完整藏文原文 · 德格版页 当前仅加载第 4 函德格 231b 版页；藏文 NFD、目录标记与异常页序保留在来源切片中，重复版页行以稳定序号区分。
གང་གི་ཕྱིར་བཅོམ་ལྡན་འདས་རབ་ཏུ་བྱུང་བ་དེ་ལ་ཡང་ཕ་རོལ་གནོན་པས་སྟེང་དུ་རྡོ་བ་འཕེན་ནོ་ཞེས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་པ་དང་། ཀོ་ཀ་ལི་ཀ་དང་། ཁན་ད་དྲབ་བྱ་དང་། ཀ་ཏི་མོ་ར་ཀ་ཏི་ཥྱ་དང་། རྒྱ་མཚོས་བྱིན་རྣམས་ཀྱིས་སྨྲས་པ།
D1.004.0231b01.01ཤེས་ལྡན་དག་མ་བརྟགས་པར་བྱུང་རྒྱལ་དུ་ཅི་བརྡོལ། ལྷ་སྦྱིན་ཤིང་ཆེ་གེ་མོ་ཞེས་བྱ་བའི་དྲུང་ན་བསམ་གཏན་བཞི་པ་ལ་སྙོམས་པར་ཞུགས་པ་མ་མཐོང་ངམ། བདག་ཉིད་ཆེན་པོ་དེ་དེ་ལྟ་བུ་བྱེད་པར་ག་ལ་འགྱུར། དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་
D1.004.0231b02.01པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཀོ་ཀ་ལི་ཀ་དང་། ཁན་ད་དྲབ་བྱ་དང་། ཀ་ཏི་མོ་ར་ཀ་ཏི་ཥྱ་དང་། རྒྱ་མཚོས་བྱིན་རྣམས་བདག་ཉིད་ངོ་ཚ་མ་མཆིས་པས་ལྷ་སྦྱིན་ངོ་ཚ་མ་མཆིས་པའི་བསྔགས་པ་སྒྲོགས་པ་ལ་གཟིགས། བཅོམ་ལྡན་འདས་ཀྱིས་
D1.004.0231b03.01བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པ་ན་ཡང་ངོ་ཚ་མེད་པ་འདིས་ངོ་ཚ་མེད་པའི་བསྔགས་པ་སྨྲས་པ་དེ་ཉོན་ཅིག །དགེ་སློང་དག་སྔོན་བྱུང་བ་རྒྱལ་པོའི་ཁབ་ཀྱི་མི་རྣམས་དང་རྒྱལ་པོས་དགོས་པ་འགའ་ཞིག་གི་ཕྱིར་ཁྲིམས་སུ་
D1.004.0231b04.01བཅས་པ། དུར་ཁྲོད་གཉིས་བཤམས་ལ་གཅིག་ཏུ་ནི་སྐྱེས་པ་རྣམས་དོར་བར་བྱའོ། །གཅིག་ཏུ་ནི་བུད་མེད་རྣམས་སོ་ཞེས་བཅས་སོ། །ཇི་ཙམ་དུས་གཞན་ཞིག་ན་མ་ནིང་ཞིག་ཤི་ནས་དེ་དུར་ཁྲོད་གཅིག་ཏུ་ཡང་གནས་སྐབས་མ་རྙེད་ཅིང་གཉིས་པར་ཡང་མ་རྙེད་དོ། །རྒྱལ་པོའི་ཁབ་
D1.004.0231b05.01ཀྱི་ཕྱོགས་ཞིག་ན་སྐྱེད་མོས་ཚལ་རྩ་བ་དང་འབྲས་བུ་དང་མེ་ཏོག་ཕུན་སུམ་ཚོགས་པ། བྱ་སྣ་ཚོགས་སྐད་འབྱིན་པ་ཞིག་ཡོད་དེ། དེ་ན་དྲང་སྲོང་སྤྱི་ཅེར་ཆུ་དང་རྩ་བ་དང་འབྲས་བུ་ལ་ལོངས་སྤྱོད་པ། པགས་པ་དང་། ཤིང་ཤུན་གྱོན་པ་ཞིག་གནས་སོ། །ཕྱོགས་དེ་ན་ཡང་ཞིང་གྲུ་
D1.004.0231b06.01གསུམ་ཞིག་ལ་ཤིང་ཨེ་རན་ད་ཞིག་སྐྱེས་ནས་མ་ནིང་གི་རོ་དེ་དེར་བོར་རོ། །རོའི་དྲི་ཚོར་ནས་ཝ་ཞིག་འོངས་ཏེ་དེས་མ་ནིང་གི་རོ་དེ་ལ་བཟའ་བར་བརྩམས་སོ། །བྱ་རོག་གཅིག་ཀྱང་ཤིང་ཨེ་རན་དའི་ཁ་ན་ཚང་བཅས་ཏེ་འདུག་གོ། །དེའི་བློ་སྐྱེས་ནས་ཝ་ལ་བསྔགས་པ་སྨྲས་པ་དང་། གལ་
D1.004.0231b07.01