完整藏文原文 · 德格版页 当前仅加载第 4 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་བཀའ་ལ་སྤོབས་པ་དང་ལྡན་པར་འགྱུར་རོ། །འདི་དག་ནི་བཀའ་ལ་སྤོབས་པ་དང་ལྡན་པར་མི་འགྱུར་རོ། །བཟའ་བ་དང་བཅའ་བ་འདི་ནི་བཅོམ་ལྡན་འདས་ལ་བདེ་བ་སྐྱེད་པར་འགྱུར་རོ། །འདི་ནི་བདེ་བ་སྐྱེད་པ་མ་ཡིན་ནོ་ཞེས་ཤེས་པ་གང་ཡིན་པ་འདི་ནི་མཽད་གལ་གྱི་བུ་དགེ་
D1.004.0154b01.01སློང་ཀུན་དགའ་བོའི་ངོ་མཚར་རྨད་དུ་བྱུང་བའི་ཆོས་ཡིན་ནོ། །མཽད་གལ་གྱི་བུ་ལེགས་སོ་ལེགས་སོ། །དགེ་སློང་ཀུན་དགའ་བོ་ནི་མཁས་པ་ཡིན་ནོ། །དེ་སེམས་ཀྱི་རྣམ་གྲངས་ལ་མཁས་པ་ཡིན་ཏེ། དེ་བཞིན་གཤེགས་པ་ཕྱི་མ་ནང་དུ་ཡང་དག་འཇོག་ལས་བཞེངས་པ་
D1.004.0154b02.01མཚན་མ་འམ་གསུང་བསྟན་པས་ཤེས་པར་འགྱུར་ཞིང་བདེ་བའི་གནས་པ་འདི་དང་འདིས་བཅོམ་ལྡན་འདས་མང་དུ་བཞུགས་སོ། །གནས་པ་འདི་དང་འདིས་བདེ་བར་གཤེགས་པ་མང་དུ་བཞུགས་སོ་ཞེས་སྟོན་པར་འདོད་ན་ཇི་སྐད་བསྟན་པ་དེ་དག་ཐམས་ཅད་དེ་བཞིན་དུ་འགྱུར་ཏེ།
D1.004.0154b03.01གཞན་དུ་མི་འགྱུར་བ་གང་ཡིན་པ་འདི་ནི་མཽད་གལ་གྱི་བུ་དགེ་སློང་ཀུན་དགའ་བོའི་རྨད་དུ་བྱུང་བའི་ཆོས་ཡིན་ཏེ། དེས་དེ་བཞིན་གཤེགས་པའི་རིམ་གྲོ་བྱས་ན་ཐུགས་ལ་མི་འཐད་པ་མ་ཡིན་གྱི་ཐུགས་ལ་འཐད་པ་དང་། བཀའ་སྩལ་པ་འཛིན་པ་དང་། རང་གི་དོན་ཡང་ཉམས་པར་མི་
D1.004.0154b04.01འགྱུར་རོ། །མཽད་གལ་གྱི་བུ་དེ་བཞིན་གཤེགས་པའི་རིམ་གྲོ་དགེ་སློང་ཀུན་དགའ་བོས་བྱས་ན་ཐུགས་ལ་མི་འཐད་པ་མ་ཡིན་གྱི་ཐུགས་ལ་འཐད་པ་དང་། བཀའ་སྩལ་པ་འཛིན་པ་དང་། རང་གི་དོན་ཡང་ཉམས་པར་མི་འགྱུར་བ་གང་ཡིན་པ་འདི་ནི་དགེ་སློང་ཀུན་དགའ་བོའི་རྨད་དུ་
D1.004.0154b05.01བྱུང་བའི་ཆོས་ཡིན་ནོ། །གང་གི་ཚེ་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་གཉིས་ཀྱིས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་རིམ་གྲོ་བར་སྤྲོ་བ་བསྐྱེད་པ་ན། བཅོམ་ལྡན་འདས་ཀྱིས་རྗེས་སུ་བསྔགས་པ་མཛད་པ་དེའི་ཚེ་དགེ་སློང་རྣམས་ཐེ་ཚོམ་སྐྱེས་ནས་
D1.004.0154b06.01ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཀུན་དགའ་བོས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་བཅོམ་ལྡན་འདས་ཀྱི་མཆེད་དུ་གྱུར་ཅིང་ཐོས་པ་མང་བ་དང་། ཐོས་པ་འཛིན་པ་དང་། ཐོས་པ་བསགས་པའི་
D1.004.0154b07.01