེ། དེ་ན་ཡང་འདིས་
D1.004.0226a04.01ངའི་ཕྱིར་བདག་ཉིད་ཡོངས་སུ་བཏང་ངོ་། །ད་ལྟར་ཡང་འདིས་ངའི་ཕྱིར་བདག་ཉིད་ཡོངས་སུ་བཏང་ངོ་། །བཅོམ་ལྡན་འདས་ཀྱི་ཞབས་ལ་རྡོ་བའི་དུམ་བུས་རྨ་བྱུང་བ་ཁྲག་འཆད་དུ་མ་བཏུབ་ནས་དེ་བཞིན་དུ་འཛག་གོ། །སྨན་པའི་རྒྱལ་པོ་འཚོ་བྱེད་བཅོམ་ལྡན་འདས་ཀྱི་སྙུན་
D1.004.0226a05.01བརྟག་པའི་ཕྱིར་དུས་གསུམ་དུ་སྤྱན་སྔར་འགྲོའོ། །རྒྱལ་པོའི་ཁབ་ན་གནས་པའི་སྐྱེ་བོའི་ཚོགས་དད་པ་ཅན་དང་། ཡུལ་སྣ་ཚོགས་ནས་ལྷགས་པའི་ཡང་དག་པའི་ལྟ་བ་དང་ལྡན་པ་ནོར་ཅན་དང་། ཚོང་དཔོན་དང་། དེད་དཔོན་རྣམས་ཀྱང་འོངས་ཏེ། དེ་ན་ཁ་ཅིག་
D1.004.0226a06.01གིས་སྨྲས་པ། འཚོ་བྱེད་སྨན་འདི་ནི་དེ་ལ་བཟང་ངོ་། །གཞན་དག་གིས་སྨྲས་པ། འདི་ནི་དེ་བས་ཀྱང་བཟང་ངོ་། །སྨན་པའི་རྒྱལ་པོ་འཚོ་བྱེད་ཀྱིས་སྨྲས་པ། འདི་ལ་མོད་ལ་གདངས་པར་འགྱུར་བའི་སྨན་ཡོད་མོད་ཀྱི་དེ་ནི་རྙེད་པར་དཀའོ། །ཚེ་དང་ལྡན་པ་ཀུན་
D1.004.0226a07.01