完整藏文原文 · 德格版页 当前仅加载第 4 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཕལ་པ་རྣམས་ལ་ཡང་བསྙེན་བཀུར་བགྱིད་པར་འགྱུར་བ་ལྟ་ཞིག །ཁྱེད་ཀྱིས་སྤངས་ཏེ་གསོན་པ་བས་ནི་འགུམ་མི་བསྡོའོ། །ཤཱཀྱའི་རྒྱལ་པོ་བཟང་ལྡན་གྱིས་སྨྲས་པ། ཉེ་བ་འཁོར་ཁྱོད་ཀྱིས་ཇོ་བོ་ལ་སྙིང་ཉེ་བའི་མཉེས་པར་བྱ་བ་བསྟན་ཟིན་ཏེ། ཆོག་གིས་མྱ་ངན་མ་
D1.004.0105b01.01བྱེད་ཅིག །ངས་ཇི་ལྟར་མི་ཕལ་པ་རྣམས་ལ་བསྙེན་བཀུར་བྱེད་པར་མི་འགྱུར་བ་དེ་ལྟར་བྱའོ་ཞེས་སྨྲས་ནས་དེས་ཕྱོགས་གཅིག་ཏུ་རས་ཞིག་བཏིང་ནས་ཤཱཀྱ་གཞོན་ནུ་རྣམས་ལ་སྨྲས་པ། ཤེས་ལྡན་གཞོན་ནུ་དག་ཉོན་ཅིག །འབྲེག་མཁན་ཉེ་བ་འཁོར་འདིས་བདག་ཅག་ལ་བཀུར་
D1.004.0105b02.01སྟི་བྱས་ལ་བདག་ཅག་ཀྱང་སླར་ཁྱིམ་དུ་མི་གནས་ཀྱིས་རྒྱན་རྣམས་དེའི་འཚོ་བའི་རྐྱེན་དུ་རས་ཀྱི་སྟེང་དུ་ཞོག་ཤིག །དེ་རྣམས་ཀྱིས་སེ་མོ་དོ་དང་། དོ་ཤལ་དང་། མགུལ་རྒྱན་དང་། གདུ་བུ་དང་། དཔུང་རྒྱན་དང་། རྣ་རྒྱན་ལ་སོགས་པ་རིན་པོ་ཆེ་སྣ་ཚོགས་ཀྱིས་བརྒྱན་པའི་རྒྱན་
D1.004.0105b03.01ཁྱད་པར་ཅན་རྣམས་ཀྱིས་རས་ཀྱི་སྟེང་དུ་ཕུང་པོ་ཆེན་པོར་སྤུངས་སོ། །ཉེ་བ་འཁོར་གྱིས་དེ་རྣམས་མཐར་གྱིས་སྐྲ་བྲེགས་ཏེ་དེ་རྣམས་ཁྲུས་ལ་དོང་བ་དང་། དེས་བསམས་པ། རེ་ཞིག་གཞོན་ནུ་འདི་དག་རིགས་དང་། འབྱོར་པ་དང་། ལང་ཚོ་ལ་བབ་ཅིང་ཆུང་མ་དང་ལྡན་ལ། མཛོད་
D1.004.0105b04.01དང་བང་མཛོད་ཀྱིས་རྒྱས་པ་ཡང་སྤངས་ནས་རབ་ཏུ་འབྱུང་ན། བདག་རྒྱན་འདི་ཙམ་ལ་ཆགས་པ་ནི་ཚུལ་མ་ཡིན་པས་སྡུག་བསྔལ་བར་འགྱུར་རོ། །གལ་ཏེ་བདག་རིགས་ངན་དུ་མ་སྐྱེས་ན་བདག་ཀྱང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་ཆུ་བོ་ལས་རྒལ་བ་
D1.004.0105b05.01དང་། སྦྱོར་བ་ལས་ཡང་དག་པར་འདའ་བར་བྱ་བའི་ཕྱིར་བརྩལ་བ་དང་འབད་པ་ལ་བརྩོན་པར་བྱ་བ་ཞིག་སྙམ་མོ། །འདི་ནི་ཆོས་ཉིད་ཡིན་ཏེ། ཇི་ལྟར་སངས་རྒྱས་བཅོམ་ལྡན་འདས་རྣམས་ཉིན་ལན་གསུམ་མཚན་ལན་གསུམ་སངས་རྒྱས་ཀྱི་སྤྱན་གྱིས་འཇིག་རྟེན་ལ་
D1.004.0105b06.01གཟིགས་པ་དེ་བཞིན་དུ་ཉན་ཐོས་ཆེན་པོ་རྣམས་ཀྱང་བྱེད་པས་ཚེ་དང་ལྡན་པ་ཤཱ་རིའི་བུས་འབྲེག་མཁན་ཉེ་བ་འཁོར་ལྷག་པར་སྐྱོ་བ་སྐྱེས་པར་མཐོང་ངོ་། །མཐོང་ནས་ཀྱང་འབྲེག་མཁན་ཉེ་བ་འཁོར་གང་ན་བ་དེར་སོང་སྟེ་ཕྱིན་ནས་འབྲེག་མཁན་ཉེ་བ་འཁོར་ལ་འདི་སྐད་ཅེས་སྨྲས་
D1.004.0105b07.01