完整藏文原文 · 德格版页 当前仅加载第 4 函德格 33b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟར་དེ་ན་བཅོམ་ལྡན་འདས་བྱང་ཆུབ་མངོན་པར་རྫོགས་པར་སངས་རྒྱས་ཏེ། བྱ་བ་བྱས། བྱེད་པ་བྱས་ནས་མེའི་ཁམས་ལ་སྙོམས་པར་ཞུགས་སོ། །གང་གི་ཚེ་བྱང་ཆུབ་སེམས་དཔས་བདུད་ཀྱི་འཁོར་འབྱུང་པོ་བྱེ་བ་ཕྲག་སུམ་བཅུ་རྩ་དྲུག་བྱམས་པའི་མཚོན་གྱིས་མངོན་དུ་བཅོམ་
D1.004.0033b01.01ནས་བླ་ན་མེད་པའི་ཡེ་ཤེས་བརྙེས་པའི་ཚེ་བདུད་སྡིག་ཅན་གྱིས་གནས་གཞུ་ལྷུང་། རྒྱལ་མཚན་འགྱེལ། གནས་ཀྱང་གཡོས་སོ། །དེ་ནས་བདུད་སྡིག་ཅན་འབྱུང་པོའི་འཁོར་བྱེ་བ་ཕྲག་སུམ་བཅུ་རྩ་དྲུག་སྡུག་བསྔལ་ཞིང་ཡིད་མི་བདེ་བ་ཡིད་ལ་བཅགས་ཏེ་དེ་ཉིད་དུ་མི་སྣང་བར་གྱུར་ཏོ། །
D1.004.0033b02.01བདུད་ཀྱི་རིས་ཀྱི་ལྷ་རྣམས་ཀྱིས་གྲོང་ཁྱེར་སེར་སྐྱའི་གཞིར་བྱང་ཆུབ་སེམས་དཔའ་ཤཱཀྱ་ཐུབ་པ་ནི་དཀའ་བ་ལོ་དྲུག་སྤྱད་ནས་རྡོ་རྗེའི་གདན་ལ་འཛེགས་ཏེ་རྩྭའི་གདིང་བ་ལ་གྲོངས་སོ་ཞེས་བསྒྲགས་པ་གང་ཡིན་པ་དེ་རྒྱལ་པོ་ཟས་གཙང་བཙུན་མོ་དང་། གཞོན་ནུ་དང་། བློན་པོའི་ཚོགས་དང་། གྲོང་
D1.004.0033b03.01ཁྱེར་སེར་སྐྱ་ན་གནས་པའི་སྐྱེ་བོའི་ཚོགས་དང་བཅས་པས་ཐོས་ནས་སྡུག་བསྔལ་ཆེན་པོ་དང་ཡིད་མི་བདེ་བས་གདུངས་པར་གྱུར་ཏོ། །ས་འཚོ་མ་དང་། {རི་དགས་,རི་དྭགས་}སྐྱེས་དང་། གྲགས་འཛིན་མ་ཡང་བྱང་ཆུབ་སེམས་དཔའི་ཡོན་ཏན་རྗེས་སུ་དྲན་ནས་བརྒྱལ་ཏེ་ས་ལ་འགྱེལ་ནས་ཆུས་
D1.004.0033b04.01གཏོར་བ་ལས་སླར་དབུགས་བྱུང་ངོ་། །བཙུན་མོའི་སྤྲོ་བསྲིང་བའི་སྐྱེ་བོ་དག་ནི་མིག་མཆི་མས་གང་ལ་མྱུར་བ་མྱུར་བར་དབུགས་བརྫགས་ཤིང་དལ་བུས་དལ་བུས་སྨྲེ་སྔགས་འདོན་ཅིང་འདུག་གོ། །དེ་དག་སྡུག་བསྔལ་བ་སངས་རྒྱས་ལ་མངོན་པར་དད་པའི་ལྷ་དགའ་བ་སྐྱེས་པ་
D1.004.0033b05.01རྣམས་ཀྱིས་མཐོང་ནས་བྱང་ཆུབ་སེམས་དཔའ་ཤཱཀྱ་ཐུབ་པ་མ་ནོངས་ཏེ། འདི་ལྟར་དེས་བླ་ན་མེད་པའི་ཡེ་ཤེས་བསྙེས་སོ་ཞེས་སྨྲས་པ་གང་ཡིན་པ་རྒྱལ་པོ་ཟས་གཙང་འཁོར་དང་བཅས་པ་དང་། སེར་སྐྱའི་སྐྱེ་བོའི་ཚོགས་ཀྱིས་ཐོས་ནས་མཆོག་ཏུ་དགའ་བ་སྐྱེས་སོ། །བཅོམ་
D1.004.0033b06.01ལྡན་འདས་ཀྱིས་བླ་ན་མེད་པའི་ཡེ་ཤེས་བརྙེས་པ་ན་གྲགས་འཛིན་མ་ལ་ཡང་ཁྱེའུ་ཞིག་བཙས་སོ། །བདུད་རྩི་ཟས་ཀྱི་ཡང་ཁྱེའུ་ཞིག་བཙས་སོ། །ཟླ་བ་ཡང་སྒྲ་ཅན་གྱིས་ཟིན་ཏོ། །དེ་ནས་རྒྱལ་པོ་ཟས་གཙང་གིས་ཕུན་སུམ་ཚོགས་པ་དེ་མཐོང་ནས། དགའ་བ་དང་། མགུ་
D1.004.0033b07.01