完整藏文原文 · 德格版页 当前仅加载第 4 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
དྲིལ་སྒྲོགས་སུ་ཆུག་སྟེ། ལྷ་ཉིད་ཀྱིས་བཀའ་སྩལ་པ། ངའི་ཡུལ་ན་གནས་པ་སུས་ཀྱང་ཆུ་ན་རྒྱུ་བའི་འདབ་ཆགས་རྣམས་མ་གསད་ཅིག་ཅེས་སྒྲོགས་ཤིག །དེ་རྣམས་ཀྱིས་དྲིལ་བསྒྲགས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ངང་པའི་དཔོན་པོ་བཞིན་རྒྱས་གང་ཡིན་
D1.004.0243b01.01པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་དེའི་ཆུང་མ་གང་ཡིན་པ་དེ་ནི་ཀུན་དགའ་བོ་ཡིན་ནོ། །ངང་པ་གཅིག་གིས་ལྔ་བརྒྱར་མ་ཚང་བ་གང་ཡིན་པ་དེ་ནི་དགེ་སློང་ལྔ་བརྒྱར་གཅིག་གིས་མ་ཚང་བ་འདི་དག་ཉིད་ཡིན་ཏེ། དེ་ན་ཡང་འདི་རྣམས་ངང་པར་གྱུར་པ་ན་ད་ཡོངས་སུ་བཏང་སྟེ། ཀུན་
D1.004.0243b02.01དགའ་བོ་ངང་པར་གྱུར་པས་ནི་ང་ཡོངས་སུ་མ་བཏང་ངོ་། །ད་ལྟར་ཡང་ང་འདི་དག་གིས་ཡོངས་སུ་བཏང་གི་དགེ་སློང་ཀུན་དགའ་བོས་ནི་ཡོངས་སུ་མ་བཏང་ངོ་། །དགེ་སློང་དག་གཞན་ཡང་ཇི་ལྟར་འདི་དག་གིས་ང་ཡོངས་སུ་བཏང་ན་དགེ་སློང་ཀུན་དགའ་བོས་ཡོངས་སུ་མ་བཏང་བ་དེ་ཉོན་ཅིག །དགེ་
D1.004.0243b03.01སློང་དག་སྔོན་བྱུང་བ་གྲོང་ཁྱེར་བཱ་རཱ་ཎ་སཱི་ན་རྒྱལ་པོ་གང་རྒྱངས་ཅན་ཞེས་བྱ་བ་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་སྐྱེ་བོའི་ཚོགས་དང་མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ། །དེ་ལ་བློན་པོ་ལྔ་བརྒྱ་ཡོད་དེ། དེ་རྣམས་ཀྱི་མཐུས་མཚམས་ཀྱི་རྒྱལ་པོ་
D1.004.0243b04.01རྣམས་ཀྱིས་ཟིལ་གྱིས་མི་ནོན་ཏོ། །ཇི་ཙམ་ན་ལྷོ་ཕྱོགས་ཀྱི་ལམ་ནས་བྱ་མ་བུམ་གྱི་དབྱུག་གུ་ཅན་ཞེས་བྱ་བ་དམག་སྟོང་ཐུབ་པ་ཞིག་འོངས་ནས། དེ་བློན་པོ་གཞན་ཞིག་གིས་རྒྱལ་པོ་ལ་ཕུལ་ཏེ། ལྷ་བྱ་མ་བུམ་གྱི་དབྱུག་གུ་ཅན་ཞེས་བགྱི་བ་དམག་སྟོང་ཐུབ་པ་འདི་ལྷའི་སླད་དུ་ལྷོ་ཕྱོགས་ཀྱི་ཤུལ་
D1.004.0243b05.01ནས་མཆིས་ཀྱིས། ལྷས་འདི་ཡོངས་སུ་བཟུང་བའི་རིགས་སོ། །རྒྱལ་པོས་དེ་ཡོངས་སུ་བཟུང་ནས་ལོངས་སྤྱོད་ཀྱི་བགོ་བཤའ་ཡང་བྱས་སོ། །ཇི་ཙམ་དུས་གཞན་ཞིག་ན་རྒྱལ་པོ་གང་རྒྱངས་ཅན་གྱི་ཡུལ་གཞན་གྱི་རྒྱལ་པོ་རྣམས་མཐུ་དང་དཔུང་ཆེན་པོར་གྱུར་ཏོ། །དེ་རྣམས་དཔུང་གི་
D1.004.0243b06.01ཚོགས་ཡན་ལག་བཞི་པོ་གླང་པོ་ཆེ་བའི་ཚོགས་དང་། རྟ་པའི་ཚོགས་དང་། ཤིང་རྟ་པའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ནས་རྒྱལ་པོ་གད་རྒྱངས་ཅན་དང་གཡུལ་སྤྲད་པའི་ཕྱིར་འོངས་སོ། །རྒྱལ་པོ་གད་རྒྱངས་ཅན་གྱིས་ཀྱང་དཔུང་གི་ཚོགས་ཡན་ལག་བཞི་པོ་གླང་པོ་ཆེ་
D1.004.0243b07.01