完整藏文原文 · 德格版页 当前仅加载第 4 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
དོར་གྱིས་ཤིག །རྩྭ་དང་ཆས་དག་སྟ་གོན་གྱིས་ཤིག་ཅེས་སྤྲིང་བ་དེ་རྣམས་ཀྱིས་ཐོས་ནས་ཤིན་ཏུ་དགའ་བར་གྱུར་པ་དང་ཡང་ཡི་གེ་སྤྲིང་བ། ཤེས་ལྡན་དག་རྒྱལ་པོ་ནི་མི་གཤེགས་མོད་ཀྱི་གཞོན་ནུ་གཤེགས་པར་འགྱུར་རོ་ཞེས་སྤྲིང་བ་དང་། དེ་རྣམས་སྐྲག་སྟེ་
D1.004.0204a01.01གཞོན་ནུ་གཏུམ་པོ་ལན་འགའ་ཞིག་འོངས་ན་ཡང་གནོད་པར་འགྱུར་རོ་སྙམ་ནས་ཡང་སྤྲིང་བ། རྒྱལ་པོ་ཡང་མི་གཤེགས་གཞོན་ནུ་ཡང་མི་གཤེགས་ཏེ། དེ་ལྟ་མོད་ཀྱི་ཁྱེད་ཀྱིས་གང་གཱ་ཇི་ལྟར་རྒྱུན་ལས་བཟློག་ཕྱོགས་སུ་འབབ་པ་དེ་ལྟར་གགས་རྩིགས་ཤིག་ཅེས་སྤྲིང་བ་ཐོས་ནས་ཙམ་
D1.004.0204a02.01པ་ན་གནས་པའི་གྲོང་ཁྱེར་གྱི་མི་རྣམས་འདུས་ནས་ཤེས་ལྡན་དག་གདོན་མི་ཟ་བར་རྒྱལ་པོ་ནི་བདག་ཅག་ལ་ཆད་པ་གཅད་པར་བཞེད་པས་དེས་ན་ཡི་གེ་འདི་སྐད་སྤྲིང་མོད་ཅེས་དེ་རྣམས་ཀྱིས་བློན་པོ་རྣམས་ལ་དོན་དེ་སྤྲིང་བ་དང་། དེ་རྣམས་ཀྱིས་བླགས་ཏེ་ཡང་དྲང་པོར་སྤྲིང་བ། ཤེས་ལྡན་དག་
D1.004.0204a03.01འདི་ནི་བདེན་པ་ཡིན་ཏེ། རྒྱལ་པོ་དང་གཞོན་ནུ་ཡང་མི་གཤེགས་ལ། གང་གཱ་གགས་བརྩིག་པ་ཡང་དགོས་པ་ཅུང་ཟད་ཀྱང་མེད་དོ། །དེ་ལྟ་མོད་ཀྱི་ལྷ་ནི་གྲུ་འཛིན་གྱི་བུ་བལྟ་བར་བཞེད་དོ་ཞེས་སྤྲིང་བ་དང་། དེ་རྣམས་ཀྱིས་ཉན་རྣ་བའི་མི་ཞིག་མངགས་སོ། །དེས་ཀྱང་དེ་བཞིན་དུ་བསྙད་དོ། །
D1.004.0204a04.01དེ་ནས་དེ་རྣམས་འདུས་ནས་ཁྱིམ་བདག་གྲུ་འཛིན་གྱི་དྲུང་དུ་སོང་ནས་ཁྱིམ་བདག་ལྷ་གྲོ་བཞིན་སྐྱེས་བྱེ་བ་ཉི་ཤུ་པ་བལྟ་བར་བཞེད་ནས་བློན་པོ་རྣམས་ཀྱིས་བདག་ལ་དྲང་པོར་སྤྲིང་སྟེ། ཉན་རྣ་བའི་མིས་ཀྱང་དོན་དེ་ཉིད་སྨྲས་ན། འདི་ཐོང་ཤིག །དེས་སྨྲས་པ། ཤེས་ལྡན་དག་ཁོ་བོའི་གགས་
D1.004.0204a05.01ཀྱི་སྐལ་བ་གང་ཡིན་པ་གསེར་གྱི་གོང་བུས་རྩིག་ཀྱང་བླའི་མི་བཏང་ངོ་། །དེ་རྣམས་ཀྱིས་སྨྲས་པ། ཁྱིམ་བདག་གལ་ཏེ་དེ་ལྟ་ཡིན་དུ་ཟིན་ཀྱང་མ་འོངས་པའི་སྐྱེ་བོ་རྣམས་ལ་སྙིང་བརྩེ་བར་གྱིས་ཤིག་དེས་སྨྲས་པ། ཤེས་ལྡན་དག་གལ་ཏེ་དེ་ལྟ་ན་དམ་ཞིག་བཅའ་སྟེ། གལ་ཏེ་ཁྱེད་
D1.004.0204a06.01ཅག་གི་བུ་རྣམས་ཀྱང་གྲོ་བཞིན་སྐྱེས་དང་ལྷན་ཅིག་གཏོང་བ་ལྟ་ན་བཏང་ངོ་། །དེ་རྣམས་ཀྱིས་སྨྲས་པ། ཁྱིམ་བདག་དེ་བཞིན་དུ་བགྱིའོ། །འོ་ན་ཤེས་ལྡན་དག་{དིང་,དེང་}ཤིག །ཁྱིམ་བདག་གྲུ་འཛིན་གྲོ་བཞིན་སྐྱེས་བྱེ་བ་ཉི་ཤུ་པ་གང་ན་བ་དེར་སོང་སྟེ་ཕྱིན་ནས་གྲོ་བཞིན་སྐྱེས་བྱེ་བ་ཉི་ཤུ་པ་
D1.004.0204a07.01