完整藏文原文 · 德格版页 当前仅加载第 4 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་གྱུར་ཅིག་ཅེས་བདེན་པའི་བྱིན་གྱིས་བརླབས་མ་ཐག་ཁོ་ནར་དེའི་མིག་གཅིག་སྔོན་གྱི་ཇི་ལྟ་བ་བཞིན་དུ་གྱུར་ཏེ། དེས་སྨྲས་པ། དགེ་བྱེད་དེ་ཉིད་ང་ཡིན་ཏེ། ནུ་བོ་ཤོས་སྡིག་བྱེད་ཀྱིས་འདི་ལྟ་བུའི་གནས་སྐབས་སུ་བྱས་སོ། །དེས་སྨྲས་པ། གཞོན་ནུ་དགེ་བྱེད་དེ་ཁོ་ན་
D1.004.0189b01.01ཁྱོད་ཡིན་པར་ཅི་མངོན། དེས་ཀྱང་བདེན་པ་གསོལ་བར་བརྩམས་ཏེ། བདེན་པ་དང་བདེན་པའི་ཚིག་གང་གིས་སྡིག་བྱེད་ཀྱིས་བདག་གི་མིག་ཕྱུང་བ་ན་དེ་ལ་ངན་སེམས་ཅུང་ཟད་ཀྱང་མ་བྱུང་ཞེ་ན། བདེན་པ་དང་བདེན་པའི་ཚིག་དེས་བདག་གི་མིག་ཅིག་ཤོས་ཀྱང་
D1.004.0189b02.01སྔོན་གྱི་ཇི་ལྟ་བ་བཞིན་དུ་གྱུར་ཅིག་ཅེས་བྱས་པ་དང་། བདེན་པ་གསོལ་བས་དེའི་མིག་ཅིག་ཤོས་ཀྱང་སྔོན་གྱི་ཇི་ལྟ་བ་བཞིན་དུ་གྱུར་ཏོ། །དེ་ནས་རྒྱལ་པོ་གཞོན་ནུ་མ་དེས་དགེ་བྱེད་དབང་པོ་མ་ཚང་བ་མ་ཡིན་པ་དེ་ཁྲིད་ནས་རྒྱལ་པོའི་དྲུང་དུ་སོང་སྟེ་སྨྲས་པ། ཡབ་དགེ་བྱེད་དེ་
D1.004.0189b03.01ནི་འདི་ཉིད་ལགས་སོ། །རྒྱལ་པོ་ཡིད་མ་ཆེས་པ་ལས་དེས་ཇི་ལྟར་གྱུར་པ་སྨྲས་པ་དང་རྒྱལ་པོ་མཆོག་ཏུ་ངོ་མཚར་སྐྱེས་ནས་དེ་ནས་དེས་བུ་མོ་དེ་དཔལ་གྱི་འབྱོར་པ་ཆེན་པོས་བ་བྱིན་ནས་དཔུང་ཆེན་པོ་དང་ཆས་ཏེ་གྲོང་ཁྱེར་དེར་སོང་སྟེ་སྡིག་བྱེད་རྒྱལ་སྲིད་ལས་ཕྱུང་སྟེ་དགེ་བྱེད་དེ་ཡང་ཕའི་
D1.004.0189b04.01རྒྱལ་སྲིད་ལ་བཞག་གོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དགེ་བྱེད་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་སྡིག་བྱེད་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ། །ད་ལྟར་ཡང་འདིས་
D1.004.0189b05.01བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ། །གཞན་ཡང་འདི་ཇི་ལྟར་བྱས་པ་མི་གཟོ་བ་དང་། བྱས་པ་མི་ཚོར་བ་དེ་ཉོན་ཅིག །དགེ་སློང་དག་སྔོན་བྱུང་བ་རྒྱལ་པོའི་ཕོ་བྲང་ཞིག་ན་རྒྱལ་པོ་ཞིག་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ། སྐྱེ་བོ་
D1.004.0189b06.01དང་མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ། །དེ་བཙུན་མོ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་རིམ་གྱིས་བུ་བཞི་བཙས་ཏེ་ཡལ་ག་དང་། ལྕུག་
D1.004.0189b07.01