完整藏文原文 · 德格版页 当前仅加载第 4 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་ནས་དངངས་ཏེ་སྒྲ་ཆེན་པོ་བྱུང་ནས་རལ་གྲིས་བསད་དོ། །དེ་ནས་རྒྱལ་པོ་ཡང་དངངས་ཏེ་སད་ནས་སྨྲས་པ། འདི་ཅི་བྱུང་། བུད་མེད་དེས་སྨྲས་པ། ལྷ་སྦྲུལ་གདུག་པ་འདི་ལྷ་ལ་གཟུང་བའི་ཕྱིར་ཆས་པ་ན་བྱ་ཀ་ལན་ད་ཀ་རྣམས་ཀྱིས་ཙི་ཙིའི་སྒྲ་ཕྱུང་ནས་བདག་
D1.004.0078a01.01གིས་བཀུམ་ལགས་སོ། །རྒྱལ་པོའི་གནས་སྐབས་དེ་གཞོན་ནུ་དང་། བློན་པོ་དང་། ཁྲོམ་གྱི་རུ་པ་དང་། རྒྱལ་པོའི་ཁབ་ན་གནས་པའི་སྐྱེ་བོའི་ཚོགས་རྣམས་ཀྱིས་ཐོས་ནས་སྐྱེད་མོས་ཚལ་དེའི་ཕྱི་ནང་དུ་ཀུ་ཅོའི་སྒྲ་ཆེན་པོས་གང་བར་གྱུར་ཏེ། རྒྱལ་པོ་དེ་སྐྱེ་དགུ་ལ་བྱམས་པ་
D1.004.0078a02.01ཞིག་པས་ཕྱིར་ཞིང་བཙུན་མོ་སྐྱེ་བོའི་ཚོགས་དང་བཅས་ཏེ་མིག་མཆི་མས་གང་ཞིང་འཁོད་དོ། །དེ་ནས་རྒྱལ་པོས་སྨྲས་པ། ཤེས་ལྡན་དག་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ལ་སྲོག་སྐྱོབ་པ་དེ་ལ་མཆོག་ཅི་ཞིག་སྦྱིན། སྐྱེ་བོའི་ཚོགས་ཀྱིས་སྨྲས་པ། ལྷ་རྒྱལ་སྲིད་
D1.004.0078a03.01ཀྱི་ཕྱེད་དོ། །རྒྱལ་པོས་སྨྲས་པ། ཤེས་ལྡན་དག་བྱ་ཀ་ལན་ད་ཀ་རྣམས་ཀྱིས་ངའི་སྲོག་བྱིན་པས་རྒྱལ་སྲིད་ཕྱེད་འདི་དག་ལ་སྦྱིན་ནོ། །བློན་པོ་རྣམས་ཀྱིས་སྨྲས་པ། ལྷ་བྱ་འདི་དག་ནི་དུད་འགྲོའི་སྐྱེ་གནས་སུ་སོང་བ་ལགས་པས་རྒྱལ་སྲིད་ཕྱེད་ཀྱིས་འདི་དག་ལ་ཅི་བགྱི། འདི་དག་
D1.004.0078a04.01འོད་མའི་ཚལ་གང་དུ་གནས་པ་དེར་འདི་དག་གི་གནས་བཅའོ། །རྒྱལ་པོས་སྨྲས་པ། དེ་བཞིན་དུ་གྱིས་ཤིག །སྐྱེད་མོས་ཚལ་དེ་འོད་མའི་ཚལ་གྱིས་ཡོངས་སུ་བསྐོར་ཏེ། བློན་པོ་རྣམས་ཀྱིས་དེ་རྣམས་ཀྱི་གནས་འོད་མའི་ཚལ་གྱི་ཉེ་འཁོར་དུ་བཅས་པས། དེ་འོད་མའི་ཚལ་བྱ་ཀ་
D1.004.0078a05.01ལན་ད་ཀ་གནས་པ་ཞེས་བྱ་བར་གྱུར་ཏོ། །རྒྱལ་པོ་གཟུགས་ཅན་སྙིང་པོའི་ཞང་པོ་ཀུན་དུ་འཚོ་རྣམས་ཀྱི་ནང་དུ་རབ་ཏུ་བྱུང་ནས་དེས་སྐྱེད་མོས་ཚལ་དེ་དེའི་གནས་ཀྱི་ཕྱིར་བྱིན་ནོ། །ཇི་ཙམ་ན་བཅོམ་ལྡན་འདས་མ་ག་དྷཱ་ནས་ལྗོངས་རྒྱུ་ཞིང་གཤེགས་པ་དང་རྒྱལ་པོའི་ཁབ་ཏུ་བྱོན་ནས་ཤིང་
D1.004.0078a06.01ཞིག་གི་དྲུང་ན་བཞུགས་སོ། །མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་བཅོམ་ལྡན་འདས་མ་ག་དྷཱ་ནས་ལྗོངས་རྒྱུ་ཞིང་གཤེགས་པ་ན་རྒྱལ་པོའི་ཁབ་ཏུ་བྱོན་ནས་ཤིང་ཞིག་གི་དྲུང་དུ་བཞུགས་སོ་ཞེས་ཐོས་སོ། །ཐོས་ནས་ཀྱང་རྒྱལ་པོའི་འབྱོར་བ་ཆེན་པོ་དང་རྒྱལ་པོའི་མཐུ་
D1.004.0078a07.01